Psalmet 1
1
1Lum njeriu që nuk ndjek këshillën e të paudhëve
dhe udhës së mëkatarëve nuk qëndron,
që nuk rri me përqeshësit,
2por kënaqet me ligjin e Zotit
dhe ditë e natë për atë ligj mendon.
3Ai është si pemë e mbjellë buzë rrjedhës së ujërave,
që frytin e jep në stinën e vet
e gjethja nuk i vyshket.
Atij i shkon mbarë gjithçka bën.
4Por nuk ndodh kështu me të paudhët.
Ata janë si byku që merr era.
5Të paudhët nuk do t'i bëjnë ballë gjykimit,
as mëkatarët kuvendit të të drejtëve.
6 Zoti e njeh mirë udhën e të drejtëve,
ndërsa udha e të paudhëve do të marrë fund.
Tällä hetkellä valittuna:
Psalmet 1: AL1
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Shoqëria Biblike Ndërkonfesionale e Shqipërisë 2020
© Interconfessional Bible Society of Albania 2020