Юнус 3
3
Юнус Ниневияйиъ
1Юнусдиз РАББИЙИН гаф хъанара гъюру: 2– Гьамусяаьт Ниневия кӀуру зурба шагьриз гъарах ва душваъ дурариз Узу амур гъапӀубдикан кидибт.
3Юнус, гьадмусяаьт РАББИЙИ гъаписи, Ниневияйиз гъушну. Ниневия зурба аьхю шагьур вуйи, дидлан илдицури, шубуд йигъ гъябгъюйи. 4Ва Юнус йигъандин арайиъ, гьамци кӀури, чахьан шлубкьан лицуз хъюгъну:
– ЯгъчӀвур йигълан Ниневия ккадабхъиди!
5Ниневиялуйир Аллагьдин гафнахъ хъугъну. БицӀидарилан аьхюдариина, варидари ушвар дисуз хъюгъну, ва, швумалвалин лишан вуди, ирин палат алабхьну. 6Думу гаф Ниневияйин паччагьдихьнара гъурубкьган, паччагьра, чан тахтналан улдучӀвну, паччагьдин палат илдибтну, ирин палат алабхьну, рюкъдиин деъну, 7ва паччагьдинна паччагьлугъдин гъуллугъчйирин терефнаан Ниневияйиъ гьамциб буйругъ апӀуз гъитну: «Я инсанари, я чӀатху я жвилли мал-гъарайи, фукӀа дирипӀри, дурубхъри, чӀурариъ даришри, 8ва ирин палат али инсанарина мал-гъарайи, Аллагьдиз ижмиди ккарагри. Гъит гьарсар кас писвал апӀбан ва инсафсузвалин рякъхъан хъадакри. 9Шлиз аьгъя, белки, Аллагьди чан кьаст дигиш апӀур ва чан убхьурайи хъял ухьʼина гъюз гъидритур ва ухьу чӀивиди гъузур».
10Ва Аллагьдиз дурарин ляхнар дяркъну, дурар чӀуру рякъʼан удучӀвуб аьгъю гъабхьну дурарин язухъ дапӀну, дурар Чав улупу кьазайиккан азад гъапӀну.
Tällä hetkellä valittuna:
Юнус 3: ТабГК
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Институт перевода Библии, 2010, 2013, 2016, 2018, 2023