નીતિવચનો 25
25
સુલેમાનનાં નીતિવચનોનો બીજો ગુચ્છ
1આ પણ સુલેમાનનાં
નીતિવચનો છે કે,
જેમનો ઉતારો યહૂદિયાના રાજા
હિઝકિયાના માણસોએ કર્યો હતો.
2કોઈ બાબત ગુપ્ત રાખવી એમાં
ઈશ્વરનો મહિમા છે;
પણ કોઈ વાતનો પત્તો ખોળી કાઢવો
એમાં રાજાનું ગૌરવ છે.
3જેમ આકાશની ઊંચાઈ તથા
પૃથ્વીનું ઊંડાણ,
તેમ રાજાઓનું મન અગાધ છે.
4રૂપામાંથી મેલ કાપી નાખો,
તો તેમાંથી ગાળનારને માટે
વાસણ નીપજે છે;
5તેમ રાજા પાસેથી દુષ્ટોને દૂર કરો,
તો તેનું રાજ્યાસન નેકીમાં
સ્થિર થશે.
6 #
લૂ. ૧૪:૮-૧૦. રાજાની હજૂરમાં આગળ છાતી ન કાઢ,
અને મોટા માણસોની જગાએ
ઊભો ન રહે;
7કેમ કે જે હાકેમને તેં નજરે જોયો હોય
તેની હજૂરમાં તને નીચે
ઉતારવામાં આવે,
તેના કરતાં તને એમ કહેવામાં આવે,
“અહીં ઉપર આવ, ” તે વધારે સારું છે.
8દાવામાં જલદી ઊતરી ન પડ,
રખેને આખરે તારો પ્રતિવાદી
તને ઝંખવાણો પાડે,
ત્યારે શું કરવું તે તને સૂઝે નહિ.
9તારા દાવા વિષે તારા પ્રતિવાદી
સાથે જ વિવાદ કર,
અને બીજાની ગુપ્ત વાત
ઉઘાડી ન કર;
10રખેને તે સાંભળનાર તારી નિંદા કરે,
અને તારા પરનો બટ્ટો દૂર થાય નહિ.
11પ્રસંગને અનુસરીને બોલેલો શબ્દ
રૂપાની ટોપલીમાંનાં સોનાનાં
ફળ જેવો છે.
12ઠપકો દેનાર જ્ઞાની [ની વાત]
આજ્ઞાંકિત કાનમાં સોનાના કુંડળ
તથા ચોખ્ખા સોનાના
ભૂષણ જેવી છે.
13ફસલના વખતમાં હિમની શીતળતા
જેવી [લાગે છે] ,
તેવો જ વિશ્વાસુ એલચી
તેના મોકલનારાઓને લાગે છે;
કેમ કે તે પોતાના ધણીના
જીવને તાજો કરે છે.
14જે કોઈ બક્ષિસો આપવાની ઠાલી
ડંફાસો મારે છે,
પણ કંઈ આપતો નથી,
તે વરસાદ વગરનાં વાદળાં
તથા પવન જેવો છે.
15લાંબી મુદતની સહનશીલતાથી
અધિકારીનું મન માને છે,
અને કોમળ જીભ હાડકાંને ભાંગે છે.
16જો તને મધ મળ્યું હોય,
તો જોઈએ તેટલું જ ખા;
રખેને તે તારા ગળા સુધી આવે,
ને તારે તે ઓકી કાઢવું પડે.
17તું તારા પડોશીના ઘરમાં
કવચિત જ જા;
નહિ તો તે તારાથી કંટાળીને
તારો ધિક્કાર કરશે.
18પોતાના પડોશી વિરુદ્ધ જૂઠી
સાક્ષી પૂરનાર માણસ
હથોડા, તરવાર તથા તીક્ષ્ણ
તીર જેવો છે.
19સંકટસમયે અવિશ્વાસુ માણસ
પર રાખેલો ભરોસો
એ ભાંગી ગયેલા દાંત, કે ઊતરી
ગયેલા પગ જેવો છે.
20જે દુ:ખી દિલના માણસ આગળ
ગીત ગાય છે.
તે શિયાળામાં અંગ પરથી વસ્ત્ર
છીનવી લેનાર જેવો,
તથા સુરાખાર પર સરકાના જેવો છે.
21 #
રોમ. ૧૨:૨૦. જો તારો શત્રુ ભૂખ્યો હોય તો
તેને ભોજન આપ;
જો તે તરસ્યો હોય તો તેને પાણી પા;
22કેમ કે [એમ કરવાથી] તું તેના માથા
પર અંગારાનો ઢગલો કરશે,
અને યહોવા તને તેનું ફળ આપશે.
23ઉત્તરનો પવન વરસાદ લાવે છે;
તેમજ ચાડીખોર જીભ ક્રોધી
ચહેરો [ઉપજાવે છે].
24કજિયાખોર સ્ત્રીની સાથે વિશાળ
મકાનમાં રહેવું,
તે કરતાં અગાસીના ખૂણામાં
રહેવું સારું છે.
25જેવું તરસ્યા જીવને ટાઢું પાણી છે,
તેવી જ દૂર દેશથી [મળેલી]
સારી ખબર છે.
26જેવો ડહોળાયેલો ઝરો તથા
અવડ કૂવો છે,
તેવો જ દુષ્ટોની આગળથી
ખસી જનાર નેક પુરુષ છે.
27ઘણું મધ ખાવું સારું નથી;
તેમ જ પોતાની પ્રતિષ્ઠા
શોધવી એ કંઈ પ્રતિષ્ઠા નથી.
28જેનું મન કબજામાં નથી તે ખંડિયેર તથા
કોટ વગરના નગર જેવો છે.
હાલમાં પસંદ કરેલ:
નીતિવચનો 25: GUJOVBSI
હાઇલાઇટ
નકલ કરો
તુલના કરો
શેર કરો
શું તમે તમારા બધા ઉપકરણો પર તમારા હાઇલાઇટ્સ સાચવવા માંગો છો? સાઇન અપ અથવા સાઇન ઇન કરો
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.