Mateus 4
4
Diabu Koko Jesus
1 # 4:1 Bele lee iha Marcos 1:11-12, Lucas 4:1-13. Liu tiha nee, Espíritu lori Jesus ba rai fuik maran hodi Diabu bele tenta Nia. 2No bainhira Nia jejún ona too loron haat-nulu no kalan haat-nulu, ikus mai Nia hamlaha. 3Depois tentadór mai, no dehan ba Nia, “Se O Maromak nia Oan duni, haruka fatuk sira nee sai paun.” 4Maibee Nia hataan, “Profeta hakerek nanis ona,
Ema sei la moris liu hosi paun deit,
maibee liu hosi liafuan ida-idak nebee sai hosi Maromak nia ibun.’”#4:4 Deuteronómiu 8:3.
5Depois Diabu lori Nia ba sidade santu,#4:5 Sidade nee mak Jerusalém. no tau Nia iha Templu nia tutun. 6Diabu dehan ba Nia, “Se O Maromak nia Oan duni, soe O nia aan tuun ba rai, tanba sira hakerek nanis ona,
‘Nia sei haruka Ninia anju sira kona ba O,’ no mos,
‘Sira sei lori O iha sira nia liman,
atu nunee O nia ain la bele kona fatuk ida.’”#4:6 Salmu 91:11-12.
7Jesus dehan ba nia, “Maibee sira mos hakerek nanis ona, ‘Keta koko Nai, imi nia Maromak.’”#4:7 Deuteronómiu 6:16. 8Depois Diabu lori Nia ba foho ida nebee aas liu, no hatudu reinu hotu iha mundu ba Nia, no reinu sira nee nia glória. 9Diabu dehan ba Nia, “Hau sei foo buat hotu nee ba O, se O hakneak no adora hau.” 10Maibee Jesus dehan ba nia, “Sees tiha, Satanás! Tanba sira hakerek nanis ona,
‘Adora deit ba Nai, ita nia Maromak,
no ita serví mak Nia deit.’”#4:10 Deuteronómiu 6:13.
11Entaun Diabu husik Nia, no tebes, anju sira mai no serví Nia.
Jesus Komesa Ninia Ministériu
12Bainhira Jesus rona katak ema kastigu ona João, Nia fila ba Galileia. 13Nia sai hosi Nazaré, no Nia baa hela iha Kafarnaum, nebee iha tasi ibun, iha área Zebulón no Naftali. 14Ida nee hodi kumpri liafuan nebee mai liu hosi profeta Isaias bainhira nia dehan,
15“Iha rai Zebulón no rai Naftali,
liu hosi dalan tasi nian, iha Jordaun nia sorin ba,
iha Galileia nebee ema Jentiu#4:15 Ema Jentiu mak ema hosi nasaun seluk nebee laos ema Judeu. sira nian -
16povu nebee tuur iha nakukun laran
haree ona naroman boot ida,
no ba sira nebee tuur iha rai lalatak mate nian,#4:16 Fatin nakukun liu, haree Salmu 23:4.
naroman ida mosu ona.”#4:16 Isaias 9:1-2.
17Hosi tempu nee ba oin, Jesus komesa ba haklaken, no Nia dehan, “Arepende ba! Tanba reinu lalehan besik ona.”
Jesus Bolu Ninia Eskolante Balu
18Bainhira Jesus lao dadaun iha tasi ibun iha Tasi Galileia, Nia haree ema nain rua nebee maun-alin: Simão nebee ema bolu Pedro, no ninia alin André. Sira nain rua soe hela dai iha tasi, tanba sira mak peskadór. 19No Jesus dehan ba sira, “Mai tuir Hau, no Hau sei halo imi sai peskadór ba ema.” 20Entaun sira husik kedas sira nia dai sira nee no tuir Nia. 21Jesus lao ba oin no Nia haree ema nain rua tan nebee maun-alin, Tiago, nebee Zebedeu nia oan mane, no ninia alin João. Sira sei iha roo laran hamutuk ho sira nia aman Zebedeu, no sira hadia hela sira nia dai. No Jesus bolu sira. 22Sira husik kedas roo no sira nia aman no tuir Nia.
Jesus Hanorin No Kura Ema
23Jesus lao haleu rai Galileia tomak, no Nia hanorin iha sira nia sinagoga sira nee. Nia haklaken evanjelhu kona ba reinu. No Nia kura moras no isin fraku hotu-hotu iha povu nia leet. 24Nia hetan naran boot iha área Síria tomak. Sira lori ema hotu nebee iha moras no terus oi-oin ba Nia, inklui sira nebee diabu tama iha sira nia laran, sira nebee moras bibi maten no sira nebee ain aat, no Nia kura sira. 25No ema lubun boot tuir Nia, inklui povu hosi Galileia no Dekápolis,#4:25 Dekápolis katak ‘Sidade Sanulu’. no hosi Jerusalém no Judeia, no hosi Jordaun nia sorin ba.
Tällä hetkellä valittuna:
Mateus 4: BK
Korostus
Kopioi
Vertaa
Jaa
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Copyright Kadi Timor. All rights reserved. Portions of scripture can be used without permission for the promotion of God's glory.