פסוקים פופולריים מ- ROMA 5

שתפו

Tapi Alatala nompopokita kabete nu towena ka kita iwe'i: Tempo kita danasilaka Kristus namate nanjaliku kita.

Ane maria panjarumakata ewa etu da'a malente rarata. Nuapa to nisarumakata kana madupa. Nanotomo etu sabana nariamo towe Alatala riara nta'ita to najadi nggari Nosa Nagasa to niwaina ka kita.

Pade da'a aga etu, tapi kita wo'u nadamba-damba riara kasusa bo kapari to nirasaita sabana ninjanitamo nggari kasusa bo kapari etu kita majadi maroo. Pade ane kita maroo kita mamala manta'amaka tempo rapesoba sampe kita rakonoa Alatala. Pade ane ranjanita kita nikonoa Alatala, panjarumakata ri ja'ina mantambai maroso.

Jadi we'i-we'i kita nireke nanoa riara mpanggita Alatala sabana nomparasaya. Etu sampe kita natuwu nosinggabelo ante Alatala nggari nuapa to nipowia Pueta Yesus Kristus ka kita. Ante nomparasaya Yesus Kristus kita niwai loga mombarasai towe belo nu Alatala ewa to nirasaita mamimo we'i-we'i. Pade nadamba mpu'u rarata sabana naria panjarumakata mombarata bagia riara kuasa bo kagaya nu Alatala to nipogumaa.

Iwe'imo to nompakanoto towe Alatala ka kita. Ewa nisuka tempo kita da'a nompakule mompakanoa korota mboto Kristus namate nanjaliku kita tau-tau to da'a nantuki dota Alatala.

Jadi ane we'i-we'i kita nireke nanoa riara mpanggita Alatala nggari katiti nu lei Kristus, natantumo kita kana rapakasalama Kristus nggari pesuku Alatala banepia.

Nggari pombaliunaka samba'a pura-pura manusia najadi nasilaka. Pade nggari katundu to samba'ana pura-pura manusia mamala majadi manoa riara mpanggita Alatala.

Pade da'a aga iwetu, nadamba wo'u rarata sabana kita nosaongu rara ante Alatala. Etu najadi nggari powia Pueta Yesus Kristus to nompoposinggabelo bali kita ante Alatala.