Matye 22
22
Cèpɔrigi lìigbɔɔlɔ kaseele
(Luk 14:15-24)
1A Zyezu níì kàseelaa wáa be ma níì jo: 2«Nyɛ̀ʔɛni fànʔa i nyɛ àmɛɛ fànʔafɔwaa nyɛ lè, wee wi da wi jaà cèpɔrigɔ liile sámaga lè, 3níì wi falipyebèle tun be sa syɛ́ɛnbèle yeri, bele wi da jo pe ba cèpɔrigi lìile lìi ní woro ní lè. Pe si ga sáà fɔ̀lɔ n pan í. 4A wi níì falipyebèle pèle nikwɔɔlɔ tun níì jo: ‹Ye sa mii syɛɛn-yeribèle pye, mii n mii lìíli sámaga n kwɔ́ɔ, níì cán mii n mii nǐyi ní mii sǐnmi yaweere kpóo, yáriri myɛ i nyɛ wozamaga-gwɔ́ɔrɔ ní, yaa maa ye ba cèpɔrigi lìile lìi.› 5Kàjáa a be di fáala níì fala, a wàa kári wi tiimaa ségi ma, a wee kári wi jàgiwáari kurugo. 6A wozanbèle wi púlobèle cò n wɔʔɔ níì be kpóo. 7A fànʔafɔw ga gee bee lóʔo, a wi fúngi fala n tanʔa. A wi wi sùlasiibèle tun a be sáà syɛɛnkpoobèle bee kpóo, níì be kěgi sórigo. 8Lǎli bee ni a wi wi falipyebèle pye: ‹Cèpɔrigi lìile n tɔ̀nɔ n sámaga n kwɔ́ɔ, kàjáa mii syɛɛn-yeribèle ga nyɔɔ n yɛlɛ ní gi lìíli ní í. 9Koro na yaa syée kàlari-kóloyi ni, bele myɛ ye ga sáà nyaa lè, ye be yeri pe ba cèpɔrigi lìile lìi.› 10A falipyebèle bee yiri n kári kogboloyi ni n sáà syɛɛnpeebèle ní syɛɛncanbèle myɛ kpóʔoro n pan, bele myɛ be tɛ́nɛ̀ nyaa lè, a cèpɔrigi kpaʔa baa nyìn suliibèle na.
11A fànʔafɔw ga jée yaà sa suliibèle saanri wéle, a wi sáà nànwaa nyaa yaà be ni, cèpɔrigi búrogo fun. 12A wi wi pye: ‹Ní tàannyɛnnɛ, mɛ̀ɛ́ mɔ pye níì jée naa cèpɔrigi búrogo fun?› Wi ga yafyɛn taa bi joo í. 13#Mat 8:12; 25:30; Luk 13:28 A fànʔafɔw gi joo wi nìgwɔɔbèle ma níì jo: ‹Ye wi kɔ́yi ní wi tɔ́lɔyi pwɔɔ, ye sa wi wáa kàfugi na yébiliwɔɔli ni, beè syɛ́ɛnbèle a ra sùpiigèle wáa sáā gǎngèle kúru lè.› 14Níì cán woyeribèle n nɛʔɛ, kàjáa wonyɛnɛ-wòlobèle ga nɛʔɛ í.»
Nyǔnyi lɔ́rɔ ti a da sàrá Sezari ma lè
(Mar 12:13-17; Luk 20:20-26)
15Lǎli bee ni a Farisibèle kári n sáà peyɛɛ nyaa n joo àmɛɛ poro a gi pye sɛ́ɛ lè si Zyezu taa bi cò wi nyɔɔsyɛɛnri na. 16A be fala n be pìitamabèle tun wi ma ní Herodi taʔafɔbèle ní, a be sáà wi pye: «Tamafɔw, wolo n gi cán mɔ i kányɛɛgi nyuu ní i Kolocɔlɔɔ kólogi tèé syɛ́ɛnbèle na kányɛʔɛ ni, mɔ o fɛ̀ɛgí syɔɔn faala na í. Níì cán mɔ o syɔɔnwaa yirigi wàa ni í. 17Koro na gee mɔ sɔ̀ngí lè, mi gi joo wolo ma, a gi yɛlɛ lé waa nyǔnyi lɔ́rɔ kaangi Sezari ma láà, koro ga jáa wo ŋɔ́n?»
