פסוקים פופולריים מ- ROMA 4

שתפו

I'a da'a nolengga-lengga nomparasaya nuapa to nijanji Alatala ka i'a, tapi pomparasayana nompakaroso rarana sampe i'a nantoiya bo nombabila Alatala. Niparasayana mpu'u Alatala nompakule nompakadupa pojanjina.

Ewa tesa Alatala to nitulisi riara Buku Nagasa iwe'i: “Aku nangonggotaka iko majadi uma ntodea ri umba-umba ri dunia.” Riara mpanggita Alatala Abraham najadi umata pura-pura. I'a nomparasaya ka Alatala to nakuasa nompakatuwu tomate bo to nompakule mompajadi ante tesana anu da'a naria najadi naria.

I'a niwai Alatala rapatesi mombasompo silakata, pade naopu etu I'a nipakatuwu bali ala kita mamala majadi manoa riara mpanggita Alatala.

Naupa da'a masipato i'a manjarumaka majadi uma ntodea ri umba-umba ri dunia i'a batena nanjarumaka bo nomparasaya tesa Alatal ka i'a to nanguli, “Kadea nu mulimu banepia masimbayu ewa betu'e ri langi.”

Jadi kita mantarima nuapa to nijanji Alatala ante momparasaya, ala manoto etu nggari towe belo nu Alatala da'a nggari powia manusia. Patuju nu Alatala ala nuapa to nijanjina namala ratarima pura-pura muli Abraham, da'a aga ira to nompasimbuku mantuki Atura-atura agama, tapi wo'u ira to nomparasaya Alatala nasimbayu ewa Abraham. Sabana Abraham najadi umata pura-pura.

Daud nanguli iwe'i: “Nasanamo tau to niampungi salana, to nitampunisi silakana. Nasanamo tau mana nireke Alatala nasilaka.”

Sabana naria tesa ri Buku Nagasa to nanguli iwe'i: “Abraham nomparasaya Alatala, pade nggari pomparasayana etu i'a nireke Alatala tau nanoa.”