Matye 28
28
Zyezu nyán-yirili kéele
(Mar 16:1-10; Luk 24:1-12; Zyan 20:1-10)
1Cândɛnɛgi canʔa nyǐndaliga na, koro n pye cégbooli cânzelige nyɛʔɛ nyɔ́ɔ na pɛ́ɛn pɛ́ɛn, a Marii Magidala ye wów, ní Marii siin wów pan ba nyángi wéle. 2A tári fala n cúngo gbanʔama. Níì cán Kàfɔw tundunwaa maa yìri nyɛ̀ʔɛni na n tìgi n baa kàdɛnɛgi kòlogo n láʔa n tɛ́ʔɛ kɔlɔ̀ na níì tɛ́ɛn gi na. 3Wi maa ni daragi àmɛɛ nyɛ̀ʔɛni nyɛ́ʔɛnɛmɛ gbɛɛnmɛ nyɛ lè, a wi búrogi fílige gbanʔama àmɛɛ lànɛɛzyiw nyɛ lè. 4A kpaàwelebèle fala ni cɛ̀lɛ́ àmɛɛ be fɛ̀ɛgí lè wi na, fwɔɔ níì kàri n pye àmɛɛ kúbéle nyɛ lè. 5A tundunw gi joo cébèle ma níì jo: «Ki ga yɛlɛ yele í fyáa í, mii n gi cán yele n pan ba Zyezu wéle, wee pe da kóri tiiparigi na lè. 6Wi o naa í, níì cán wi n nyán n yiri àmɛɛ wi da gi joo lè. Yaa maa ye ba wi tɛɛ̀sinɛgi wéle gee, 7yáā syée kelekele ye sa gi joo wi pìitamabèle ma yé be pye, wi n nyán n yiri kúbèle nínge ni. Wi i syée yele yɛ́ʔɛ na Galile ma. Yele a sa wi nyaa nɛɛ bee. Ye wéle, toro di da pye mii ma bi joo yele ma.»
8A be núngo nyángi taana funvuugo na, fyáari ní fundaangbɔɔri báriga ni, ni fé ni syée bi sa gi joo wi pìitamabèle ma.
9Wéle, a Zyezu fala n be fàra níì be pye: «Ye o faana.» A be nùuni wi na n wi cò tɔ́lɔyi na níì wi kpɔ̀ʔɔrɔ. 10A Zyezu be pye: «Ye a kɔ́ ra fɛ̀ɛgí í. Yaa syée ye sa mii senyɛnbèle pye paa syée Galile ma. Pe a sa mii nyaa nɛɛ bee.»
Kpaàwelebèle syɛ́ɛnrɛ
11A cébèle ga ni syée, sùlasiibèle pe da ni nyángi kɔ̀rɔsíi lè, a poro pèle jée kěgi ni n sáà ki myɛ joo n tɛ̀ɛn sáriga-wòlobèle kàfɔɔlɔ na àmɛɛ gi kpéʔele n sɛ́ɛ lè. 12A sáriga-wòlobèle kàfɔɔlɔ peyɛɛ gbóʔoro ní wolɛɛbèle ní, níì joo n bɛ̀ɛ gi na, níì wálinɛʔɛɔ kaan sùlasiibèle ma, 13níì jo: «Ki n yɛlɛ yaa gi nyuu yé jo: ‹Wi pìitamabèle n pan yébiligi ni n baa wi yùu n wolo yaʔa ŋúnɔmi na.› 14Fànʔafɔw ga gi lóʔo, wolo a wi nyúngi kàriga, jàngó yele í syɔɔ wɔʔɔli ma.» 15A be wáliw syɔɔ ní sáà gi kpéʔele àmɛɛ be gi joo be ma lè. A syɛ́ɛnri bee cariga Zyefubèle nínge ni fwɔɔ n baa nan níjanʔa na.
Zyezu n wiyɛɛ dɛ̀ɛn wi pìitamabèle na
(Mar 16:14-18; Luk 24:36-49; Zyan 20:19-23; Kap 1:6-8)
16 #
Mat 26:32; Mar 14:28 A pìitamabèle kɛɛ ní nibin fala n kári Galile ma n sáà lúgu nyanbelegi na, gee Zyezu da tɛ̀ɛn be na lè. 17A pe ga sáà wi nyaa, a be fala n wi kpɔ̀ʔɔrɔ, kàjáa be pèle si maa sèʔé ni peyɛɛ gábala. 18A Zyezu ga nan be na, a wi gi joo be ma níì jo: «Nyɛ̀ʔɛni ní tári sée myɛ n kaan mii ma. 19#Kap 1:8 Koro na gi yɛlɛ yaa syée, ye sa ra syɛɛnfeleyi myɛ kpéʔele pìitamabéle, yáā be batize Tofɔw, ní Jaafɔw, ní Pìicǎnni mɛ́ʔɛ na, 20yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»
Tällä hetkellä valittuna:
Matye 28: CB10
Korostus
Kopioi
Vertaa
Jaa
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Kolocɔlɔɔ Syɛ́ɛnri © Bible Society of Côte d'Ivoire, 2008.