18Kàjáa àmɛɛ Zyezu be péemi sɔ̀ngurɔ cán lè, a wi be pye: «Nyàʔá na yele mii pingi ni wéle yele syɛɛnjóotɛɛyi siin joofɔɔlɔ? 19Wáliwee ní ye nyǔnyi lɔ́rɔ kaangi lè, ye ba wee bee wàa tɛ̀ɛn mii na.» A be sáà deniye láa n baa tɛ̀ɛn wi na. 20A Zyezu baa be yíbe níì jo: «Wìí syɔ́ɔn yɛ́ʔɛ ní wi mɛ́ɛgi gi gee wáliw na?» 21A be jo: «Sezari wii.» A wi be pye: «Koro na gee gi nyɛ lè Sezari wógi, ye gi kaan Sezari ma. Gee si gi nyɛ lè Kolocɔlɔɔ wógi, ye gi kaan Kolocɔlɔɔ ma.» 22A pe ga gee bee lóʔo a be i káama gi na, níì núngo wi taana n kári.
Yíbege kúbèle nyán-yirile kéele na
(Mar 12:18-27; Luk 20:27-40)
23 #
Kap 23:8
Cángi bee wonijanga na, a Sadusebèle pèle pan wi ma, poro bele be gi nyuu lè níì jo kúbèle a nyán í. A be baa Zyezu yíbe níì jo: 24#Làlw 25:5 «Tamafɔw, Mowizi n jo: Nànwaa ga kùu pyà fun, fwɔɔ wi senyɛnw í wi céw pɔri, wi ga pyà see, pìíw bee a pye wi senyɛnw mɛ́ʔɛ na. 25Nànbēle kɔrɔsiin si maa pye ní wolo ní, pe maa pye senyɛ̀nnɛ. A wozeliw cɔlɔɔ pɔri ní baa kùu pyà fun níì céw yaʔa wi cɔnɔw ma. 26Anbée siin wów ní taanri wów wɔ́ɔ̀ pye fwɔɔ n sáà nan kɔrɔsiin wów na. 27Koro myɛ kàdoʔo ma, a céw náa baa kùu. 28Koro na kúbèle ga baa nyán, wìí wóo wi a pye céw bee be kɔrɔsiinw ni, níì cán pe myɛ n wi pɔri?»
29A Zyezu be yari: «Yele n pùuni ncan yele ga Kolocɔlɔɔ syɛɛnsɛbɛri cán í. Yele ga wɔ́ɔ̀ wi séew cán í. 30Níì cán kúbèle ga baa nyán, nàɔn a ní cɔlɔɔ pɔri í, pe si a ní wɔ́ɔ cɔlɔɔ kaan nàɔn ma í, fwɔɔ pe a pye àmɛɛ nyɛ̀ʔɛni tundunbéle nyɛ lè nyɛ̀ʔɛni ni. 31Gee si gi kúbèle nyán-yirile kéele kwɔ́ɔ lè, gee Kolocɔlɔɔ joo yele ma lè, yele ga kɔ́ɔ̀ gi wéle sɛ́bɛw ni ì? Wi n jo: 32#Yir 3:6 ‹Mii wi nyɛ Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.› Kúbèle wóo ban wi nyɛ Kolocɔlɔɔ í, niweebèle wóo wi nyɛ Kolocɔlɔɔ.» 33A syɛ́ɛnmi ga gee bee lóʔo, a bi i káama wi tamani na.
Tundunri ti nyɛ ti myɛ yɛ́ʔɛ ma lè
(Mar 12:28-34; Luk 10:25-28)
34A Farisibèle ga gi lóʔo Zyezu n Sadusebèle nyɔ́ɔyɔ tɔ́n, a be peyɛɛ gbóʔoro n pan wi ma. 35#Luk 10:25-28 làlwaw sɛ́bɛwelewaa maa pye be níngi ni, a wi Zyezu yíbe jàngó bi wi nyɔ́ɔgi pye wéle níì jo: 36«Tamafɔw, tundunrìí di nyɛ ti myɛ yɛ́ʔɛ ma Mowizi làlwaw sɛ́bɛ ni?» 37#Làlw 6:5 A wi wi pye: « ‹Mi mɔ Kafɔw Kolocɔlɔɔ kéeli yaʔa li mɔ dɛ́nɛ ní mɔ zɔnw myɛ ní, ní mɔ fúngi myɛ ní, ní mɔ sɔngumi myɛ ní.› 38Dee bee di kpɔ́ʔɔ ní i nyɛ tundunzelidi. 39#Lev 19:18 A siin wóri di wíri. Ti n jo: ‹Mɔ syɛɛnnyɛnw kéele yaʔa li mɔ dɛ́nɛ àmɛɛ mɔ miyɛɛ dɛ́nɛ lè.› 40Tundunri naa tɛ́ɛyɛ siin di nyɛ Mowizi làlwaw sɛ́bɛ ní kanyaajoobèle sɛ́bɛ myɛ nyúngo.»
