مرقس 7
7
لْعَادَاث نِّي إِي وَار د يُوْسِين شَا زِي أَربِّـي
1ڒْحِزب ن يفَرِّيسِيْين ذ شَان يمْسڒْمَاذن ن شَّرِيعَا زِي لْقُدْس مُوْنن-د خ عِيْسَى. 2ࢲْرِين شَان يمحْضَارن نّس تتّن اَغْرُوْم بْڒَا مَا ٱذ سِيرْذن يفَاسّن، يعْنِي بْڒَا مَا ٱذ ݣّن ڒُوْضُو نِّي. 3ڒَاحقَّاش يفَرِّيسِيْين ذ مَارَّا أَيث-إِسْرَائِيل مڒَا وَار سِيرْذن شَا يفَاسّن نْسن وَار تتّن شَا، مِينْزِي طّْفن اَطَّاس ذِي لْعَادَاث ن ڒجْذُوْذ نْسن. 4مڒْمِي مَا د ذوّْرن زِي سُّوق، مڒَا وَار سِيرْذن شَا اَتَاف وَار تتّن شَا. أَطّاس ن ڒحْوَايج نّغْنِي إِي ذْفَّارن، ڒمْذن-ثن تطّْفن-ثن أُو صَافِي، أَمشْنَاو اَسِيرذ ن ڒْكِيسَان ذ يغَرَّافن ذ ڒقْشُوْع ن نّحَّاس ذ ثَاسُّوْث.
5سّقْسَان-ث يفَرِّيسِيْين ذ شَان يمْسڒْمَاذن ن شَّرِيعَا نَّان-اَس: "مَايمِّي يمحْضَارن نّش وَار تݣّن شَا لْعَادَاث ن ڒجْذُوذ نّغ؟ مَايمِّي وَار سِيرِيذن شَا يفَاسّن نْسن قْبڒ مَا ٱذ شّن اَغْرُوْم؟"
6ينَّا-ٱسن عِيْسَى: "آ لْمُنَافِقِين! قَا نَّبي إِشَعْيَا ينَّا ڒْحَقّ وَامِي خَاوم يسِّيوڒ ذݣ يِجّن ن زْمَان:
<شَّعْب-أَ يتْوقَّار-اَيِي س ؤُقمُّوْم وَاهَا،
مَاشَا ؤُڒ نّس يݣّْوج خَافِي.
7ئِوْذَان-أَ عبّْذن-اَيِي ذِي ڒْخَاوِي،
ڒَاحقَّاش سڒْمَاذن ثِمسْڒَايِين
ئِدْجَان ذ ڒُوْصِيَاث ن بْنَاذم وَاهَا.>
8كنِّيو ثجِّيم ڒُوْصِيّث ن أَربِّـي، ثطّْفم ذِي لْعَادَاث ن يِوْذَان أُو صَافِي." 9ينَّا-ٱسن عَاوذ: "إِيوَا! تْبطَّاڒم ڒُوْصِيّث ن أَربِّـي حمَا اَذ قِّيمنْت لْعَادَاث نْوم! 10مُوْسَى، مِين ينَّا؟ ينَّا: وقَّر بَابَاش ذ يمَّاش. أَقَا ونِّي غَا يُوْكَّارن بَابَاس نِغ ذ يمَّاس، أَتَاف يتْخصَّا-يَاس اَذ يمّث. 11-12وَلَكِن كنِّيو ثقَّارم بلِّي وَار يدْجِي بُو لَابُد إِ يِوْذَان اَذ وقَّرن نِغ اَذ عَاوْنن لْوَالِدِين. تْمنْيَاث نِّي إِي غَا ؤُشن إِ لْوَالِدِين نْسن اَثنْت ؤُشن إِ ثمْزِيذَا. 13أَمُّو كنِّيو ثْبدّْڒم ڒْمَعْنَا ن وَاوَاڒ ن أَربِّـي حمَا اَذ تݣّم مَامّش ذَاوم يعْجب ڒْحَاڒ س لْعَادَاث نْوم إي ثْڒمْذم. تݣّم اَطَّاس ن ثْمسْڒَايِين اَمشْنَاو ثِيْنَا."
