פסוקים פופולריים מ- १ कोरिन्थी 2

שתפו

पर पवित्र शास्त्रमे जसिके लिखल बा, कि “ना कबु केऊ देख्ले हो, और ना कबु केऊ सुन्ले हो, और ना ते केऊ कबु फेन उ अद्भुत चिजके बारेमे सोँचल बा, जोन चिज परमेश्वर हुँकिन्हे प्रेम करुइया मनैनके लग तयार कर्ले बताँ।”

पर जोन मनैयकमे परमेश्वरके आत्मा नै हुइतिस, उ मनैया पवित्र आत्मक शिक्षाहे स्वीकार नै करत। और यी बात ओकर लग मूर्खता भरल हस लग्थिस, काकरेकी ऊ उहिहे बुझे नै सेकत। काकरेकी पवित्र आत्मा किल एकथो बा, जे मनैनहे परमेश्वरके बात बुझ्नामे सहयोग करत।

पर परमेश्वर यी चिजहे हमारमे अथवा हम्रे निउतरह्यनकेमे पवित्र आत्मक माध्यमसे प्रकट करलाँ। काकरेकी असिन कौनो फेन चिज नै हो, जोन पवित्र आत्माहे पता नै हो। यहाँसम कि परमेश्वरके गहिँर विचारहे फेन पवित्र आत्मा एकदम सहिसे जानत।

हम्रे ओसिके नै सोँच्थी जसिके संसारके दोसुर मनै सोँच्थाँ; बेन हम्रिहिन्हे परमेश्वरके देलक वरदान हम्रे बुझे सेकी कहिके परमेश्वर हम्रिहिन्हे पवित्र आत्मा देले बताँ।

और मोरिक शिक्षा और मोरिक प्रचार मनैनके ज्ञानके चलाँख बोलीसे नै रहे। पर पवित्र आत्मा तुहुरिन्हे एकथो शक्तिशाली तरिकासे देखैलाँ कि जोन सन्देश मै तुहुरिन्हे बतैनु, उ सन्देश सच्चा रहे। ताकि तुहुरिन्के विश्वास मनैनके बुद्धिमे नै होके परमेश्वरके शक्तिमे भर परे।