Nahumi 3
3
Syɛɛnkpoo-kěgi n kaan kpúmɔngbooli ma
1Wɔʔɔlɔ i nyɛ sìsyaanw kàʔa na
ki nyìn lè jànvaaw na,
n wɔ́ɔ̀ nyìn péemi na.
Yanɛnɛ-mí-syɔɔri fóomɔ o yaà í.
2Sapili folomɔ,
ní sàkoyi tìngbɔɔmɔ i lúro,
syɔ́ɔnyi i fé,
kapɛɛnkpumɔn-wòtorobèle i yegi.
3Syɔ́ɔnyi fɔ̀ɔlɔ i yegi ni jǐn,
ŋɔséebèle i nyɛ́ʔɛnɛ,
tàbaabèle i daragi.
Wogbalibèle n nɛʔɛ!
Wogboobèle i nyɛ gbɔ̀ngbɔngɔ!
Kúbèle i nyɛ tɛɛ̀laʔala fun!
Pe i kpírigi kúbèle na!
Fɛ̀ɛrɛ n Niniivi tɔ́n
4Nànjaacew nànjaabeʔe kéele lii,
woro wee wi nyɔɔ n foro lè,
ní i nyɛ dɛ̀ɛ́mi kàfɔwaa,
woro wee wi da ni syɛɛnfeleyi pára wi nànjaari báriga ni lè,
ni narigbaayi pára wi dɛ̀ɛ́mi báriga ni lè.
5Wéle, mii a keele tɛ́ʔɛ mɔ na,
Yawe wi lè Nyɛ̀ʔɛni Sùlasiibéle Kafɔlɔ,
woro wi jo nya,
mii a mɔ búrogi táàma láʔa bi tɔ́n mɔ yɛ́ɛcɔɔli na,
mii a mɔ níboriw tɛ̀ɛn
syɛɛnfeleyi na,
bi mɔ fɛɛri tɛ̀ɛn fǎnyi na.
6Mii a kànyaʔara wáa mɔ na,
mii a mɔ céri fánaga,
bi mɔ kpéʔele yawelege.
7Kánmi bee na wee wi ga mɔ nyaa lè,
wi a fàn bi léeli mɔ na si gi jo
si jo:
«Niniivi n pye kataʔa,
wìí wi a wi kéeli yáa?
Sán mii a kpɛʔɛlɛfɔɔlɔ caa taa mɔ na?»
No-Amɔn wógi félege a Niniivi taa
8A mɔ sɔ̀lɔ lé No-Amɔn na,
wi da pye lè wodɛ́ɛɔn ní cábiyi nínge ni,
á lǒyi wi màʔa?
Wi tògbɔɔgi n pye solomɔ lɔ́ʔɔ,
solomɔ lɔ́ʔɔ n pye wi tǒw.
9Tɛɛ̀laʔala fun sée n pye
Etyopii ma,
n wɔ́ɔ̀ fàra Ezyipiti na.
Puti ní Libii ye be pye mɔ dɛɛmɛfɔbèle.
10A woro si wɔ́ɔ baa cò n kári,
wi n cò n kári puloo.
Wi yireŋɔribèle myɛ n wɔ́ɔ̀ tɔ́nʔɔnɔ
kěgi kobariya myɛ ni.
Pe n gɔ̌nw wáa ki mɛ́ɛkpoloyi fɔ̀ɔlɔ kéele na,
pe n nyɔ̀ʔɔmɔ le wi syɛɛnkpolobèle myɛ na.
11Mɔ wɔ́ɔgēle,
mɔ yɛ́ɛgi a wɔ́ɔ, mɔ a làra.
Mɔ wɔ́ɔgēle,
mɔ a ra tɛɛlaraga caa bi làra nigoow na.
Niniivi a gbǎn fànʔa taa bi yére í
12Mɔ tɛɛniriyi myɛ i nyɛ děsyaantiire yasanzelilɛɛrɛ.
Pe ga di nyàʔara,
ti n ni tuun wee nyɔ́ɔ ni wi caa bi di lìi lè.
13Mɔ syɛ́ɛnbèle wéle bele:
Pe i nyɛ càbala mɔ níngi ni.
Mɔ tári kpàánweegéle i múru ni yaari fáa mɔ nigoobèle ma.
Náagi n mɔ gbóʔoroyi sórigo mɛnɛ mɛnɛ.
14Lɔ̀ʔɔ kóo mi syɔ́ɔgɔ àmɛɛ pe a ba tɛ́ɛn mɔ taana kapɛɛnni kánma na lè!
