Matyu 1
1
Yesus Kristus aqa moma naŋgo ñam kalil
1Endi Yesus Kristus aqa moma naŋgo ñam kalil. Yesus Kristus a Devit aqa leŋ. Devit a Abraham aqa leŋ.
2Abraham a Aisak aqa abu. Aisak a Jekop aqa abu. Jekop a Juda aqa was naŋgi ti naŋgo abu. 3Juda a Peres wo Sera wo naŋgo abu. Naŋgo ai Tamar. Peres a Hesron aqa abu. Hesron a Ram aqa abu. 4Ram a Aminadap aqa abu. Aminadap a Nason aqa abu. Nason a Salmon aqa abu. 5Salmon a Boas aqa abu. Boas aqa ai Rahap. Boas a Obet aqa abu. Obet aqa ai Rut. Obet a Jesi aqa abu. 6Jesi a Mandor Koba Devit aqa abu.
Ariya Devit a Solomon aqa abu. Solomon aqa ai agi nami Uria aqa ŋauqali soqnej. 7Solomon a Rehoboam aqa abu. Rehoboam a Abiya aqa abu. Abiya a Asa aqa abu. 8Asa a Jehosafat aqa abu. Jehosafat a Jehoram aqa abu. Jehoram a Usia aqa abu. 9Usia a Jotam aqa abu. Jotam a Ahas aqa abu. Ahas a Hesekia aqa abu. 10Hesekia a Manase aqa abu. Manase a Emon aqa abu. Emon a Josaia aqa abu. 11Josaia a Jehoiakin aqa was naŋgi ti naŋgo abu. Aqa bati qa Babilon naŋgi na bosib Israel naŋgi tontnjrsib joqsib gilsib Babilon naŋgo mandamq di taqatnjresoqneb.
12Ariya Babilon naŋgi na Israel naŋgi tontnjrnab sonabqa Jehoiakin aqa aŋgro Sealtiel ŋambabej. Sealtiel a Serubabel aqa abu. 13Serubabel a Abiut aqa abu. Abiut a Eliakim aqa abu. Eliakim a Asor aqa abu. 14Asor a Sadok aqa abu. Sadok a Akim aqa abu. Akim a Eliut aqa abu. 15Eliut a Eleasar aqa abu. Eleasar a Matan aqa abu. Matan a Jekop aqa abu. 16Jekop a Josep aqa abu. Josep a Maria aqa gumbuluŋ.
Maria aqa miligiq na Yesus ŋambabej. Agi naŋgi a qa mareqnub, a Kristus.
17Deqa Abraham aqaq dena bosi bosiq Devit ŋambabej di moma 14-pela. Devit aqaq dena bosi bosiq Israel naŋgi Babilon naŋgo mandamq di soqneb di dego moma 14-pela. Babilon di soqneb dena bosi bosiq Kristus ŋambabej di dego moma 14-pela.
Yesus Kristus a ŋambabej
18Yesus Kristus a endegsi ŋambabej. Aqa aniqali Maria Josep na oqajqa saga qameb. Ariya Josep a Maria ombla ŋereŋosaisonabqa Qotei aqa Mondor Maria aqaq ainaqa a gumaŋej. 19Ariya Maria aqa gumbuluŋ Josep a endegsi quej, “Maria a gumaŋqo.” A degsi qusiq deqa a Maria uratqa marej. Ariya Josep aqa kumbra tulaŋ boledamu deqa a endegsi are qalej, “E lumu na Maria uratqai. E boleq na uratqasai. Maria a jemaiyo uge.” 20Degsi are qaleqnaqa bati bei Tamo Koba Qotei aqa laŋ aŋgro bei aqaq ainaqa ŋeiobilqei na unej. Unnaqa laŋ aŋgro na minjej, “O Josep, Devit aqa moma, ni Maria ame. Ni ulaaim. Ni que. Qotei aqa Mondor aqaq aiqoqa a gumaŋqo. 21Deqa aqa aŋgro mel ŋambabqas. A na aqa segi tamo uŋasari naŋgo une kalil kobotetnjrsim naŋgi eleŋqas. Deqa ni aqa ñam Yesus waiyqam.”
22Kumbra kalil di brantej deqa anjam bei Tamo Koba Qotei aqa medabu o tamo bei nami marej qaji di aqa damu dego brantej. A endegsi marej, 23“Niŋgi quiye. Bunuqna duŋgeŋge bei a tamo ombla ŋereŋosaisosimqa a gumaŋosim aŋgro mel oqas. Amqa naŋgi aqa ñam Emanuel waiyqab.” Ñam di aqa damu, “Qotei a iga koba na unum.”
24Onaqa Josep a qutuosiqa anjam Tamo Koba Qotei aqa laŋ aŋgro na minjej qaji di dauryosiqa Maria ej. 25Ariya a Maria ombla ŋereŋosaioqneb. Gilsi gilsiq Maria a aŋgro mel ŋambabtej. Onaqa Josep na aŋgro di aqa ñam Yesus waiyej.
Tällä hetkellä valittuna:
Matyu 1: bojNT
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2013, Wycliffe Bible Translators, Inc. All rights reserved.