Simuluho 2
2
1Cwale lihalimu ni lifasi ni ze ku zona kaufela za felelezwa cwalo. 2#Mut 20.11 #Maheb 4.4,10 Mulimu ha s'a felize z'a n'a eza kamukana, a pumula ka lizazi la busupa. 3A tohonolofaza lizazi leo la busupa, mi a li keta ku a mañwi. A li fapanya ni ona kaufela, kakuli n'a pumuzi ku lona ha s'a felize musebezi wa hae ku bupa ni ku eza lika kamukana. 4Lihalimu ni lifasi ni ze ku zona kamukana ne li ezizwe ka ona mukwa wo.
Mulimu Muñ'a Bupilo s'a ezize lifasi ni lika kaufela ze kwahalimu. 5Mwa lifasi ne ku si na simela, mi ne ku si na peu ye n'e melile, kakuli n'a si ka lumela kale pula fafasi, mi hape ne ku si na mutu ya n'a lima masimu. 6Mezi a eza muzwetela, mi a kolobisa mubu.
7 #
But 15.8,11; 1 Bakor 15.45 Mulimu Muñ'a Bupilo kih'a nga kwa mubu fafasi, mi a bupa mutu. A bululela mwa lingo za hae moya wa bupilo, mi mutu a ba sibupiwa se si pila.
Simu ya Edeni
8Mulimu Mun'a Bupilo kih'a cala simu mwa Edeni, kwa Upa, mi a beya mwateñi mutu y'a n'a bupile. 9#Sin 2.7; 22.2,14 A melisa likota za mifuta-futa, ili likota ze buheha ha li talimwa, mi za beya miselo. Fahal'a simu, ne ku na ni kota ye fa bupilo, ni kota ya bunde ni bumaswe.
10Nuka ye zwa mwa Edeni ne i bubela mwa simu ku t'o i kolobisa, mi ya ba ni maalo a linuka ze ne. 11Libizo la nuka ya pili ki Pishoni. Ki yona ye buba ku potoloha naha ya Havila kaufela. 12Moo, ki mona mo ku fumaneha luli gauda ye nde, ni njilela cwalo, ni licwe la butokwa le li bizwa onikisi. 13Libizo la nuka ya bubeli ki Gihoni. Yona i buba ku potoloha naha ya Kushi kaufela. 14Nuka ya bulalu ki Tigrisi. I bubela kwa upa wa naha ya Asiria. Nuka ya bune ki Yuferati.
15Cwale Mulimu Muñ'a Bupilo a nga mutu, mi a mu beya mwa simu ya Edeni kuli a i lime ni ku i libelela. 16A mu laela, a li, “U ka icela miselo ya likota kamukana ze mwa simu. 17Kono u si ke wa icela miselo ya kota ye fa zibo ya bunde ni bumaswe. U si ke wa ca miselo ya yona. Haiba u i ca, luli u ta shwa.”
18Mulimu Muñ'a Bupilo kiha s'a li, “Ha si nto ye nde kuli munna a pile a nosi. Ni ta mu ezeza mulikani ya ta mu tusa.” 19Cwale a nga mubu fafasi, mi a bupa lifolofolo ni linyunywani kaufela ka mishobo ya zona. Kih'a li tisa ku mutu kuli a li beye mabizo, mi libizo l'a n'a file ye ñwi ni ye ñwi, la ba libizo la yona. 20Mutu a beya cwalo mabizo kwa limunanu, linyunywani, ni lifolofolo kaufela za mwa naheñi. Kono n'a si ka fumanelwa kale mulikani ya ka mu tusa.
21Mulimu Muñ'a Bupilo kiha s'a lobaza mutu buloko bo butuna, mi ha s'a lobezi cwalo, Muñ'a Bupilo a nga le liñwi la makupo a hae, mi mwa sibaka seo a tiba mwateñi ka nama. 22A eza musali fa likupo l'a n'a zwisize ku munna, mi a mu tisa ku yena. 23Cwale munna a li,
“Yo, ki yena lisapo la masapo a ka, ni nama ya nama ya ka.
Libizo la hae ki Musali kakuli u zwisizwe ku munna.”
24 #
Mat 19.5; Mar 10.7-8; 1 Bakor 6.16; Baef 5.31 Kikabakaelo munna h'a siya ndat'ahe ni m'ahe ku kumalela musal'a hae, kuli ba fetuhe mubili u li muñwi.
25Bubeli bwa bona ne ba inzi mapunu, kono ne ku si na ya n'a na ni maswabi.
Tällä hetkellä valittuna:
Simuluho 2: Lozi09
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Lozi Interconfessional Bible, Catholic Edition © Bible Society of Zambia, 2009.