1
റോമക്കാറാര് 1:16
സാമിദ് സേദി
ണല്ല സേദിന പറ്റി എനാക്ക് ണാണ ഇല്ലെ പെര്‌മെത്തെ. എന്ത്‌ക്കെന്റ് സൊന്ന ണല്ല സേദിന ണമ്പ്‌റ ഏവാര്‌ക്ക്‌മ് മുദ എഗുദാന്‌ക്ക്‌മ് പ്‌റ എഗുദാര് അല്ലാത്ത ജാദിഗാക്ക്‌മ് ദെങ്കി കഡാക്ക്യുള്ള സാമി സക്‌ദി അദിലിര്‌ക്ക്‌ദ്.
השווה
חקרו റോമക്കാറാര് 1:16
2
റോമക്കാറാര് 1:17
ബേ്റെ ഒന്റിലിമ് അല്ല ണമ്പിക്കാലെത്തെ ആള്‌ഗണ സാമി തന്ന് മുന്നുക്ക് ണേര്‌മെക്കാറാ് ആക്ക്‌റാദ് എന്ത് ഈ ണല്ല സേദിലി കാട്ട്‌ദ്. <<സാമി മുന്നുക്ക് ണേര്‌മെക്കാറാ് ആയിര്‌ക്കവാ് ണമ്പിക്കാലെ പെ്ളേക്കുവാ്>> എന്ത് സാമി സൊല്ലുസുലാക്കാത്തിലി എ്ള്‌ദിര്‌ക്ക്‌ദല്ല.
חקרו റോമക്കാറാര് 1:17
3
റോമക്കാറാര് 1:20
ഉലഗണ ദ്‌ട്ടിസിന ണാളിലിര്‌ന്തെ സാമി ഉണ്ടാക്കിനാദ്‌ണ ബെത്ത് ണോഡിന സത്ത്യമാന സാമി ഇര്‌ക്കാ് എന്ത്‌മ് അയ്യി സാമിക്കിര്‌ക്ക സക്‌ദി ഇല്ലാദായെക്കാത്താദ് എന്ത്‌മ് സൊക്കാന ബെ്ളിപട്ടിര്‌ക്ക്‌ദ്. അദ്‌ണാലെ ആര്‌ക്ക്‌മ് തറ്‌ക്ക്യ മുഡ്യമാട്ട.
חקרו റോമക്കാറാര് 1:20
4
റോമക്കാറാര് 1:21
അവാര് സാമിന തെരിന്ത് ഗൂഡി സാമിക്ക് സാമി എന്തുള്ള മദ്‌പ്പ് കൊഡുക്കാദേമ് ണണ്ണി സൊല്ലാദേമ് ഇര്‌ന്താര്. അല്ലാദെ താനെ അവാര് ബുദ്ദിബോദ ഇല്ലാത്ത ണെനേപ്പ്‌ക്കാറാര്‌മ് ണല്ലാദ് കെ്ട്ടാദ് തെര്യാത്ത മനേസ്സ്‌ക്കാറാര്‌മ് ആയെക്കിനാര്.
חקרו റോമക്കാറാര് 1:21
5
റോമക്കാറാര് 1:25
അവാര് സാമിന പറ്റ്യുള്ള സത്ത്യണ ണമ്പാദെ അദ്‌ണ പൊയ്യാക്കിനാര്. ദ്‌ട്ടിസിനവാന കുമ്മുഡ്‌റാദ്‌ണ തള്ളി സാമി ദ്‌ട്ടിസിനാദ്‌ണ പൂസെ മുഡിത്ത്‌കൊണ്ട് അവാര് അദ്‌ണ കുമ്മുഡിനാര്. ആന സാമി എപ്പേക്ക്‌മ് ബെല്ല്യവാ്ത്തെ, ആമെ.
חקרו റോമക്കാറാര് 1:25
6
റോമക്കാറാര് 1:18
മന്‌സാര് സെയ്‌ര എല്ല കെ്ട്ട കാര്യഗണാമ് എല്ല പാവഗണാമ് സാമി കണ്ട് തനാക്ക് ബര കോവ മേലോഗാത്തിലിര്‌ന്ത് ബെ്ളിപഡ്‌ദ്. എന്ത്‌ക്കെന്റ അവാര് കെ്ട്ട കാര്യഗ സെയ്‌ദ് ആള്‌ഗ സാമിന പറ്റ്യുള്ള സത്ത്യണ തെര്യ ബ്‌ഡാദെ തഡ്‌ക്കാര്.
חקרו റോമക്കാറാര് 1:18
7
റോമക്കാറാര് 1:26-28
അവാര് അച്ചെ സെയ്‌ദാദ്‌ണാലെ അവാര്‌ക്കിര്‌ക്ക കാമ ആസെഗാളിലി മാനതാന ഇല്ലാത്ത കാര്യഗ സെയ്യ സാമി അവാര്‌ണ ബ്‌ട്ടാ്. അവാര്‌ദ് പെ്ണ്ണ്‌മക്കഗ ആണ്‌മക്കണ തള്ളി പെ്ണ്ണ്‌മക്ക പെ്ണ്ണ്‌മക്കളോഡെ താനെ ക്‌ഡാക്ക്യ പ്‌ഡിത്താര്. അദേപാസെ താനെ ആണ്‌മക്കഗാമ് പെ്ണ്ണ്‌മക്കാളോഡെ ക്‌ഡാക്കാദ്‌ണ തള്ളി ആങ്കീങ്ക് ഗൊഡ്ഡുക്കിക്കി ആണ്‌മക്കളോഡെ താനെ ണാണഗെ്ട്ട കാര്യഗ സെയ്‌ദാര്. ഇച്ചെ അവാര് സെയ്‌ദ കെ്ട്ട കാര്യാക്കുള്ള ദണ്ടണെ തമ്മ താനെ കെ്ഡേസ്‌റാര്. സാമിന പറ്റ്യുള്ള അറുവു കെ്ഡേസി ണഡാക്കാദിലി ബെല്ല്യ കാര്യ ഒന്റില്ലെ എന്ത് ണെനേക്കാദ്‌ണാലെ സെയ്യ ബേ്ഡ എങ്ക കാര്യണ സെയ്യ ബേ്ണ്ടി സാമി അവാര്‌ണ ബുദ്ദിഗെ്ട്ടവാരായി പെ്ളേക്ക്യ ബ്‌ട്ടാ്.
חקרו റോമക്കാറാര് 1:26-28
8
റോമക്കാറാര് 1:22-23
അവാര് എമ്മ അറുവാളിഗ എന്ത് സൊല്ലി ണഡാക്കാര്, ആന അവാര് ബുദ്ദില്ലാത്തവാര് ആനാര്. അളിവില്ലാത്ത സാമിക്ക് മദ്‌പ്പ് കൊഡുക്കാദെ അളിന്ത് പോര മന്‌സാ്, പക്കിപര്‌ന്ത്, ബേ്ണ്ട്‌വ്‌റാവു, ഊരിന്ത് ണഡാക്ക ഉജുറുകെ്ളെഗ ഇദ്‌ഗാദ് സെലെഗാക്ക് മദ്‌പ്പ് കൊഡുത്താര്.
חקרו റോമക്കാറാര് 1:22-23
בית
כתבי הקודש
תכניות
קטעי וידאו