פסוקים פופולריים מ- Efeso 5

שתפו

Kanya ahigán moy u Diyos dipo atanan moy ay pinakamamahal na a anak. Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

Kanya ingatan moy ni kodya kam a mabiyag. Dyan kam mabiyag a konna tu mangmang hide nan konna tu mágkalalake hide a nakatukoy tu kaluuban nu Diyos. Samantalaán moy u pagkakataun hide a makagimet kam ti maganda. Dipo makpal dán u mágkadukás a gimet ti muduwáy.

Sakay dyan kam máglalasingán, dipo makasida ina ti maganda a kákkabiyag. Nan pilitán moy a u kapangyariyan nu Banal a Spirito u maghare nikam. Tu pággipun-ipun moy ay mágkansiyon kam ti kansiyon a papure para tu Diyos. Buo a puso kam a mágkansiyon sakay magpure tu Panginoon. Bilang mánnampalataya tu Panginoon tam ati Jesu-Cristo lagi kam a magpasalamat tu Diyos Ama maski ánya man u mangyare nikam.

Dyan kam umaheg tu mangmang hide. Nan tukuyán moy ni ánya u kaluuban nu Panginoon a gimitan moy.

Hikam a lállake hide, mahalán moy u kákkabanga moy hide, konna tu págmahal ni Cristo tu mánnampalataya hide. Dipo tu págmahal na ay inyalay na u biyag na para nide.

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.

Pasakup kam tu balang essa bilang tanda nu pággalang moy ni Cristo.

Hikam a bábbey hide, pasakup kam tu kákkabanga moy hide konna tu págpasakup moy tu Panginoon.

Pero iye ay patungkul be tu balang essa nikam: hikam a lállake hide, mahalán moy u kákkabanga moy a konna tu sadili moy; hikam a bábbey hide, igalang moy u kákkabanga moy hide.

Kinagi nu Kasulatan, “Dipo he, ay lakaden nu lállake u dáddikál na hide sakay magagum hide ay tu kabanga na; sakay magin essa dán hide.”

Dyan kam mákbahagi tu gimet nu tolay hide a katoy tu kadiklámman. Nan ikagi moy nide a madukás u gággimitán de.