14ئِڒَاغَا-د عِيْسَى عَاوذ خ ڒْغَاشِي-يَا ينَّا-ٱسن: "صنّْطث غَارِي مَارَّا إِذْوم، فهْمث: 15مَا ذِنِّي شَا ن ثْمسْڒَايْث يتَاذْفن ذِي بْنَاذم زِي بَارَّا تْحَرَّام-يث؟ لَّا، وَالُو. أَقَا مِين د يتفّْغن زِي بْنَاذم اَقَا ذ مَانَاينِّي إِي ث يتْحَرَّامن. 16{صنّط مْلِيح آ ونِّي يتْسْڒَان!}"
17وَامِي يجَّا ڒْغَاشِي، يُوْذف غَار ثدَّارْث. سّقْسَان-ث يمحْضَارن خ ڒْمَعْنَا-يَا مِين تخْس اَذ تِينِي. 18ينَّا-ٱسن: "ؤُڒَا ذ كنِّيو عَاذ وَار ثفْهِيمم شَا؟ مَا وَار ثسِّينم بلِّي مَارَّا مِين يتَاذْفن ذِي بْنَاذم زِي بَارَّا وَار ث يتْحَرِّيم شَا؟ 19مِينْزِي وَار يتِّيذف شَا غَار وُوْڒ نّس. لَّا، يتْرَاح غَار وعدِّيس يتفّغ زِي دَّات." (س مَانَايَا عِيْسَى يَارَّا مَارَّا لْمَكْلَا حَلَال.) 20ينَّا-ٱسن: "وَلَكِن مِين د يتفّْغن زݣ وقمُّوْم ن بْنَاذم ذ مَانَايَا يتْحَرَّامن بْنَاذم. 21مَايمِّي؟ ڒَاحقَّاش زِي ذَاخڒ يعْنِي زݣ وُوْڒ ن بْنَاذم إِي زِي د تكَّانْت لْأَفْكَار ثِعفَّانِين ذ لْفَسَاد ذ ثُوْكَّارْذَا ذ ثْمنْغِيوْث 22ذ زّْنَا ذ طّْمَع ذ شَّرّْ ذ ڒْبَاطڒ ذ يخَرْوِيضن ذ ڒقْبَاحث ذ ثِيطَّاوِين ن يِوْذَان ذ تَّكبُّر ذ ثِبُوْهْڒِيَا. 23مَارَّا ثِمسْڒَايِين-أَ ثِعفَّانِين تفّْغنْت-يد زِي ذَاخڒ ن بْنَاذم تْحَرَّامنْت بْنَاذم."
لْإِيمَان ن ثمْغَارْث ن اَيْث-كَنْعَان
24ئِكَّر عِيْسَى يُوْيُوْر سّنِّي يرُوْح غَار جْوَايه ن ثنْدِينْت ن صُوْر يُوْذف ذݣ يِجّن ن ثدَّارْث. يرزُّو وَار يتسّن حَدّ بلِّي اَقَاث ذِنِّي وَلَكِن يوْذَان اَرِّين-د ڒخْبَار. 25ذِنِّي يجّن ن ثمْغَارث يدْجِيس ذَايس جّنّ ذ اَعفَّان. وَامِي د ثَارَّا ڒخْبَار ذغْيَا ثُوْسَا-د غَار عِيْسَى ثوْضَا-يَاس غَار يضَارن نّس. 26ثَمْغَارْث نِّي ذ ثَيُوْنَانِيث، لْأَصل نّس زِي سُوْرْيَا فِنِيقْيَا. ثتَّار زَّايس اَطَّاس حمَا اَذ يسُوْفغ جّنّ نِّي اَعفَّان زݣ يدْجِيس.
27ينَّا-ٱس عِيْسَى: "اجّ بَعْدَا يحنْجِيرن اَذ جَّاوْنن. مَاشِي مَعْقُوْل اَذ يتْوَاكّس وغْرُوْم ن يحنْجِيرن اَذ يمنْضَار إِ يقْزِينن."
28ثَارَّا خَاس ثمْغَارْث نِّي ثنَّا-ٱس: "غَارك ڒْحَقّ آ سِيذِي، وَلَكِن ؤُڒَا ذ يقْزِينن نِّي يدْجَان سْوَادَّاي ن طَبْڒَا تتّن يفتْوِيتّن ن وغْرُوْم إِݣ يتْوطَّان زݣ يحنْجِيرن."
29ينَّا-ٱس عِيْسَى: "عْلَاحْسَاب اَوَاڒ-أَ إِي ثنِّيذ شم، رُوْح اَقَا جّنّ نِّي يفّغ زݣ يدْجِيم." 30وَامِي ثذْوڒ غَار ثدَّارْث نّس، ثُوْفَا يدْجِيس ثࢲّڒ ذِي ثَاسُّوْث نّس يفّغ زَّايس جّنّ نِّي.
