פסוקים פופולריים מ- १ कोरिन्थी 3

שתפו

पक्कै फेन तुहुरिन्हे पता बा कि तुहुरे परमेश्वरके मन्दिर हुइतो, और परमेश्वरके आत्मा तुहुरिन्केमे रथाँ।

केऊ फेन तुहुरिन्हे बँचैना कौनो दोसुर तरिका ना सिखाए। बँचैना तरिका एक्केथो किल बा और उ तरिका मै तुहुरिन्हे पैलेहेँ बतासेकल बतुँ: परमेश्वर हम्रिहिन्हे येशू ख्रीष्टके माध्यमसे बँचैथाँ।

तबेकमारे जे बुइत और जे पानी लगाइत, ओकर कौनो महत्त्व नै हो। परमेश्वर किल महत्त्वपूर्ण बताँ, काकरेकी वहे हुइँत जे बोँटहे बह्राइत।

काकरेकी हम्रे परमेश्वरके सहकर्मी हुइती; और तुहुरे कोरिन्थ शहरके विश्वासीन परमेश्वरके एकथो खेट्वा हस हुइतो। ओकर संगसंगे मै तुहुरिन्हे परमेश्वरके बनैती रहल एकथो घरसे तुलना करतुँ।

पर न्यायक दिनमे जब येशू ख्रीष्ट यी धर्तीमे फिर्ता अइहीँ, ते आगी हरेक मनैनके काम देखाई। ऊ हेरहीँ कि प्रत्येक कामदारन का-का कर्ले बताँ, और ऊ बतैहीँ कि यी मजा बा या खराब बा।

मै तुहुरिन्हे खुशीक खबरके घोषणा कर्नु, और परमेश्वरके वचन सिखैना सुरु कर्नु, और अपोल्लोस तुहुरिन्हे सिखैती रहल। पर हमार दुनु जहनके उद्देश्य एक्के बा। जे बोँटहे लगाइत और जे ओम्ने पानी डहाइत्, यी दुनु जहनके महत्त्व बिरकुल बराबर बतिन। और यी दुनु जाने ज्या कर्ले बताँ, ओक्रेहे अनुसार परमेश्वर ओइन्हे ईनाम दिहिन। पर प्रत्येक मनै अपन-अपन मेहनत अनुसार परमेश्वरसे ईनाम भेटैहीँ।

अपनहे धोखा देना बन्द करो। यदि तुहुरिन्मेसे केऊ फेन मै यी संसारके मनैनके विचारमे समझदार बतुँ कहिके सोँचत कलेसे तुहुरिन्हे यी संसारके मनैनके नजरमे अपनहे मूर्ख बनाई परी, ताकि तुहुरे जात्तिकमे परमेश्वरके नजरमे बुद्धिमान बने सेको।