Esther 2
2
Esther Rēngnū ei Changna
1 #
Est 7:10
Hiva ngāi suona, rēng Ahasveros taksitna a hong āmong le chu, Vasti a hong riat rēt a, amā'n imo ei thō, ama chunga dāndet ansin chu a hong riat rēt a. 2Hatuka rēng dorbōndom suok ngāiin a kōma: “Rēng ranga hin nungāk anthiang mēl asā anrok rase. 3Rēngin a rēngrama ramzobāk tina āenpū āruot sela. Amānī'n nungāk anthiang mēl asa dōra chu Susa rēngin a nupang ngāi omna ina manbūm u sela, nupang ārungpū rēng dorbōndompū Hegai a kōma anbetōk u rase. Hatuka mēlsatna ranga tinratuo ngāi dōrā'm anpēk rase. 4Hatuka rēng malungdō nungāk takin Vasti rathūla rēngnū chang rase,” a ti u na. Hava ha rēng a malung a dō na, havan tin anga a thō na.
5 #
1Sa 9:1
Susa rēng ina Zehudi mī khat a om a, a raming chu Mordekai, Zair nāipasal, hava ha Simei a nāipasal, ama hi Kis a nāipasal, ama chu Benzamin mī a ni. 6#2Rē 24:5; Dnl 1:1-5Babulon rēng Nebukadnezar-in Zuda rēng Zekonia bila mipui selkeia a ruoi lāi han, Zerusalem khopui ātā Kis hā'm ānchel a ni. 7#Aph 39:6Hatuka Hadasa, hiva hi Esther a ni, ama chu a pangāk nāinupang a ni, nūpā ei dōn nōk sika ei manlian a ni. Hava nungāk chu andit aruoi lē a mēl asa a ni. A nū lē a pā a thi suona Mordekai-in a nāinupang anga ei lāk a ni. 8#Neh 1:1; Dnl 8:2Havan tin han, rēng a chongpēk lē a dāndet ha anriat le chu, nungāk tamtak chu rēng khuo Susa rēngin a anbūm a, Hegai a kōma anbetōk u na. Hava lāi dēn han Esther hā'm ni sela rēngin a nupang ārungpū Hegai a kōma a ruoi u na. 9#Aph 39:1-3; 2Rē 25:30; Est 9:19; Dnl 1:5Hava nungākin Hegai a malung a mandō na, a mitmūna lungkhamna a tung a. Ama chang-āi lē anliangna tinratuo ngāi chu anrapa a pēk u na. Hatuka rēng-in ātā suok nupang anthang rap sari chu ama āen āzon ranga anpēk a. Hatuka ama lē suok nupang ngāi chu nupang siakna-ina, mun ahui khīta a va thot a. 10Esther-in a mi ngāi lē a insūngkuo ngāi la manriat mak a, Mordekai-in āril ranga ei khār sika. 11Esther chu hontin mo ei om, a chunga imo ei thō u tīna āmū rang ei zōt sika, Mordekai chu nikhuontina nupang ngāi siakna tuomāi matona ei va chei chachak.
12 #
Sām 45:8; Sol 1:3; 4:10 Rēng Ahasveros kōma avā lūt ranga nungāk ngāi a hun u chip chu a hong āsuok a, nupang ngāi dān anga ansinna hun ha tha sōmleianni a ni. Mura sariak le#2:12 Mura sariak: Marimhui sariak chi khat a ni. thā ruk, hatuka marimhui lē nupang ngāi mēlsatna ranga anliangna tinratuo ngāi le thā ruk ha, ei ānsin una ranga a nikhuo u ngāi hunbī chu a ni. 13Hantin han nungāk ngāi chu rēng kōma a sē chip u na. Rēng-ina ei va lūtpui u rang nupang siakna-in ātā ei zōt takpei anpēk a. 14#1Rē 11:3; Est 4:11; Sol 6:8; Dnl 5:2Khuluia a sē na, zīnga ama chu nupang in anni changnāna thāinukep ngāi āenpū, rēng dorbōndompū Sasgaz ei enna thuoia a hong ākīr chachak a. Ama chunga rēng a malung a dō nōka, a raming achina a pāi nōk ten ama chu rēng kōma sē thei rēt lāi mak a.
15 #
Aph 18:3; Est 5:8; Sām 45:14 Hatuka Mordekai a pangāk Abihail a nāinupang, a nāinupang ranga ei dōn Esther ha, rēng kōma āsē ranga ahun chu a hong āsuok a. Nupang ngāi ārungpū, rēng dorbōndompū Hegai-in ei ti rong nōk chu ītē zong mak a. Tūkareng Esther āmū dōrā'n chu a malung a dō u na. 16Esther chu rēng Ahasveros a rēng chang kum sari changna Tebeth thā, a tha sōmnāna, rēng-ina han antuong a. 17#Izk 16:9-13Rēngin Esther chu nupang atei ngāi nēka ā dit a, a mit makunga nungāk atei ngāi dōra nēka lungkhamna lē lungdōna a chang a. Hasikhan rēnglukhū chu a lūna a mankhū na, Vasti rathūla rēngnū a manchang a. 18#Aph 40:20; 1Rē 3:15; Est 1:5Hatuka Esther a raminga rēngin a milian ngāi lē suok ngāi ranga nēksāk pāntā lianpā khat a mansūk a. A ramzobāk ngāia pōngansa-nī a puong a, hatuka rēng pēkanphalna anga phāmpēk a sem a.
Rēng Thatna Anval Mordekai-in ei Riatna
19 #
Est 4:2
Voi annina nungāk ngāi anbūm rēt lāi han, Mordekai chu rēng rapalsuokkhāra ansut a. 20Mordekai a chongpēk anga Esther chu a insūngkuo lē a nam ngāi la manriat mak a. Asik chu Mordekai-in Esther a manlian lāia anga a chongpēk a tel a. 21#Est 6:2Hava hunlāi han Mordekai chu rēng rapalsuokkhāra ansuta a om lāi han, rēngin suokkhār ārungpū, rēng dorbōndompū ngāi bila anni, Bigthan lē Teres chu a tak asi u na, rēng Ahasveros chunga kut anlāng rang a val u na. 22Hava rui ha Mordekai-in a lei riat a, rēngnū Esther kōma a manthei a. Hatuka Esther-in hava rui ha Mordekai a raming a ril a, rēng kōma a manthei a. 23#Aph 40:19; Est 6:1-2; Sām 7:14-16; Chn 26:27; Chp 10:8Hankēng hava rui chu asadima a radēk u na, ataktak a lei ni tī anlang a, hava pasal anni ngāi chu ōkrikhāināna a makhāi a. Hiva rui ngāi hi rēng makunga rēng ngāi rachibūna anziaka om a.
Bible in Ranglong, © Bibles International, the Bible society of Baptist Mid-Missions, 2024.