Тархал 34
34
Ханааналъул гӀорхъаби
1БЕТӀЕРГЬАНАС Мусада абуна:
2«Гьадин лъазабе гӀизраилазда: „Ханааналъул ракьалде лъугьиндал, нужее кьураб ракьалъул рукӀине руго гьадинал гӀорхъаби.
3Къилбаялъул рахъалда нужер ракьал байбихьизе руго Цин абураб салул авлахъалдасан ва Эдомалъул гӀорхъодасан. Бакъбаккул рахъалда нужер къилбаялъулаб гӀорхъи байбихьизе буго ЦӀамгӀалаб ралъдал рагӀалдасан, 4хадуб ине буго ИчӀкӀалалъул щобил къилбаялъул рахъалдасан, хадуб Цин салул авлахъалдасан, хадуб Кадеш-Барнеаялъул къилбаялъул рахъалдасан ва Хацар-Адарги бахун Ацмоналде, 5Ацмоналдаса Мисриялъул гӀорхъода бугеб лъарахъе сверизе буго ва гьеб гӀорхъидул ахир КӀудияб ралъдахъ букӀине буго.
6Нужер бакътӀерхьул рахъалъул гӀорхъилъун букӀине буго КӀудияб ралъдал#34:6 КӀудияб ралъад – Средиземнияб ралъад. рагӀал. Гьеле бакътӀерхьул рахъалда нужер гӀорхъи.
7Шималияб гӀорхъи букӀина КӀудияб ралъдахъа Гьор магӀарде щвезегӀан, 8Гьор магӀардаса – Лево-Хаматалде, Гьенисан Цедадалде гӀунтӀила, 9хадуб Зифроналде бачӀина ва ахиралда Хацар-Энаналде гӀунтӀила. Гьеб буго нужер шималияб рахъалъул гӀорхъи.
10Нужер бакъбаккул рахъалъул гӀорхъи лъе Хацар-Энаналдаса Шефамалде щвезегӀан. 11Шефамалдаса нужер гӀорхъи ине буго Айиналъул бакъбаккул рахъалда бугеб Ривлаялде щвезегӀан ва гьенисан гӀодобехунги ун, Киннерет хӀоралъул бакъбаккул рагӀалде гӀунтӀизе буго. 12Гьенисан гӀорхъи ине буго Иордан гӀурухъе балагьун ва ЦӀамгӀалаб ралъдахъе щвезе буго.
Гьеле нужер ракьалъул гӀорхъаби“».
13Цинги Мусаца гӀизраилазда абуна:
«Гьеле гьеб буго нужеца можороялдалъун нужедаго гьоркьоб бикьизе кколеб ракь. БЕТӀЕРГЬАНАС амру гьабуна гьеб ракь ичӀгогун бащдаб къавмалда гьоркьоб бикьеян, 14щайгурелъул Рувимилги Гадилги къавмазеги, Манассил бащдаб къавмалъеги ракьалъул бутӀаби щвана. 15Гьеб кӀигогун бащдаб къавмалъул наслабазе щвана, Иорданалъул бакъбаккул рахъалда ругел, Ерихоналда дандритӀарал ракьал».
Ракьал рикьиялъул жавабиял
16БЕТӀЕРГЬАНАС Мусада абуна:
17«Гьале нужее ракьалъул бутӀаби рикьизе ругел гӀадамазул цӀарал:
кашиш Элеазарги Нунил вас Егьошуаги, 18гьединго щибаб къавмалдаса цо-цо кӀудиявги. 19Гьале гьезул цӀарал:
Ягьудал къавмалдаса – Ефуннил вас Халев;
20Шимеонил къавмалдаса – Аммигьудил вас Шемуэл;
21Буняминил къавмалдаса – Кислонил вас Элидад;
22Данил къавмалдаса кӀудияв – Яглил вас Буккий;
23Юсупил вас Манассил къавмалдаса кӀудияв – Эфодил вас Ханиэл;
24Юсупил вас Ефраимил къавмалдаса кӀудияв – Шифтанил вас Кемуэл;
25Зевулунил къавмалдаса кӀудияв – Парнахил вас Элицафан;
26Иссахарил къавмалдаса кӀудияв – Азанил вас Палтиэл;
27Ашерил къавмалдаса – Шеломийил вас Ахигьуд;
28Нафталил къавмалдаса – Аммигьудил вас Педаэл».
29Гьел руго гӀизраилазда гьоркьоб Ханааналъул ракь бикьеян БЕТӀЕРГЬАНАС амру гьабурал гӀадамал.
Tällä hetkellä valittuna:
Тархал 34: АварАК
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Институт перевода Библии, 2005-2023