פסוקים פופולריים מ- MARKUS 7

שתפו

Sabana nggariarana, etumo nggariara nta'ina neumba pompekiri-pompekiri to naja'a to nanggeni tau nogau sala ante tau da'a rongona mboto, nangangga, nepatesi, nebualo, da'a nabasa-basa naino ka mbara-mbara ntau, nowia kaja'ana, nebagiu, da'a nabasa-basa nantuki dota rara to naja'ana, nasiriati, nanguli sinja'i, nasombo, pade noinggu nadoyo. Pokainggu to naja'a etumo to neumba nggariara manusia pade nompakatantoru ira riara mpanggita Alatala.”

Da'a ria sangele nggari sawalikuna to nesua riara manusia mamala mompakatantoru ira riara mpanggita Alatala. Tapi pokainggu to naja'a to nopu'u nggariara nta'i manusia, etumo to nompakatantoru ira riara mpanggita Alatala.

Nesonomo Yesus ka ira, “Komi tau-tau aga nabelo ri lenje! Nakono mpu'u Tesa nu Alatala to nipasimbayu nabi Yesaya nggaolu ewa komi. Nitulisina iwe'i: ‘Tau-tau e'i aga nombabila Aku ri sumba, tapi da'a ante mpu'u-mpu'u rara ira.

Da'a ntoto ria gunana ira mepue ka Aku, sabana ira nompatuduki ada-ada nu manusia ante nanguli etu parenta-parenta nu Alatala.’

Jadi parenta-parenta Alatala da'a nipariba'a komi tapi ada-ada nu manusia nisoko komi ante naroso.”