Amɔsi 2
2
Mowabi ye kéeli
1 #
Eza 15:1—16:14; 25:10-12; Zyer 48:1-47; Ezek 25:8-11; Sof 2:8-11 Yawe wi gee naa joo níì jo: «Mowabi ye kapeeyi taanri kéele na, àlí yi caa i nyɛ sicɛrɛ, gee mii joo n ceri lè mii a gi sàa í. Níì cán pe n Edɔmi fànʔafɔw kaceleye sórigo n kpóo n kàriga míige. 2Mii a naà tórigo Mowabi kánmi na, ki a sa Keriyɔti kpaakpoloyi sórigo mɛnɛ mɛnɛ. Mowabi a kùu kàfulogbɔʔɔ, ní kapɛɛnnɛ sùpiiwáara, ní tòmaʔa wiimɛ nínge ni. 3Mii a kútiijoow kwɔ́ɔ yirige yaà be níngi ni. Mii a wi ní wi kùndigibèle myɛ pínɛ kpóo ní wi ní,» Yawe wi jo nya.
Zyuda kéeli
4Yawe wi gee naa joo níì jo: «Zyuda kapeeyi taanri kéele na, àlí yi caa i nyɛ sicɛrɛ, gee mii joo n ceri lè, mii a gi sàa í. Níì cán pe n Yawe làlwaw cée pe ga wi làlwaw kèlē kɔn í. Níì cán pe n peyɛɛ yaʔa a jànváa yáriyi be pùuni, yoro yee na be toolɛɛbèle da peyɛɛ daʔa lè a yi be pùuni. 5Mii a naà tórigo Zyuda kánmi na, ki a sa kpaakpoloyi sórigo mɛnɛ mɛnɛ yi nyɛ lè Zyerusalɛmi ni.»
Isirayɛli kéeli
6Yawe wi gee naa joo níì jo: «Isirayɛli kapeeyi taanri kéele na, àlí yi caa i nyɛ sicɛrɛ, gee mii joo n ceri lè, mii a gi sàa í. Níì cán pe n syɛɛnsinw pára wálifiio na, níì foomɔfɔw fàli taʔaladɛ́ʔɛ nibin na. 7Pe i nyabɛɛnnɛ kpéʔele yáriri na fwɔɔ n sa ni nangi támii-yáriri na ti nyɛ fɔ̀ngɔfɔbèle nyúnyo na lè ní i màámi fɔ̀ɔlɔ tanʔa kálagi. Jaafɔlɔ, ní tofɔlɔ i wóo pìcaa nibin na koro ga pye bi mii mɛ́ɛcǎngi nɔ́nʔɔ. 8Pe i sìnɛ́ sáriga-wòlo-yafaanyi myɛ taana búroyi na, yee be syɔɔ n tɛ́ʔɛ fwɔɔlɔ nyɔ́ɔ ni lè, ní i dùvɛɛnw gbo be kolocɔlɔbèle kpɔ̀ʔɔrɔlɔ kpaaya ni, wee be pèle kɔ́ri a be kaan lè. 9#Làlw 3:8-11 Bi gi taa mii n Amɔri ye kálagi pe yɛʔɛ̀ ma, poro bele tɔnɔganma bi pye àmɛɛ sɛdiri tíiri nyɛ lè pe fǎngi si i nyɛ àmɛɛ syɛni tíiri wóʔo nyɛ lè. Mii n be yasanri kálagi ǹjogi ni, níì be nǐnri kálagi táàma. 10Bi gi taa mii wi níì yele yirige Ezyipiti tári ni, níì kíni yele yɛ́ɛgi na fìími tára ni yɛ̀ʔɛlɛ togoye siin fúngo ni, koro ga pye bi yele télege Amɔri ye tári fáliga na. 11#Cór 6:1-8 Mii n kanyaajoobéle yirige yele jáabèle ni, ní naziiribéle, yele nìgɔcaribèle ni. Anbée ban gi nyɛ ì, yele Isirayɛli yòdaʔayi?» Yawe wi jo nya. 12«Yele si n naziiribèle kɔ́ri a pe i dùvɛɛnw gbo, níì gee naa joo n gbàn kanyaajoobèle ma níì jo: ‹Yele a kɔ́ ra kérigèle nyaagi da nyuu í!› 13Ye wéle, mii a yele tɔ́nʔɔnɔ làrinijanna ni àmɛɛ wòtoro tɔ́nʔɔnɔnɔ kpéʔele, wee wi nyìn yaliipwɔɔgéle na lè. 14Wee wi fé lè cama, wi a gbǎn ba fàn í, wee fànʔa gi nɛʔɛ lè wi a gbǎn ba yafyɛn kpéʔele ní wi fǎngi ní í, nànniriw a gbǎn ba wiyɛɛ sìíw syɔɔ í. 15Wee wi sedeŋɔɔmi cán lè, wi a gbǎn ba yére í, wee tɔ́lɔyɔ yi tɛ́nɛ lè, wi a gbǎn ba fǎn syɔɔ í, syɔɔnfǎnw a gbǎn ba wiyɛɛ sìíw syɔɔ í. 16Wee wi soro n sɔ̀lɔ lè kapɛɛnkpumɔnbèle ni, wi a ba ra fé cángi bee na níbori,» Yawe wi jo nya.
Tällä hetkellä valittuna:
Amɔsi 2: CB10
Korostus
Kopioi
Vertaa
Jaa
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Kolocɔlɔɔ Syɛ́ɛnri © Bible Society of Côte d'Ivoire, 2008.
