Забур 140
140
Далда хьун паталай дуьа
1 Давудан мани.
Я Ребби, за Ваз минет ийизва:
тади ая патав зи,
зи шел-хвалдиз яб це Вуна,
за Ваз минет ийирла.
2Хушди хьурай зи дуьа,
Ви вилик кайи атирар хьиз,
зи гъилерни хкажун,
нянин къурбанд хьиз.
3Зи сивел, Ребби, къаравул эциг,
зи сивин ракӀар хуьх.
4Тамир зи рикӀив писвилихъ алгъиз,
къанунсузвилер ийизни тамир
небгетрихъ галаз,
ширинлухар абурун
нез тамир.
5Гьахъ-михьида гатурай зун –
регьим я им.
Дуьздал зун акъудрай –
им чӀем ягъай хьиз жеда заз,
инкар тийир кьили зи.
Зи дуьа акси я
небгетвилер ийизвайбуруз.
6Абурун дуванбегар
гадарайла къаядилай,
жеда абуруз зи гафарин ван,
вучиз лагьайтӀа дуьзбур я абур.
7Чил цадайла, ам гадар жедайвал,
гьа саягъда небгетрин кӀарабар
гадарна жеда агъа дуьньяда.
8Эхь, Агъа, Ребби,
зи вилер Вахъди элкъвенва;
за Вак умуд кутазва,
зун вугумир ажалдив!
9Заз къянавай чилиникай,
небгетрин желедикай
зун хуьх.
10Небгетар чеб аватрай чпин чилериз,
зун, лагьайтӀа, абурал ацалтдач.
Tällä hetkellä valittuna:
Забур 140: ЛезПК
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Институт перевода Библии, 2010-2024