פסוקים פופולריים מ- ГӀакъилал рагӀаби 10

שתפו

БетӀергьанасул баркаталъ бечелъизарула, баркатгун вугев чиясда ургъелги къварилъиги лъаларо.

РагӀи гӀемералъуб мунагь гьечӀого хутӀуларо, жиндирго кӀалалда кӀулал раравги цӀодорав чи вуго.

Рокьукълъиялъ кьалде рачуна, рокьиялъ киналго мунагьал рахчула.

КӀвахӀалал квераз чи мискинлъизавула, квалквадулел квераз – бечелъизавула.

Малъараб гӀадахъ босулев чи гьелъ чӀаголъиялде вачуна, кантӀизави къабул гьабуларев чи къосуна.

ВацӀцӀадго хьвадулесе хӀинкъи букӀунаро, мекъаб-тӀекъаб нух тӀаса бищарав ккун вачун уна.

БетӀергьанасукьа хӀинкъиялъ гӀумру халалъизабула, пасикъазул гӀумру къокълъула.

Муъминчиясде БетӀергьанас ракъул гӀазаб биччаларо, пасикъасе бокьарабги Гьес нахъчӀвала.

Кутакаб гьури бахъанищ – пасикъав чи араб бакӀ лъачӀого тӀагӀуна, муъминчийин абуни щулаго чӀола.