Mɔ tɛɛniriyi báara!
Jée fárigi ni, póori tánʔana!
Jùfaaw tɛɛkpariga sámaga cama!
15Beè náagi a mɔ líile bi kwɔ́ɔ,
ŋɔséew a mɔ kwɔ́ɔ bi yirige yaà,
bi mɔ líile àmɛɛ kákerebéle
nyɛ lè.
Kěgi syɛ̀ɛnnɛ myɛ i kwóo gi ni
Kpoʔolo àmɛɛ kákerebèle nyɛ lè!
Kpoʔolo àmɛɛ kúdow nyɛ lè!
16Mɔ n mɔ jagiwáabèle nɛʔɛ n sɔ̀lɔ nyɛ̀ʔɛni ŋɔripiigéle na,
àmɛɛ kákere wi fókaanyi múru ní i yìrigí lè.
17Mɔ kpaàwelebèle i nyɛ àmɛɛ kúdow nyɛ lè,
mɔ syɛɛnkpolobèle i nyɛ àmɛɛ yaweepiire dìndinge nyɛ lè,
dee di tɛ̀ɛ́n jásaabèle na wéeri làla ni lè,
cángi ga yiri ti n yìri n kári,
syɔɔn si a ní gi cán tɛ́ɛgee ni ti da pye lè í.
Gàlagíw wi lè wi a ní gbǎn sámaga í
18Mɔ banaʔabèle i ŋúnɔ, Asirii fànʔafɔw,
mɔ sanbalipɔbèle ní o nyɛ́ʔɛ í,
mɔ syɛ́ɛnbèle n cariga n màʔa nyanbeleyi na,
syɔɔn faala o be kpóʔoro í.
19Kanmaa o yaà bi mɔ kpaligi pɔʔɔ í,
mɔ námigi i nyɛ kùu wóʔo.
Bele myɛ pe ga mɔ kéeli lóʔo lè,
pe a ra kadaagèle kóri
mɔ kéeli na.
Wìí wi yaà,
wee wi lè mɔ péemi da ni nangi wi na sìnyére ni í?
Tällä hetkellä valittuna:
Nahumi 3: CB10
Korostus
Kopioi
Vertaa
Jaa
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Kolocɔlɔɔ Syɛ́ɛnri © Bible Society of Côte d'Ivoire, 2008.
Nahumi 3
3
Syɛɛnkpoo-kěgi n kaan kpúmɔngbooli ma
1Wɔʔɔlɔ i nyɛ sìsyaanw kàʔa na
ki nyìn lè jànvaaw na,
n wɔ́ɔ̀ nyìn péemi na.
Yanɛnɛ-mí-syɔɔri fóomɔ o yaà í.
2Sapili folomɔ,
ní sàkoyi tìngbɔɔmɔ i lúro,
syɔ́ɔnyi i fé,
kapɛɛnkpumɔn-wòtorobèle i yegi.
3Syɔ́ɔnyi fɔ̀ɔlɔ i yegi ni jǐn,
ŋɔséebèle i nyɛ́ʔɛnɛ,
tàbaabèle i daragi.
Wogbalibèle n nɛʔɛ!
Wogboobèle i nyɛ gbɔ̀ngbɔngɔ!
Kúbèle i nyɛ tɛɛ̀laʔala fun!
Pe i kpírigi kúbèle na!
Fɛ̀ɛrɛ n Niniivi tɔ́n
4Nànjaacew nànjaabeʔe kéele lii,
woro wee wi nyɔɔ n foro lè,
ní i nyɛ dɛ̀ɛ́mi kàfɔwaa,
woro wee wi da ni syɛɛnfeleyi pára wi nànjaari báriga ni lè,
ni narigbaayi pára wi dɛ̀ɛ́mi báriga ni lè.
5Wéle, mii a keele tɛ́ʔɛ mɔ na,
Yawe wi lè Nyɛ̀ʔɛni Sùlasiibéle Kafɔlɔ,
woro wi jo nya,
mii a mɔ búrogi táàma láʔa bi tɔ́n mɔ yɛ́ɛcɔɔli na,
mii a mɔ níboriw tɛ̀ɛn
syɛɛnfeleyi na,
bi mɔ fɛɛri tɛ̀ɛn fǎnyi na.
6Mii a kànyaʔara wáa mɔ na,
mii a mɔ céri fánaga,
bi mɔ kpéʔele yawelege.
7Kánmi bee na wee wi ga mɔ nyaa lè,
wi a fàn bi léeli mɔ na si gi jo
si jo:
«Niniivi n pye kataʔa,
wìí wi a wi kéeli yáa?
