Popular Bible Verses from El Apocalipsis 7

શેર કરો

Mit cʉs̈ tʉn-is̈ mayo'c jayajwat mit nepʉn ca-oyawu iguimaycupa̱ti. It jayajwat de nu'pʉjʉn na̱s̈at, nu'pʉjʉn grupu de jayajwat, nu'pʉjʉn nʉ'jcopajcat mit nu'pʉjʉn cotscapay jatu'c ajwat. Mit je'jat tsʉ̱ngau mam Dios imanda̱t itrononi'c, mit mam itsʉ̱na ayé borreguwáy Jesucristu. Mit nu'pʉjʉn je'jat cutigatsijcat mit po'pjamuc, mit imuyo'ygau tu̱ts-ajy icʉ'ni'jcat ni'c imʉjninʉmgau Cristu.

Mit cotscau mʉgʉc, inʉmgau: Dios tsʉ̱nap itrononi'c, mit je' mit ayé borreguwáy Jesucristu nas̈salva̱tcau.

Ni'c ayé borreguwáy Jesucristu jeme tsʉ̱napay mam Dios imanda̱t itrononi'c, je' icuida̱tcʉs̈áj, mit je' iwejnu'pcʉs̈áj pa mam imu'twa'n nʉ' jeme iyacpay vida. Mit Dios icupo'tcʉs̈á̱j iwinʉ'jat mit cajajʉygáj.

Jemni'c je'jat tsʉ̱ngap mam Dios imanda̱t itrononi'c, mit iservia̱tcajap je' tsu'm mit s̈ʉ̱m je' itempluni'c. Mit Dios jeme tsʉ̱napay itrononi'c iguicuida̱tcáj. Mit je'jat cajacayo'jcʉjʉ̱́j ne cajanʉ-u̱go'jcʉjʉ̱́j, mit ne s̈ʉjw iguigajano'jcáj, mit ne catoygáj.

Mit inʉmgʉs̈au: —Camniwatca dañu na̱s̈ni'c, ne lama̱tni'c, ne cuyni'jcat. Mojyʉ'jcac laj tʉmarcá̱tca iwimpacni'jcat ayé jayajwat iservia̱tcajapay Dios. Mit tʉnmarau pʉjʉjnat imarca̱tcámpay. Imarca̱tcau ciento cuarenta y cuatro mil jayajwat, nu'pʉjʉn Israelway jayajwat ifamiliajat.