פסוקים פופולריים מ- Efeso 6

שתפו

Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

Gamitán moy u atanan a armas a inyatád nu Diyos nikam tánni malabanan moy u patibung hide nu diyablo.

Kanya isulot moy u atanan a armas a inyatád nu Diyos nikam. Tánni tu aldew a dumemát u kadukássan ay magimet moy a mákpaglaban. Sakay káttapos nu pákpaglaban moy ay matatag kam padi tu pánnampalataya moy.

Pero bakán la a ina. Nan kailangan a lagi kam a matatag tu pánnampalataya moy, dipo iye u magekalasag moy a pangsalag moy tu atanan a tokso ni Satanas a kumán a magapoy-apoy a pana a ipana na nikam. Lagi kambe a manalig a natanggap moy dán u kaligtasan moy a gábwat ni Cristo kanya hikam ay ligtas dán, konna tu essa a sundalo a manalig dipo tukoy na ate helmet siya a pangdipensa na tu ulu na. Sakay dapat lagi kam a handa a magpahayag tu upos nu Diyos a itoldu nikam nu Banal a Ispirito, dipo iye u kumán moy a áttak.

Kaya konna tu essa a sundalo, dapat lagi kam a handa: U tatahoden la u dapat moy a isipán oni kagiyán a magesinturon moy. Sakay dapat u magada la u gimitán moy a kumán a iye u pangtakláb moy tu hakaw moy. Kailangan a lagi kam a handa a ipangaral u Maganda a Baheta a mangatád ti kapayapaan; kumán iye a sapatus moy.

Iye u dimodyan ko a kagiyán: Magpakatibay kam tu pánnampalataya moy tu Panginoon tu pamamag-itan nu dakila na a kapangyariyan.

“Igalang moy u dáddakál moy hide.” Iye u kadipalonguwan a utus a tehhod a pananto. Iye u pananto: “Tánni gumanda u biyag mo sakay umatakdug u biyag mo ti lutaáy.”

Nadid, hikam a anak hide, sunudán moy u dáddakál moy hide, dipo iye u nerarapat a gimitán nu mánnampalataya hide tu Panginoon.