Popular Bible Verses from El Apocalipsis 20

શેર કરો

Mit jeme catsʉ̱ngaway ja'ygu'tic libruni'c ca-itcʉjʉwu vida cacʉs̈ámpay, mit ica'tstʉgʉygau en ayé laguna ijtʉpay jʉjn.

Mit tʉn-is̈ á̱nimajat jutucta̱jcaway, mʉjayajwat mit camʉjninʉmijcatway. Je'jat tenagau mam Dios itsʉ̱na. Mit Dios i-awa̱ts librujat, mit i-awa̱tsey jatu'c libru, en ayé libru tsʉ̱ngap ja'ygu'tic jeme itcʉjʉpay vida cacʉs̈ámpay. Mit Dios ijuzga̱tcʉs̈ á̱nimajat as̈amu itsʉ̱na ja'ygu'tic libruni'jcat, ni'c jem i-it lo que iwatcaway.

Mit nu'pʉjʉn á̱nimajat tsʉ̱ngaway lama̱tni'c pichingau, mit nu'pʉjʉn ma̱lway á̱nimajat tsʉ̱ngaway cʉtʉm pichingawey, mit Dios ijuzga̱tcʉs̈ as̈amu iguiwátcaj. Mit ayé á̱nimajat pichingaway cʉtʉm ica'tstʉgʉygau en ayé laguna mam i-it jʉjn. Ayʉ̱́j ayé últimu castigu.

Mit tʉn-is̈ tu'c mʉjway trono po'pway, mit tʉn-ís̈ey Dios jeme tsʉ̱napay jem. Mit nu'pʉjʉn na̱s̈ mit tsajp i-is̈togoygau mit caja-itu laj pa je'jat mam Dios itsʉ̱na.

Icumplia̱twa'n ayé mil añu, i-acjo'ngájatu Awayagatsna' mam itsʉ̱na presu cutsumda'guic. Mit ipichinwa'n, iwe̱jta̱jcʉs̈áj jayajwat jeme tsʉ̱ngapay nu'pʉjʉn mundu. Mit iwe̱támpey ayé rejyat Gog mit Magog, mit i-apʉcmujcʉs̈áj ijayajwat pa itsuguinwatcawa'n. Je'jat mayo'jcat as̈am ayé po'y lama̱t-auni'cway, ayé ca-oyap nas̈maycupa̱ti.