Popular Bible Verses from El Apocalipsis 8

શેર કરો

Cuandu igui-awa̱jts imusieteway sellu, igamaraugawu nejʉmay ruidu tsajpni'c pa media hora.

Mit primeruway ángel i-acya̱s̈ itrompeta, mit chu̱chiu ca'pay tsa'tú̱ mit jʉjn motic mit nipin, mit ayé ca'ugau hasta na̱s̈ni'c. Mit toy tercera parte de na̱s̈ mit we'ney tercera parte de cujyat, mit toy nu'pʉjʉn s̈us̈ucmʉjy itway na̱s̈ni'c.

Tʉn-is̈ mit tʉnmarau tu'c ángel, mit je' que̱cp es̈pu̱t tsajp, mit inʉm mʉgʉc: —¡Pro̱wij de ayé jayajwat jeme tsʉ̱ngapay na̱s̈ni'c, ni'c itunas̈cáj más mʉgʉc cuandu igui-acya̱s̈cawa'n itrompetajat jatres ayé ángejlat!

Mit imumechcway ángel i-acya̱s̈ itrompeta, mit tantida as̈am tu'c mʉjway copac chu̱chiu tinimpay mit jʉjn, mit ayé ica'tstʉgʉygau lama̱tni'c, mit tercera parte de ayé lama̱t jat as̈am nipin.

Mit imutu̱gupay ángel i-acya̱s̈ itrompeta, mit ca'u desde tsajpni'c tu'c mʉjway ma̱jts, mit ayé tinin as̈am jʉmbola, mit ayé ca'udʉgʉy tercera parte mʉjnʉ'ni'jcat mit mam imu't nʉ'. Mit ayé ma̱jts inʉ'jy Ajenjo ni'c i-acta̱matsip nʉ'. Mit tercera parte de nʉ' jat ta̱mats, mit mayo'c jayajwat o'jcau ni'c ta̱matso'c ijajt ayé nʉ'.

Mit imumactas̈pay ángel i-acya̱s̈ itrompeta, mit to'jʉu tercera parte s̈ʉjw, mit we'ney to'jʉu tercera parte po' mit tercera parte ma̱jtsat, pa we'n ma cuchítimi tercera partejat, mit pa maga-it luz pa cuatro hora s̈ʉ̱m mit we'ney pa cuatro hora tsu'm.