Sán mii a kpɛʔɛlɛfɔɔlɔ caa taa mɔ na?»
No-Amɔn wógi félege a Niniivi taa
8A mɔ sɔ̀lɔ lé No-Amɔn na,
wi da pye lè wodɛ́ɛɔn ní cábiyi nínge ni,
á lǒyi wi màʔa?
Wi tògbɔɔgi n pye solomɔ lɔ́ʔɔ,
solomɔ lɔ́ʔɔ n pye wi tǒw.
9Tɛɛ̀laʔala fun sée n pye
Etyopii ma,
n wɔ́ɔ̀ fàra Ezyipiti na.
Puti ní Libii ye be pye mɔ dɛɛmɛfɔbèle.
10A woro si wɔ́ɔ baa cò n kári,
wi n cò n kári puloo.
Wi yireŋɔribèle myɛ n wɔ́ɔ̀ tɔ́nʔɔnɔ
kěgi kobariya myɛ ni.
Pe n gɔ̌nw wáa ki mɛ́ɛkpoloyi fɔ̀ɔlɔ kéele na,
pe n nyɔ̀ʔɔmɔ le wi syɛɛnkpolobèle myɛ na.
11Mɔ wɔ́ɔgēle,
mɔ yɛ́ɛgi a wɔ́ɔ, mɔ a làra.
Mɔ wɔ́ɔgēle,
mɔ a ra tɛɛlaraga caa bi làra nigoow na.
Niniivi a gbǎn fànʔa taa bi yére í
12Mɔ tɛɛniriyi myɛ i nyɛ děsyaantiire yasanzelilɛɛrɛ.
Pe ga di nyàʔara,
ti n ni tuun wee nyɔ́ɔ ni wi caa bi di lìi lè.
13Mɔ syɛ́ɛnbèle wéle bele:
Pe i nyɛ càbala mɔ níngi ni.
Mɔ tári kpàánweegéle i múru ni yaari fáa mɔ nigoobèle ma.
Náagi n mɔ gbóʔoroyi sórigo mɛnɛ mɛnɛ.
14Lɔ̀ʔɔ kóo mi syɔ́ɔgɔ àmɛɛ pe a ba tɛ́ɛn mɔ taana kapɛɛnni kánma na lè!
Mɔ tɛɛniriyi báara!
Jée fárigi ni, póori tánʔana!
Jùfaaw tɛɛkpariga sámaga cama!
15Beè náagi a mɔ líile bi kwɔ́ɔ,
ŋɔséew a mɔ kwɔ́ɔ bi yirige yaà,
bi mɔ líile àmɛɛ kákerebéle
nyɛ lè.
Kěgi syɛ̀ɛnnɛ myɛ i kwóo gi ni
Kpoʔolo àmɛɛ kákerebèle nyɛ lè!
Kpoʔolo àmɛɛ kúdow nyɛ lè!
16Mɔ n mɔ jagiwáabèle nɛʔɛ n sɔ̀lɔ nyɛ̀ʔɛni ŋɔripiigéle na,
àmɛɛ kákere wi fókaanyi múru ní i yìrigí lè.
17Mɔ kpaàwelebèle i nyɛ àmɛɛ kúdow nyɛ lè,
mɔ syɛɛnkpolobèle i nyɛ àmɛɛ yaweepiire dìndinge nyɛ lè,
dee di tɛ̀ɛ́n jásaabèle na wéeri làla ni lè,
cángi ga yiri ti n yìri n kári,
syɔɔn si a ní gi cán tɛ́ɛgee ni ti da pye lè í.
Gàlagíw wi lè wi a ní gbǎn sámaga í
18Mɔ banaʔabèle i ŋúnɔ, Asirii fànʔafɔw,
mɔ sanbalipɔbèle ní o nyɛ́ʔɛ í,
mɔ syɛ́ɛnbèle n cariga n màʔa nyanbeleyi na,
syɔɔn faala o be kpóʔoro í.
19Kanmaa o yaà bi mɔ kpaligi pɔʔɔ í,
mɔ námigi i nyɛ kùu wóʔo.
Bele myɛ pe ga mɔ kéeli lóʔo lè,
pe a ra kadaagèle kóri
mɔ kéeli na.
Wìí wi yaà,
wee wi lè mɔ péemi da ni nangi wi na sìnyére ni í?
Tällä hetkellä valittuna:
:
Korostus
Kopioi
Vertaa
Jaa
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Kolocɔlɔɔ Syɛ́ɛnri © Bible Society of Côte d'Ivoire, 2008.