פסוקים פופולריים מ- जोहन्‍ना 3

שתפו

“किल्हैकि परमेशरै किई सारै संसारा संघै एही झ़ूरी कि तेऊ दैनअ आपणअ कल्ही पूत बल़ीदान हणां लै, ताकि ज़ुंण बी तेऊ दी विश्वास करे सह निं लोल़ी मूंअ, पर तेऊ लोल़ी सदा रहणैं आल़ी ज़िन्दगी भेटी।

परमेशरै निं आपणअ पूत संसारे मणछा लै सज़ा दैंदअ छ़ाडी, पर सह छ़ाडअ एते तैणीं कि संसारे सोभी मणछा तेऊ करै उद्धार भेटे।

ईशू दैनअ तेऊ लै ज़बाब, “हुंह खोज़ा ताखा का सत्त, ज़ै कोई नऊंअ ज़ल्म नांईं लए, सह निं परमेशरो राज़ भाल़ी सकदअ।”

ज़ुंण तेऊ दी विश्वास करा तेऊ निं सज़ा भेटणीं। पर ज़ुंण तेऊ दी विश्वास नांईं करा, तेऊ लै गअ इहअ करै दोश लागी कि तेऊ निं परमेशरे कल्है पूता दी विश्वास किअ।

“सज़ा दैणैंओ कारण आसा इहअ कि प्रैश्शअ आअ संसारै अर मणछै किई प्रैश्शै छ़ाडी न्हैरै संघै खास्सी झ़ूरी, अर तिन्‍नें तै काम ई बूरै।

अह आसा ज़रूरी कि तेऊए लोल़ी बढोतरी हुई अर हुंह लोल़ी घटअ।

किल्हैकि ज़ुंण बूरअ करा सह निं प्रैश्शै नेल़ एछदअ। सह डाहा प्रैश्शै संघै ज़ीद। इहअ निं हआ कि तेऊए कामों दोश लागे तेऊ दी।

ज़ुंण परमेशरे पूता दी विश्वास करे, तेऊ भेटणीं सदा रहणैं आल़ी ज़िन्दगी, पर ज़ुंण शोहरू नांईं मंदअ, सह निं तैहा ज़िन्दगी भाल़ी सकदअ, तेऊ लै भेटणीं परमेशरा का सज़ा।”

“खास्सी साला पैहलै ज़िहअ परमेशरे गूर मोसा मिसर देशे गलामी का छ़ुटणैं बाद रेगीस्तानै कांस्सै करै बणाईं दी दानअ उछ़टै दी च़की अर ज़ुंणी तैहा दानुईं बाखा लै उझै भाल़अ तिंयां सोभ बच़ै। ठीक तिहअ ई च़कणअ हुंह मणछो पूत बी उछ़टै दी।

बाब झ़ूरा आपणैं पूता लै खास्सअ अर तेऊ दैनअ सोभी गल्‍लो हक तेऊ लै।