Amɔsi 2
2
Mowabi ye kéeli
1 #
Eza 15:1—16:14; 25:10-12; Zyer 48:1-47; Ezek 25:8-11; Sof 2:8-11 Yawe wi gee naa joo níì jo: «Mowabi ye kapeeyi taanri kéele na, àlí yi caa i nyɛ sicɛrɛ, gee mii joo n ceri lè mii a gi sàa í. Níì cán pe n Edɔmi fànʔafɔw kaceleye sórigo n kpóo n kàriga míige. 2Mii a naà tórigo Mowabi kánmi na, ki a sa Keriyɔti kpaakpoloyi sórigo mɛnɛ mɛnɛ. Mowabi a kùu kàfulogbɔʔɔ, ní kapɛɛnnɛ sùpiiwáara, ní tòmaʔa wiimɛ nínge ni. 3Mii a kútiijoow kwɔ́ɔ yirige yaà be níngi ni. Mii a wi ní wi kùndigibèle myɛ pínɛ kpóo ní wi ní,» Yawe wi jo nya.
Zyuda kéeli
4Yawe wi gee naa joo níì jo: «Zyuda kapeeyi taanri kéele na, àlí yi caa i nyɛ sicɛrɛ, gee mii joo n ceri lè, mii a gi sàa í. Níì cán pe n Yawe làlwaw cée pe ga wi làlwaw kèlē kɔn í. Níì cán pe n peyɛɛ yaʔa a jànváa yáriyi be pùuni, yoro yee na be toolɛɛbèle da peyɛɛ daʔa lè a yi be pùuni. 5Mii a naà tórigo Zyuda kánmi na, ki a sa kpaakpoloyi sórigo mɛnɛ mɛnɛ yi nyɛ lè Zyerusalɛmi ni.»
Isirayɛli kéeli
6Yawe wi gee naa joo níì jo: «Isirayɛli kapeeyi taanri kéele na, àlí yi caa i nyɛ sicɛrɛ, gee mii joo n ceri lè, mii a gi sàa í. Níì cán pe n syɛɛnsinw pára wálifiio na, níì foomɔfɔw fàli taʔaladɛ́ʔɛ nibin na. 7Pe i nyabɛɛnnɛ kpéʔele yáriri na fwɔɔ n sa ni nangi támii-yáriri na ti nyɛ fɔ̀ngɔfɔbèle nyúnyo na lè ní i màámi fɔ̀ɔlɔ tanʔa kálagi. Jaafɔlɔ, ní tofɔlɔ i wóo pìcaa nibin na koro ga pye bi mii mɛ́ɛcǎngi nɔ́nʔɔ. 8Pe i sìnɛ́ sáriga-wòlo-yafaanyi myɛ taana búroyi na, yee be syɔɔ n tɛ́ʔɛ fwɔɔlɔ nyɔ́ɔ ni lè, ní i dùvɛɛnw gbo be kolocɔlɔbèle kpɔ̀ʔɔrɔlɔ kpaaya ni, wee be pèle kɔ́ri a be kaan lè. 9#Làlw 3:8-11 Bi gi taa mii n Amɔri ye kálagi pe yɛʔɛ̀ ma, poro bele tɔnɔganma bi pye àmɛɛ sɛdiri tíiri nyɛ lè pe fǎngi si i nyɛ àmɛɛ syɛni tíiri wóʔo nyɛ lè. Mii n be yasanri kálagi ǹjogi ni, níì be nǐnri kálagi táàma. 10Bi gi taa mii wi níì yele yirige Ezyipiti tári ni, níì kíni yele yɛ́ɛgi na fìími tára ni yɛ̀ʔɛlɛ togoye siin fúngo ni, koro ga pye bi yele télege Amɔri ye tári fáliga na. 11#Cór 6:1-8 Mii n kanyaajoobéle yirige yele jáabèle ni, ní naziiribéle, yele nìgɔcaribèle ni. Anbée ban gi nyɛ ì, yele Isirayɛli yòdaʔayi?» Yawe wi jo nya. 12«Yele si n naziiribèle kɔ́ri a pe i dùvɛɛnw gbo, níì gee naa joo n gbàn kanyaajoobèle ma níì jo: ‹Yele a kɔ́ ra kérigèle nyaagi da nyuu í!› 13Ye wéle, mii a yele tɔ́nʔɔnɔ làrinijanna ni àmɛɛ wòtoro tɔ́nʔɔnɔnɔ kpéʔele, wee wi nyìn yaliipwɔɔgéle na lè. 14Wee wi fé lè cama, wi a gbǎn ba fàn í, wee fànʔa gi nɛʔɛ lè wi a gbǎn ba yafyɛn kpéʔele ní wi fǎngi ní í, nànniriw a gbǎn ba wiyɛɛ sìíw syɔɔ í. 15Wee wi sedeŋɔɔmi cán lè, wi a gbǎn ba yére í, wee tɔ́lɔyɔ yi tɛ́nɛ lè, wi a gbǎn ba fǎn syɔɔ í, syɔɔnfǎnw a gbǎn ba wiyɛɛ sìíw syɔɔ í. 16Wee wi soro n sɔ̀lɔ lè kapɛɛnkpumɔnbèle ni, wi a ba ra fé cángi bee na níbori,» Yawe wi jo nya.
Tällä hetkellä valittuna:
:
Korostus
Kopioi
Vertaa
Jaa
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Kolocɔlɔɔ Syɛ́ɛnri © Bible Society of Côte d'Ivoire, 2008.