Popular Bible Verses from El Apocalipsis 21

શેર કરો

Mit Dios icupo'tcʉs̈á̱j iwinʉ'jat pa siempre, mit caja-o'jcáj, cajajʉygáj, mit cajapʉjcʉjʉ̱́j, ni'c nas̈way nu'pʉjʉn tristeza.

Mit Dios jeme tsʉ̱napay itrononi'c, inʉm: —Marau, tʉnyamwatp nu'pʉjʉn cosajat. Mit tʉs̈najawey: —Ja'y ayé, ni'c lo que tʉnyʉmpay ayé iyacs̈ta'cway, mit cumplia̱táj.

Mit tʉnmarau tu'c jeme cotsway mʉgʉc tsajpni'c, inʉm: —E'pnaj ni'c Dios iwatway itʉjc mam jayajwat, mit je' tsʉ̱náj mit je'jat, mit je'jat jatcáj ijayajwat, mit nije'yu Dios tsʉ̱náj mit je'jat, mit je' tanáj Dios pa je'jat.

Mit tʉs̈najau: —Cumplia̱tway nu'pʉjʉn. Ʉ̱ tʉ-Alfa mit Omega, ayé inʉmo'jcʉp ni'c tʉtsʉ̱najʉ'c mit tʉgacʉs̈áj. Jeme nʉ-u̱go'jcʉ́mpay, tʉnmo'áj we'nujyu ayé nʉ' jeme mu'tí̱cpay pa ma ijtʉ vida cacʉs̈ámpay.

Jeme vencia̱támpay, ipʉctsowáj nu'pʉjʉn cosajat, mit ʉ̱ tʉtanáj Dios pa je', mit ʉ̱ tʉnwayjatáj.

Po pʉ̱tpayna'jat, cacupʉjcapay, jeme yo'ygapay mancha̱tic, ago'cpajyat, chajyo'ypajyat, tso'cna'jat, tiyu̱s̈wampajyat mit nu'pʉjʉn we̱tpajyat, je'jat Dios igui-actutso̱jcáj en ayé laguna jeme tinimpay mit jʉjn mit azufre. Ayʉ̱́j ayé últimu castigu.

Mit tʉn-is̈ namay tsajp mit namay na̱s̈, ni'c i-is̈togoygau ayé ampay tsajp mit ampay na̱s̈, mit lama̱t i-is̈togoygawey.

Mit ʉ̱ Juan tʉn-is̈ ayé nʉ'jcopac icupi̱way Dios, ayé ijtʉp inʉ'jy namay Jerusalén. Mit ayé nʉ'jcopac Dios i-acmanac tsajpni'c, mit ayé nʉ'jcopac oyaguic itsʉ̱na as̈am tu'c novia adorna̱ticway pa iguimunipʉjcʉwa'n ina'u.

Ayé nʉ'jcopac iganesita̱tp ne s̈ʉjw ne po' ma toy jem, ni'c ta'cs̈p jem Dios i-oymanagui, mit ayé borreguwáy Jesucristu ita'cs̈cʉs̈pey. Mit nu'pʉjʉn jayajwat jeme tsʉ̱ngaway salva̱tic yo'ygáj mit ayé luz iyacpay ayé nʉ'jcopac, mit tʉgʉygáj rejyat ayʉ̱́j mundujway mit imunʉs̈cáj jem nu'pʉjʉn cosa oymanacway.