Kirisi ní Davidi
(Mar 12:35-37; Luk 20:41-44)
41Amɛɛ Farisibèle peyɛɛ gbóʔoro lè, a Zyezu be yíbe 42níì jo: «Nyàʔá yele sɔ̀ngí Kirisi kéeli na? Wìí jáa wi nyɛ?» A be wi yari: «Davidi jáa wii.» 43A wi be pye: «Mɛ̀ɛ́ si gi pye n sɛ́ɛ, á Davidi kɔ́ɔ̀ wi yeri Pìicǎnni báriga ni Kàfɔw, àmɛɛ wi gi joo lè níì jo:
44 #
Ŋún 110:1
‹Kàfɔw n gi joo mii Kàfɔw ma níì jo:
Ba tɛ́ɛn mii kàliige ma
fwɔɔ bi taa mii í mɔ nigoobèle cáan,
mɔ si mɔ tɔ́lɔyi taʔa be na?›
45Ki si ga pye Davidi n wi yeri Kàfɔw, mɛ̀ɛ́ wi a gbǎn ní pye wi jaà bi sɛ́ɛ?»
46Syɔɔnwaa faala ga gbàn n syɛɛnlurugori kaan wi ma í. Nlaʔa cángi bee na wàa faala ga níì fɔ̀lɔ n wi yíbe keelaa na nyáana í.
Tällä hetkellä valittuna:
Matye 22: CB10
Korostus
Kopioi
Vertaa
Jaa
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Kolocɔlɔɔ Syɛ́ɛnri © Bible Society of Côte d'Ivoire, 2008.
Matye 22
22
Cèpɔrigi lìigbɔɔlɔ kaseele
(Luk 14:15-24)
1A Zyezu níì kàseelaa wáa be ma níì jo: 2«Nyɛ̀ʔɛni fànʔa i nyɛ àmɛɛ fànʔafɔwaa nyɛ lè, wee wi da wi jaà cèpɔrigɔ liile sámaga lè, 3níì wi falipyebèle tun be sa syɛ́ɛnbèle yeri, bele wi da jo pe ba cèpɔrigi lìile lìi ní woro ní lè. Pe si ga sáà fɔ̀lɔ n pan í. 4A wi níì falipyebèle pèle nikwɔɔlɔ tun níì jo: ‹Ye sa mii syɛɛn-yeribèle pye, mii n mii lìíli sámaga n kwɔ́ɔ, níì cán mii n mii nǐyi ní mii sǐnmi yaweere kpóo, yáriri myɛ i nyɛ wozamaga-gwɔ́ɔrɔ ní, yaa maa ye ba cèpɔrigi lìile lìi.› 5Kàjáa a be di fáala níì fala, a wàa kári wi tiimaa ségi ma, a wee kári wi jàgiwáari kurugo. 6A wozanbèle wi púlobèle cò n wɔʔɔ níì be kpóo. 7A fànʔafɔw ga gee bee lóʔo, a wi fúngi fala n tanʔa. A wi wi sùlasiibèle tun a be sáà syɛɛnkpoobèle bee kpóo, níì be kěgi sórigo. 8Lǎli bee ni a wi wi falipyebèle pye: ‹Cèpɔrigi lìile n tɔ̀nɔ n sámaga n kwɔ́ɔ, kàjáa mii syɛɛn-yeribèle ga nyɔɔ n yɛlɛ ní gi lìíli ní í. 9Koro na yaa syée kàlari-kóloyi ni, bele myɛ ye ga sáà nyaa lè, ye be yeri pe ba cèpɔrigi lìile lìi.› 10A falipyebèle bee yiri n kári kogboloyi ni n sáà syɛɛnpeebèle ní syɛɛncanbèle myɛ kpóʔoro n pan, bele myɛ be tɛ́nɛ̀ nyaa lè, a cèpɔrigi kpaʔa baa nyìn suliibèle na.
