Popular Bible Verses from El Apocalipsis 9

શેર કરો

Mit japu̱t jayajwat jeme ca-o'jcaway mit ayé castigujat, igacuyaguigawu ima̱lway to̱jwat. Igacuyaguigawu igui-adora̱tcawa'n demo̱nyujat, mit tiyu̱s̈at watijcatway de oro, plata, bronce, tsa' mit de cujy. Mit ayé tiyu̱s̈at ca-oyap i-e'pca, ca-oyap imarauga, ne ca-oyap iyo'yga. Ne igacuyaguigawu ayʉ̱́j: i-ago'jcawa'n, itso'jcaygawa'n, ichajyo'ygawa'n mit inu'mgawa'n.

Mit wi's̈icni'c pichingau pa̱tas̈ ma̱jlatway jeme que̱jcapay, mit imoygau poder as̈am ayé poder ijtʉpay tu'c capin pa nas̈to'gáj. Mit imanda̱tcau magacayga ma'jts na̱s̈ni'cway, ne s̈us̈ucmʉjy ne cujyat. Solo ma actunas̈ca jayajwat jeme ca-itcʉjʉpay Dios imarca iwimpacni'jcat.

Mit imucincuway ángel i-acya̱s̈ itrompeta, mit tʉn-is̈ ni'c ca'u tu'c ma̱jts desde tsajpni'c hasta na̱s̈ni'c, mit ayé ma̱jts inʉmo'jcʉp tu'c ma̱lway ángel. Mit ayé ángel imoygau ya̱pi itu-awa'tsámpay ayé cʉt jeme jugo'cway.

Mit imoygau laj ma actunas̈ca pa cinco po'jat, po maga-ago'jca. Mit i-actunas̈cau as̈am cuandu nas̈to'p tu'c capin.

Mit ayé pa̱tas̈at itcʉjʉu ijefejat jeme iguimanda̱tcapay, mit ijefejat tu'c ma̱lway ángel jeme tsʉ̱napay cʉtʉm, mit inʉ'jy hebreo-auni'c Abadón, mit griegu-auni'c Apolión, ayé inʉmo'jcʉp i-actogoypay jayajwat.