פסוקים פופולריים מ- MARKUS 8

שתפו

Sabana isema-sema da'a masadia mantuki Aku nau sampe mamate i'a da'a mombarata katuwua mabelo sampe ri kasae-saena. Tapi isema-sema to mombakabasaka pura-pura dotana mboto pade mantuki Aku bo manggeni Kareba Belo nau sampe rapatesi, i'a kana mombarata katuwua mabelo sampe ri kasae-saena.

Natantumo da'a ntoto ria gunana ane samba'a tau mombarata pura-pura nuapa to naria riara dunia e'i tapi da'a masalama, aga rasuku sampe ri kasae-saena ri naraka.

Naopu etu Yesus nompokio tau dea ri setu mpaka ri ja'ina nosanggani-nggani ante anaguruna pade niulina ka ira, “Isema-sema madota majadi topantuki Aku, i'a kana mombakabasaka dota rarana mboto pade masadia mantuki Aku nau sampe mamate rapaku ri kayu parika.

Da'a ria nuapa-nuapa to namala rasulata ante katuwua mabelo etu. Isema-sema maeya mompangaku Aku bo tesa-tesaku ri tatongo tau-tau to nasilaka bo tau dea to da'a natutu nantuki Alatala, Aku, Ana nu Manusia wo'u maeya mompangaku i'a tempo Aku marata bali ri dunia e'i. Tempo etu Aku kana marata ante reme bo kuasa nu Umaku, nosanggani-nggani ante malaeka-malaeka to nagasana!”

Pade nekutanamo Yesus ka ira, “Tapi nantuki pombarata komi, isema Aku e'i?” Nesonomo i Petrus, “Komimo Magau to Mompakasalama to nijanji Alatala!”