11A fànʔafɔw ga jée yaà sa suliibèle saanri wéle, a wi sáà nànwaa nyaa yaà be ni, cèpɔrigi búrogo fun. 12A wi wi pye: ‹Ní tàannyɛnnɛ, mɛ̀ɛ́ mɔ pye níì jée naa cèpɔrigi búrogo fun?› Wi ga yafyɛn taa bi joo í. 13#Mat 8:12; 25:30; Luk 13:28 A fànʔafɔw gi joo wi nìgwɔɔbèle ma níì jo: ‹Ye wi kɔ́yi ní wi tɔ́lɔyi pwɔɔ, ye sa wi wáa kàfugi na yébiliwɔɔli ni, beè syɛ́ɛnbèle a ra sùpiigèle wáa sáā gǎngèle kúru lè.› 14Níì cán woyeribèle n nɛʔɛ, kàjáa wonyɛnɛ-wòlobèle ga nɛʔɛ í.»
Nyǔnyi lɔ́rɔ ti a da sàrá Sezari ma lè
(Mar 12:13-17; Luk 20:20-26)
15Lǎli bee ni a Farisibèle kári n sáà peyɛɛ nyaa n joo àmɛɛ poro a gi pye sɛ́ɛ lè si Zyezu taa bi cò wi nyɔɔsyɛɛnri na. 16A be fala n be pìitamabèle tun wi ma ní Herodi taʔafɔbèle ní, a be sáà wi pye: «Tamafɔw, wolo n gi cán mɔ i kányɛɛgi nyuu ní i Kolocɔlɔɔ kólogi tèé syɛ́ɛnbèle na kányɛʔɛ ni, mɔ o fɛ̀ɛgí syɔɔn faala na í. Níì cán mɔ o syɔɔnwaa yirigi wàa ni í. 17Koro na gee mɔ sɔ̀ngí lè, mi gi joo wolo ma, a gi yɛlɛ lé waa nyǔnyi lɔ́rɔ kaangi Sezari ma láà, koro ga jáa wo ŋɔ́n?»
18Kàjáa àmɛɛ Zyezu be péemi sɔ̀ngurɔ cán lè, a wi be pye: «Nyàʔá na yele mii pingi ni wéle yele syɛɛnjóotɛɛyi siin joofɔɔlɔ? 19Wáliwee ní ye nyǔnyi lɔ́rɔ kaangi lè, ye ba wee bee wàa tɛ̀ɛn mii na.» A be sáà deniye láa n baa tɛ̀ɛn wi na. 20A Zyezu baa be yíbe níì jo: «Wìí syɔ́ɔn yɛ́ʔɛ ní wi mɛ́ɛgi gi gee wáliw na?» 21A be jo: «Sezari wii.» A wi be pye: «Koro na gee gi nyɛ lè Sezari wógi, ye gi kaan Sezari ma. Gee si gi nyɛ lè Kolocɔlɔɔ wógi, ye gi kaan Kolocɔlɔɔ ma.» 22A pe ga gee bee lóʔo a be i káama gi na, níì núngo wi taana n kári.
Yíbege kúbèle nyán-yirile kéele na
(Mar 12:18-27; Luk 20:27-40)
23 #
Kap 23:8
Cángi bee wonijanga na, a Sadusebèle pèle pan wi ma, poro bele be gi nyuu lè níì jo kúbèle a nyán í. A be baa Zyezu yíbe níì jo: 24#Làlw 25:5 «Tamafɔw, Mowizi n jo: Nànwaa ga kùu pyà fun, fwɔɔ wi senyɛnw í wi céw pɔri, wi ga pyà see, pìíw bee a pye wi senyɛnw mɛ́ʔɛ na. 25Nànbēle kɔrɔsiin si maa pye ní wolo ní, pe maa pye senyɛ̀nnɛ. A wozeliw cɔlɔɔ pɔri ní baa kùu pyà fun níì céw yaʔa wi cɔnɔw ma. 26Anbée siin wów ní taanri wów wɔ́ɔ̀ pye fwɔɔ n sáà nan kɔrɔsiin wów na. 27Koro myɛ kàdoʔo ma, a céw náa baa kùu. 28Koro na kúbèle ga baa nyán, wìí wóo wi a pye céw bee be kɔrɔsiinw ni, níì cán pe myɛ n wi pɔri?»