Matye 28
28
Zyezu nyán-yirili kéele
(Mar 16:1-10; Luk 24:1-12; Zyan 20:1-10)
1Cândɛnɛgi canʔa nyǐndaliga na, koro n pye cégbooli cânzelige nyɛʔɛ nyɔ́ɔ na pɛ́ɛn pɛ́ɛn, a Marii Magidala ye wów, ní Marii siin wów pan ba nyángi wéle. 2A tári fala n cúngo gbanʔama. Níì cán Kàfɔw tundunwaa maa yìri nyɛ̀ʔɛni na n tìgi n baa kàdɛnɛgi kòlogo n láʔa n tɛ́ʔɛ kɔlɔ̀ na níì tɛ́ɛn gi na. 3Wi maa ni daragi àmɛɛ nyɛ̀ʔɛni nyɛ́ʔɛnɛmɛ gbɛɛnmɛ nyɛ lè, a wi búrogi fílige gbanʔama àmɛɛ lànɛɛzyiw nyɛ lè. 4A kpaàwelebèle fala ni cɛ̀lɛ́ àmɛɛ be fɛ̀ɛgí lè wi na, fwɔɔ níì kàri n pye àmɛɛ kúbéle nyɛ lè. 5A tundunw gi joo cébèle ma níì jo: «Ki ga yɛlɛ yele í fyáa í, mii n gi cán yele n pan ba Zyezu wéle, wee pe da kóri tiiparigi na lè. 6Wi o naa í, níì cán wi n nyán n yiri àmɛɛ wi da gi joo lè. Yaa maa ye ba wi tɛɛ̀sinɛgi wéle gee, 7yáā syée kelekele ye sa gi joo wi pìitamabèle ma yé be pye, wi n nyán n yiri kúbèle nínge ni. Wi i syée yele yɛ́ʔɛ na Galile ma. Yele a sa wi nyaa nɛɛ bee. Ye wéle, toro di da pye mii ma bi joo yele ma.»
8A be núngo nyángi taana funvuugo na, fyáari ní fundaangbɔɔri báriga ni, ni fé ni syée bi sa gi joo wi pìitamabèle ma.
9Wéle, a Zyezu fala n be fàra níì be pye: «Ye o faana.» A be nùuni wi na n wi cò tɔ́lɔyi na níì wi kpɔ̀ʔɔrɔ. 10A Zyezu be pye: «Ye a kɔ́ ra fɛ̀ɛgí í. Yaa syée ye sa mii senyɛnbèle pye paa syée Galile ma. Pe a sa mii nyaa nɛɛ bee.»
Kpaàwelebèle syɛ́ɛnrɛ
11A cébèle ga ni syée, sùlasiibèle pe da ni nyángi kɔ̀rɔsíi lè, a poro pèle jée kěgi ni n sáà ki myɛ joo n tɛ̀ɛn sáriga-wòlobèle kàfɔɔlɔ na àmɛɛ gi kpéʔele n sɛ́ɛ lè. 12A sáriga-wòlobèle kàfɔɔlɔ peyɛɛ gbóʔoro ní wolɛɛbèle ní, níì joo n bɛ̀ɛ gi na, níì wálinɛʔɛɔ kaan sùlasiibèle ma, 13níì jo: «Ki n yɛlɛ yaa gi nyuu yé jo: ‹Wi pìitamabèle n pan yébiligi ni n baa wi yùu n wolo yaʔa ŋúnɔmi na.› 14Fànʔafɔw ga gi lóʔo, wolo a wi nyúngi kàriga, jàngó yele í syɔɔ wɔʔɔli ma.» 15A be wáliw syɔɔ ní sáà gi kpéʔele àmɛɛ be gi joo be ma lè. A syɛ́ɛnri bee cariga Zyefubèle nínge ni fwɔɔ n baa nan níjanʔa na.
Zyezu n wiyɛɛ dɛ̀ɛn wi pìitamabèle na
(Mar 16:14-18; Luk 24:36-49; Zyan 20:19-23; Kap 1:6-8)
16 #
Mat 26:32; Mar 14:28 A pìitamabèle kɛɛ ní nibin fala n kári Galile ma n sáà lúgu nyanbelegi na, gee Zyezu da tɛ̀ɛn be na lè. 17A pe ga sáà wi nyaa, a be fala n wi kpɔ̀ʔɔrɔ, kàjáa be pèle si maa sèʔé ni peyɛɛ gábala. 18A Zyezu ga nan be na, a wi gi joo be ma níì jo: «Nyɛ̀ʔɛni ní tári sée myɛ n kaan mii ma. 19#Kap 1:8 Koro na gi yɛlɛ yaa syée, ye sa ra syɛɛnfeleyi myɛ kpéʔele pìitamabéle, yáā be batize Tofɔw, ní Jaafɔw, ní Pìicǎnni mɛ́ʔɛ na, 20yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»
Tällä hetkellä valittuna:
:
Korostus
Kopioi
Vertaa
Jaa
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Kolocɔlɔɔ Syɛ́ɛnri © Bible Society of Côte d'Ivoire, 2008.