Popular Bible Verses from El Apocalipsis 19

શેર કરો

Ma ji'jca mʉgʉc najo̱jtat mit na-oyninʉ́mga Dios, ni'c ayé borreguwáy Jesucristu imunipʉjcʉ̱́j ijayajwat as̈am tu'c nicʉ'pa̱jtʉpay, mit ijayajwat tsʉ̱ngap prepara̱tic pa iguipʉctsougáj

Mit tsʉ̱nap ja'yic ijamucni'c mit ipuyni'c ayʉ̱́j nʉ'jy, inʉm: “Je' meru Rey mit imanda̱tp nu'pʉjʉn.”

Mit cʉs̈ tʉn-is̈ tsajp awa'tsic, mit tʉn-is̈ tu'c po'pcawa̱yu, mit jeme itucu'tpay ayé tu'c jeme cumplia̱tpay mit iwatp iyacs̈ta'cway. Mit je' juzga̱tp yacs̈ic mit oyo'gu iguimulucha̱tcʉs̈ jayajwat.

Mit iwijnat que's̈ as̈am jʉjn, mit icopacni'c ijtʉu may coronajat. Mit ijtʉu tu'c nʉ'jy ja'yic, mit nepʉn ca-oyawu igui-is̈cap ayé nʉ'jy, solo je'yu i-is̈cap. Je' tsʉ̱nau cutigatsic mit tu'c jamuc, mit ayé jamuc jinic mit nipin. Mit ijtʉu tu'c nʉ'jy, inʉm: Ayé Palabra nas̈actu-is̈capcapay Dios.

Mit je' i-auni'c pichimp tu'c espada me'icway, mit ayé oyáj iguitucotcʉs̈ nu'pʉjʉn jayajwat, mit imanda̱tcʉs̈áj mʉgʉc. Je' i-actunas̈cʉs̈áj as̈am cuandu iguimʉ'cs̈ca uva, mit Dios icastiga̱tcʉs̈áj mʉgʉc jayajwat, ni'c je' ijtʉp nu'pʉjʉn poder.

Mit i-actangau ayé aníma̱t mit we'ney ayé we̱tpay profeta jeme iwatway milagrujat mam igui-e'p ayé aníma̱t, mit ayé we̱tpay profeta iwe̱jta̱jcʉs̈ ayé jayajwat jeme ipʉctsougajaway imarca ayé aníma̱t, mit jeme i-adora̱tcajaway itiyu̱s̈. Mit cʉs̈ inimechquij ica'tstʉgʉygau nijutujcat en tu'c laguna mam itinin jʉjn mit azufre.