سِيذِيثْنغ عِيْسَى يسْݣنْفَا يجّن ن وذهْشُوْر
31يفّغ عِيْسَى عَاوذ زي جْوَايه نِّي ن صُوْر يكَّا خ ثْمُوْرْث ن صَيْدَا، ئِرُوْح غَار ڒبْحَر ن لْجَلِيل ذ لْإِقْلِيم نِّي ؤُمِي قَّارن دِيكَاپْـلِس. 32ؤُوِين-اَس-د يجّن ن وذهْشُوْر ذ اَزيْنُوْن، تَّارن إِ عِيْسَى اَخَاس يسرْس فُوْس نّس. 33ئِسْبعّذ-يث عِيْسَى خ ڒْغَاشِي غَار يجّن ن جِّهث نّغْنِي، ئِݣَّا يضُوْضَان نّس ذݣ يمجُّوْنن ن ورْيَاز نّي. يسُّوْسف عِيْسَى، ئِحَاذَا-يَاس يڒس نّس. 34ئِيْسِي ثِيطَّاوِين نّس غَار وجنَّا يسُّوْحرث ينَّا: "إِفَاتَح!" (أَوَاڒ-أَ يخس اَذ يِينِي تْوَارْزْمن.) 35ڒخْدّنِّي إِي ݣنْفَان يمجُّوْنن نّس يضْڒق يڒس نّس، ئِبْذَا يسَّاوَاڒ نِيشَان. 36ئِوصَّا-ثن ينَّا-ٱسن وَار تْعَاوَاذم مَانَايَا إِ حَدّ. وَلَكِن نِثْنِي مشْحَاڒ مَا يوصَّا-ثن تْخبَّرن خَاس اَطَّاس. 37تْعجّْبن اَطَّاس نَّان: مَارَّا مِين يتݣّ ذ اَصبْحَان. ئِتَارَّا حتَّا ذ يذهْشُوْرن تسْڒَان، حتَّا ذ يزيْنُوْنن سَّاوَاڒن."
Tällä hetkellä valittuna:
مرقس 7: ريف
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
مرقس 7
7
لْعَادَاث نِّي إِي وَار د يُوْسِين شَا زِي أَربِّـي
1ڒْحِزب ن يفَرِّيسِيْين ذ شَان يمْسڒْمَاذن ن شَّرِيعَا زِي لْقُدْس مُوْنن-د خ عِيْسَى. 2ࢲْرِين شَان يمحْضَارن نّس تتّن اَغْرُوْم بْڒَا مَا ٱذ سِيرْذن يفَاسّن، يعْنِي بْڒَا مَا ٱذ ݣّن ڒُوْضُو نِّي. 3ڒَاحقَّاش يفَرِّيسِيْين ذ مَارَّا أَيث-إِسْرَائِيل مڒَا وَار سِيرْذن شَا يفَاسّن نْسن وَار تتّن شَا، مِينْزِي طّْفن اَطَّاس ذِي لْعَادَاث ن ڒجْذُوْذ نْسن. 4مڒْمِي مَا د ذوّْرن زِي سُّوق، مڒَا وَار سِيرْذن شَا اَتَاف وَار تتّن شَا. أَطّاس ن ڒحْوَايج نّغْنِي إِي ذْفَّارن، ڒمْذن-ثن تطّْفن-ثن أُو صَافِي، أَمشْنَاو اَسِيرذ ن ڒْكِيسَان ذ يغَرَّافن ذ ڒقْشُوْع ن نّحَّاس ذ ثَاسُّوْث.
5سّقْسَان-ث يفَرِّيسِيْين ذ شَان يمْسڒْمَاذن ن شَّرِيعَا نَّان-اَس: "مَايمِّي يمحْضَارن نّش وَار تݣّن شَا لْعَادَاث ن ڒجْذُوذ نّغ؟ مَايمِّي وَار سِيرِيذن شَا يفَاسّن نْسن قْبڒ مَا ٱذ شّن اَغْرُوْم؟"
6ينَّا-ٱسن عِيْسَى: "آ لْمُنَافِقِين! قَا نَّبي إِشَعْيَا ينَّا ڒْحَقّ وَامِي خَاوم يسِّيوڒ ذݣ يِجّن ن زْمَان:
<شَّعْب-أَ يتْوقَّار-اَيِي س ؤُقمُّوْم وَاهَا،
مَاشَا ؤُڒ نّس يݣّْوج خَافِي.
