Cäk ANYOOTH
ANYOOTH
Awerek de Cäk ajam në cäŋ ɣɔn ciɛk ë Nhialic piny nɔm, ku ciɛk këriëëc tɔ̈u thïn ëbɛ̈n. Cäŋ de raan, ku caak de awäc në piny nɔm kekë nuan. Ku caak de täu ye Nhialic tɔ̈u kekë kɔc. Ku awerek de cäk aduëërë tekic në biäk kaarou:
(1) Cökdït 1-11 ajam në biäk de cäŋ ë ciɛk ë piny nɔm. Ku ajam në biäk de ciɛɛŋ de kɔc ɣɔn kɔn tɔ̈u në piny nɔm. Ajam në biäk de Adam kekë Ɣawa, ku Kain kekë Abel, ku Nowa kekë amool, ku ɣön bɛ̈ɛ̈r de Babilon.
(2) Cökdït 12-50 ajam në biäk de ciɛɛŋ de kuarken ke kɔc ke Yithriɛl. Raan tueŋ ee Abraɣam. Abraɣam aaye raan dït ë gäm, ku aaye Nhialic gam thok ë cieŋ. Ku ajam ayadäŋ në biäk de Yithaak wën ë Abraɣam. Ku lɔ Jakop wën ë Yithaak. Ku Jakop acɔl Yithriɛl ayadäŋ. Ku ajam aya në baŋ de wɛ̈ɛ̈t ke Jakop kathiëër ku rou, ku kek aye nïïm ke dhiëën ke Yithriɛl. Ku awerek ajam arëët në biäk de Jothep wën ë Jakop. Yen aa tɔ Jakop lɔ Rip kekë wɛ̈ɛ̈tke, ku bɛ̈iken lek rëër ëtɛ̈ɛ̈n.
Na cakaa nɔn jiɛɛm awerek në këde kɔc, këdït thïn ee ka cï Nhialic looi. Ee rɔt gɔl në nyooth nyooth en cäŋ cï Nhialic piny cak nɔm. Ku ee thök në thön cï Nhialic thɔ̈n kɔcke nɔn bï Yen keek aa tiit. Awerek de Cäk ajam arëët në biäk de Nhialic, Raan ee kɔc ee kërac looi luöi këtuc. Ku ye Raan ee kɔcke wat, ku kony keek. Ku ajam aya në luɔi cï Nhialic ciɛɛŋ de kɔcke kiëët apiɛth. Awerekë aa gɔ̈ɔ̈r ke bï kɔc nyuöth gäm, ku bï kɔc kuɔny bïk gämë mukic apiɛth.
Ka tɔ̈u Thïn
Cäŋ de piny nɔm ku cäŋ de kɔc 1:1–2:25
Gɔ̈l ëgɔl ë kërac rɔt kekë nuan 3:1-24
Gɔl Adam leer ë Nowa 4:1–5:32
Nowa ku Amool 6:1–10:32
Ɣön bɛ̈ɛ̈r de Babilon 11:1-9
Gɔl ë Cem leer ë Abram 11:10-32
Kuar ke Yithriɛl Abraɣam, Yithaak, Jakop 12:1–35:29
Käu de Ethau 36:1-43
Jothep ku mïthëkɔcken 37:1–45:28
Kɔc ke Yithriɛl ë Rip 46:1–50:26
Tällä hetkellä valittuna:
Cäk ANYOOTH: dip-JPB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The Bible in Jieeng de Padang © The Bible Society in South Sudan, 2011.