פסוקים פופולריים מ- ГӀакъилал рагӀаби 11

שתפו

Сахаватав чиясул лъикӀаб гӀумру букӀуна, цогидазул хӀалхьезабулев чи хӀалхьиялда хутӀула.

Цояс сахаватго чвахизабула садакъаде кьолеб жо, ва гьесул бечелъи жеги цӀикӀкӀуна, цогидас къан ккун тола – жиндиего заралалъе.

ГӀамалкӀодолъиялда цадахъ инжитлъи-къабихӀлъи букӀуна, хӀеренлъи-хӀалимлъиялда цадахъ гӀакъиллъи букӀуна.

НасихӀатал гьечӀони, халкъ паналъула, гӀакълучагӀи цӀикӀкӀанагӀан бергьенлъиги хӀакълъула.

Муъминчиясул гӀамал – гӀумруялъул гъветӀ, гӀакъилав чияс гӀадамазул ракӀ жиндехунго цӀала.

МацӀихъанас чияр балъголъи къватӀибе загьир гьабула, гӀакъилав чияс балъголъи цӀунула.

РакӀ лъикӀасе пайда-хайир насиблъула, ракӀ квешас жиндаго тӀаде балагь бачуна.

Бечелъиялде мугъ чӀварав чи гӀодов ккола, муъминчиясул хуриб тӀор цӀубараб букӀуна.

БетӀергьанасул ццин бахъараб къоялъ бечелъиялъ кумек гьабуларо, ритӀухълъиялъ хвалдаса хвасар гьавула.

РитӀухъазул ракӀбацӀцӀалъиялъ гьел нухда рачуна, божизе бегьуларезул хиянаталъ жалго гьалаглъизарула.

Берцинай, амма цӀодорлъи гьабуларей чӀужугӀадан релълъуна болъонил магӀарзукъалазда бараб меседил кӀиликӀалда.

ХӀилла-рекӀкӀ гьабурал цӀадираби БетӀергьанасе рихарал руго, битӀун цӀалел гираби Гьесие рокьула.