7ئِوْذَان-أَ عبّْذن-اَيِي ذِي ڒْخَاوِي،
ڒَاحقَّاش سڒْمَاذن ثِمسْڒَايِين
ئِدْجَان ذ ڒُوْصِيَاث ن بْنَاذم وَاهَا.>
8كنِّيو ثجِّيم ڒُوْصِيّث ن أَربِّـي، ثطّْفم ذِي لْعَادَاث ن يِوْذَان أُو صَافِي." 9ينَّا-ٱسن عَاوذ: "إِيوَا! تْبطَّاڒم ڒُوْصِيّث ن أَربِّـي حمَا اَذ قِّيمنْت لْعَادَاث نْوم! 10مُوْسَى، مِين ينَّا؟ ينَّا: وقَّر بَابَاش ذ يمَّاش. أَقَا ونِّي غَا يُوْكَّارن بَابَاس نِغ ذ يمَّاس، أَتَاف يتْخصَّا-يَاس اَذ يمّث. 11-12وَلَكِن كنِّيو ثقَّارم بلِّي وَار يدْجِي بُو لَابُد إِ يِوْذَان اَذ وقَّرن نِغ اَذ عَاوْنن لْوَالِدِين. تْمنْيَاث نِّي إِي غَا ؤُشن إِ لْوَالِدِين نْسن اَثنْت ؤُشن إِ ثمْزِيذَا. 13أَمُّو كنِّيو ثْبدّْڒم ڒْمَعْنَا ن وَاوَاڒ ن أَربِّـي حمَا اَذ تݣّم مَامّش ذَاوم يعْجب ڒْحَاڒ س لْعَادَاث نْوم إي ثْڒمْذم. تݣّم اَطَّاس ن ثْمسْڒَايِين اَمشْنَاو ثِيْنَا."
14ئِڒَاغَا-د عِيْسَى عَاوذ خ ڒْغَاشِي-يَا ينَّا-ٱسن: "صنّْطث غَارِي مَارَّا إِذْوم، فهْمث: 15مَا ذِنِّي شَا ن ثْمسْڒَايْث يتَاذْفن ذِي بْنَاذم زِي بَارَّا تْحَرَّام-يث؟ لَّا، وَالُو. أَقَا مِين د يتفّْغن زِي بْنَاذم اَقَا ذ مَانَاينِّي إِي ث يتْحَرَّامن. 16{صنّط مْلِيح آ ونِّي يتْسْڒَان!}"
17وَامِي يجَّا ڒْغَاشِي، يُوْذف غَار ثدَّارْث. سّقْسَان-ث يمحْضَارن خ ڒْمَعْنَا-يَا مِين تخْس اَذ تِينِي. 18ينَّا-ٱسن: "ؤُڒَا ذ كنِّيو عَاذ وَار ثفْهِيمم شَا؟ مَا وَار ثسِّينم بلِّي مَارَّا مِين يتَاذْفن ذِي بْنَاذم زِي بَارَّا وَار ث يتْحَرِّيم شَا؟ 19مِينْزِي وَار يتِّيذف شَا غَار وُوْڒ نّس. لَّا، يتْرَاح غَار وعدِّيس يتفّغ زِي دَّات." (س مَانَايَا عِيْسَى يَارَّا مَارَّا لْمَكْلَا حَلَال.) 20ينَّا-ٱسن: "وَلَكِن مِين د يتفّْغن زݣ وقمُّوْم ن بْنَاذم ذ مَانَايَا يتْحَرَّامن بْنَاذم. 21مَايمِّي؟ ڒَاحقَّاش زِي ذَاخڒ يعْنِي زݣ وُوْڒ ن بْنَاذم إِي زِي د تكَّانْت لْأَفْكَار ثِعفَّانِين ذ لْفَسَاد ذ ثُوْكَّارْذَا ذ ثْمنْغِيوْث 22ذ زّْنَا ذ طّْمَع ذ شَّرّْ ذ ڒْبَاطڒ ذ يخَرْوِيضن ذ ڒقْبَاحث ذ ثِيطَّاوِين ن يِوْذَان ذ تَّكبُّر ذ ثِبُوْهْڒِيَا. 23مَارَّا ثِمسْڒَايِين-أَ ثِعفَّانِين تفّْغنْت-يد زِي ذَاخڒ ن بْنَاذم تْحَرَّامنْت بْنَاذم."