29A Zyezu be yari: «Yele n pùuni ncan yele ga Kolocɔlɔɔ syɛɛnsɛbɛri cán í. Yele ga wɔ́ɔ̀ wi séew cán í. 30Níì cán kúbèle ga baa nyán, nàɔn a ní cɔlɔɔ pɔri í, pe si a ní wɔ́ɔ cɔlɔɔ kaan nàɔn ma í, fwɔɔ pe a pye àmɛɛ nyɛ̀ʔɛni tundunbéle nyɛ lè nyɛ̀ʔɛni ni. 31Gee si gi kúbèle nyán-yirile kéele kwɔ́ɔ lè, gee Kolocɔlɔɔ joo yele ma lè, yele ga kɔ́ɔ̀ gi wéle sɛ́bɛw ni ì? Wi n jo: 32#Yir 3:6 ‹Mii wi nyɛ Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.› Kúbèle wóo ban wi nyɛ Kolocɔlɔɔ í, niweebèle wóo wi nyɛ Kolocɔlɔɔ.» 33A syɛ́ɛnmi ga gee bee lóʔo, a bi i káama wi tamani na.
Tundunri ti nyɛ ti myɛ yɛ́ʔɛ ma lè
(Mar 12:28-34; Luk 10:25-28)
34A Farisibèle ga gi lóʔo Zyezu n Sadusebèle nyɔ́ɔyɔ tɔ́n, a be peyɛɛ gbóʔoro n pan wi ma. 35#Luk 10:25-28 làlwaw sɛ́bɛwelewaa maa pye be níngi ni, a wi Zyezu yíbe jàngó bi wi nyɔ́ɔgi pye wéle níì jo: 36«Tamafɔw, tundunrìí di nyɛ ti myɛ yɛ́ʔɛ ma Mowizi làlwaw sɛ́bɛ ni?» 37#Làlw 6:5 A wi wi pye: « ‹Mi mɔ Kafɔw Kolocɔlɔɔ kéeli yaʔa li mɔ dɛ́nɛ ní mɔ zɔnw myɛ ní, ní mɔ fúngi myɛ ní, ní mɔ sɔngumi myɛ ní.› 38Dee bee di kpɔ́ʔɔ ní i nyɛ tundunzelidi. 39#Lev 19:18 A siin wóri di wíri. Ti n jo: ‹Mɔ syɛɛnnyɛnw kéele yaʔa li mɔ dɛ́nɛ àmɛɛ mɔ miyɛɛ dɛ́nɛ lè.› 40Tundunri naa tɛ́ɛyɛ siin di nyɛ Mowizi làlwaw sɛ́bɛ ní kanyaajoobèle sɛ́bɛ myɛ nyúngo.»
Kirisi ní Davidi
(Mar 12:35-37; Luk 20:41-44)
41Amɛɛ Farisibèle peyɛɛ gbóʔoro lè, a Zyezu be yíbe 42níì jo: «Nyàʔá yele sɔ̀ngí Kirisi kéeli na? Wìí jáa wi nyɛ?» A be wi yari: «Davidi jáa wii.» 43A wi be pye: «Mɛ̀ɛ́ si gi pye n sɛ́ɛ, á Davidi kɔ́ɔ̀ wi yeri Pìicǎnni báriga ni Kàfɔw, àmɛɛ wi gi joo lè níì jo:
44 #
Ŋún 110:1
‹Kàfɔw n gi joo mii Kàfɔw ma níì jo:
Ba tɛ́ɛn mii kàliige ma
fwɔɔ bi taa mii í mɔ nigoobèle cáan,
mɔ si mɔ tɔ́lɔyi taʔa be na?›
45Ki si ga pye Davidi n wi yeri Kàfɔw, mɛ̀ɛ́ wi a gbǎn ní pye wi jaà bi sɛ́ɛ?»
46Syɔɔnwaa faala ga gbàn n syɛɛnlurugori kaan wi ma í. Nlaʔa cángi bee na wàa faala ga níì fɔ̀lɔ n wi yíbe keelaa na nyáana í.
Tällä hetkellä valittuna:
:
Korostus
Kopioi
Vertaa
Jaa
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Kolocɔlɔɔ Syɛ́ɛnri © Bible Society of Côte d'Ivoire, 2008.