פסוקים פופולריים מ- जोहन्‍ना 4

שתפו

परमेशर आसा आत्मां, अर ज़रूरी आसा कि तेऊए च़ाकरी करनै आल़ै लोल़ी आत्मां अर सत्ता दी रही भज़न किअ।”

“आजू एछणअ इहअ बगत, इधी तैणीं कि सह बगत आझ़काला बी, शुचै भगता करनअ परमेशरो भज़न आत्मां अर सत्ता दी रही करै, परमेशर लोल़ा आप्पू लै इहै ई च़ाकरी करनै आल़ै।

पर ज़ुंण तेऊ पाणीं झुटे ज़ुंण मुंह दैणअ, तेऊ निं कधि चिशै एछणी। होर ता होर, ज़ुंण पाणीं मुंह तेऊ लै दैणअ, तेते निखल़णीं तेऊ दी ज़िन्दगी दैणैं आल़ी सोबल़ अर तेता दैणीं तेऊ लै सदा लै ज़िन्दगी।”

ईशू दैनअ तैहा लै ज़बाब, “ज़ै ताखा परमेशरे बरदानो थोघ हंदअ, अर इहअ थोघ हंदअ कि तूह कहा संघै आसा लागी दी गल्‍ला करदी, तै मांगदी तूह मुखा अर मुंह दैणअ त ताल्है सदा रहणैं आल़ी ज़िन्दगी दैणैं आल़अ पाणीं।”

ईशू बोलअ तिन्‍नां लै, “मेरी रोटी आसा ईंयां कि हुंह तेऊए साबै सोभै गल्‍ला करूं ज़ुंणी हुंह छ़ाडअ द आसा, अर तेऊओ काम पूरअ करूं।

तैहा बेटल़ी बोलअ, “हे मालक, ताखा पाणीं भरना लै भांडअ ता आथी निं, अर कुहअ आसा डुघअ, तै ताखा ज़िन्दगी दैणैं आल़अ पाणीं किधा का आअ?”

तैहा बेटल़ी ईशू लै बोलअ, “हुंह ज़ाणा कि मसीहा ज़ुंण महान मणछ आसा, सह आसा एछणैं आल़अ, ज़ेभै सह एछणअ, तेभै खोज़णीं तेऊ हाम्हां का सोभै गल्‍ला।” ईशू बोलअ तैहा लै, “हुंह ज़ुंण ताह संघै गल्‍ला करदअ आसा लागअ द, हुंह आसा सह ई।”

एछा, एकी मणछा भाल़ा, ज़ुंणी मेरै बारै कई गल्‍ला खोज़ी ज़ुंण मेरी ज़िन्दगी दी हुई-बिति दी आसा, हेरा, अह मसीहा किनी आसा?