لْإِيمَان ن ثمْغَارْث ن اَيْث-كَنْعَان
24ئِكَّر عِيْسَى يُوْيُوْر سّنِّي يرُوْح غَار جْوَايه ن ثنْدِينْت ن صُوْر يُوْذف ذݣ يِجّن ن ثدَّارْث. يرزُّو وَار يتسّن حَدّ بلِّي اَقَاث ذِنِّي وَلَكِن يوْذَان اَرِّين-د ڒخْبَار. 25ذِنِّي يجّن ن ثمْغَارث يدْجِيس ذَايس جّنّ ذ اَعفَّان. وَامِي د ثَارَّا ڒخْبَار ذغْيَا ثُوْسَا-د غَار عِيْسَى ثوْضَا-يَاس غَار يضَارن نّس. 26ثَمْغَارْث نِّي ذ ثَيُوْنَانِيث، لْأَصل نّس زِي سُوْرْيَا فِنِيقْيَا. ثتَّار زَّايس اَطَّاس حمَا اَذ يسُوْفغ جّنّ نِّي اَعفَّان زݣ يدْجِيس.
27ينَّا-ٱس عِيْسَى: "اجّ بَعْدَا يحنْجِيرن اَذ جَّاوْنن. مَاشِي مَعْقُوْل اَذ يتْوَاكّس وغْرُوْم ن يحنْجِيرن اَذ يمنْضَار إِ يقْزِينن."
28ثَارَّا خَاس ثمْغَارْث نِّي ثنَّا-ٱس: "غَارك ڒْحَقّ آ سِيذِي، وَلَكِن ؤُڒَا ذ يقْزِينن نِّي يدْجَان سْوَادَّاي ن طَبْڒَا تتّن يفتْوِيتّن ن وغْرُوْم إِݣ يتْوطَّان زݣ يحنْجِيرن."
29ينَّا-ٱس عِيْسَى: "عْلَاحْسَاب اَوَاڒ-أَ إِي ثنِّيذ شم، رُوْح اَقَا جّنّ نِّي يفّغ زݣ يدْجِيم." 30وَامِي ثذْوڒ غَار ثدَّارْث نّس، ثُوْفَا يدْجِيس ثࢲّڒ ذِي ثَاسُّوْث نّس يفّغ زَّايس جّنّ نِّي.
سِيذِيثْنغ عِيْسَى يسْݣنْفَا يجّن ن وذهْشُوْر
31يفّغ عِيْسَى عَاوذ زي جْوَايه نِّي ن صُوْر يكَّا خ ثْمُوْرْث ن صَيْدَا، ئِرُوْح غَار ڒبْحَر ن لْجَلِيل ذ لْإِقْلِيم نِّي ؤُمِي قَّارن دِيكَاپْـلِس. 32ؤُوِين-اَس-د يجّن ن وذهْشُوْر ذ اَزيْنُوْن، تَّارن إِ عِيْسَى اَخَاس يسرْس فُوْس نّس. 33ئِسْبعّذ-يث عِيْسَى خ ڒْغَاشِي غَار يجّن ن جِّهث نّغْنِي، ئِݣَّا يضُوْضَان نّس ذݣ يمجُّوْنن ن ورْيَاز نّي. يسُّوْسف عِيْسَى، ئِحَاذَا-يَاس يڒس نّس. 34ئِيْسِي ثِيطَّاوِين نّس غَار وجنَّا يسُّوْحرث ينَّا: "إِفَاتَح!" (أَوَاڒ-أَ يخس اَذ يِينِي تْوَارْزْمن.) 35ڒخْدّنِّي إِي ݣنْفَان يمجُّوْنن نّس يضْڒق يڒس نّس، ئِبْذَا يسَّاوَاڒ نِيشَان. 36ئِوصَّا-ثن ينَّا-ٱسن وَار تْعَاوَاذم مَانَايَا إِ حَدّ. وَلَكِن نِثْنِي مشْحَاڒ مَا يوصَّا-ثن تْخبَّرن خَاس اَطَّاس. 37تْعجّْبن اَطَّاس نَّان: مَارَّا مِين يتݣّ ذ اَصبْحَان. ئِتَارَّا حتَّا ذ يذهْشُوْرن تسْڒَان، حتَّا ذ يزيْنُوْنن سَّاوَاڒن."
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään