ရှင်​ယော​ဟန်​ခ​ရစ်​ဝင် 1
MSB
1
နိ​ဒါန်း
1အ​စ​အ​ဦး​၌ နှုတ်​က​ပတ်​တော်​ရှိ​၏။ နှုတ်​က​ပတ်​တော်​သည် ဘု​ရား​သ​ခင်​နှင့်​အ​တူ​ရှိ​၏။ နှုတ်​က​ပတ်​တော်​သည် ဘု​ရား​သ​ခင်​ဖြစ်​တော်​မူ​၏။2နှုတ်​က​ပတ်​တော်​သည် အ​စ​အ​ဦး​၌ ဘု​ရား​သ​ခင်​နှင့်​အ​တူ​ရှိ​၏။
3ခပ်​သိမ်း​သော​အ​ရာ​တို့​သည် နှုတ်​က​ပတ်​တော်​အား​ဖြင့် ဖြစ်​လာ​၏။ ဖြစ်​လာ​သော​အ​ရာ​တို့​တွင် တစ်​စုံ​တစ်​ခု​မျှ နှုတ်​က​ပတ်​တော်​နှင့်​ကင်း​လွတ်​၍ ဖြစ်​လာ​ခြင်း​မ​ရှိ။#ဟေ​ဗြဲ ၁:၃၊ ၁၁:၃၊ ၂ပေ ၃:၅။4နှုတ်​က​ပတ်​တော်​၌ အ​သက်​ရှိ​၍ ထို​အ​သက်​သည် လူ​တို့​၏​အ​လင်း​ဖြစ်​၏။#ယော ၁:၉၊ ၈:၁၂၊ ၉:၅၊ ၁၂:၄၆။5ထို​အ​လင်း​သည် မှောင်​မိုက်​၌​ထွန်း​လင်း​၍ မှောင်​မိုက်​သည် သူ့​ကို​မ​လွှမ်း​မိုး​#“ရ​ယူ၊ ဖမ်း​မိ၊ အ​နိုင်​ရ၊ ပိုင်း​ခြား​သိ​ရှိ” ဟူ​သော​အ​ဓိပ္ပာယ်​များ​လည်း​ရှိ​၏။နိုင်။
6ဘု​ရား​သ​ခင်​ထံ​မှ​စေ​လွှတ်​ခြင်း​ခံ​ရ​သော ယော​ဟန်​အ​မည်​ရှိ​သူ​တစ်​ဦး​ပေါ်​ထွန်း​လာ​၏။7လူ​အ​ပေါင်း​တို့​သည် သူ့​အား​ဖြင့် ယုံ​ကြည်​လာ​မည့်​အ​ကြောင်း သူ​သည် အ​လင်း​၏​အ​ကြောင်း​ကို​သက်​သေ​ခံ​ရန် သက်​သေ​အ​ဖြစ်​လာ​၏။8သူ​သည်​အ​လင်း​မ​ဟုတ်။ အ​လင်း​၏​အ​ကြောင်း​ကို​သက်​သေ​ခံ​ရန်​သာ​လာ​၏။9စစ်​မှန်​သော​အ​လင်း​သည် ဤ​လော​က​သို့​ကြွ​လာ​၍ လူ​အ​ပေါင်း​တို့​အား အ​လင်း​ကို​ပေး​သော​အ​ရှင်​ဖြစ်​၏။#ယော ၁:၄၊ ၈:၁၂၊ ၉:၅၊ ၁၂:၄၆။
10ကိုယ်​တော်​သည် ဤ​လော​က​၌​ရှိ​နှင့်​တော်​မူ​၍ ဤ​လော​က​သည် ကိုယ်​တော်​အား​ဖြင့်​ဖြစ်​လာ​သော်​လည်း ဤ​လော​က​သည် ကိုယ်​တော်​ကို​မ​သိ။11ကိုယ်​တော်​သည် မိ​မိ​အ​ရပ်​သို့​ကြွ​လာ​သော်​လည်း မိ​မိ​လူ​မျိုး​တို့​သည် ကိုယ်​တော်​ကို​လက်​မ​ခံ​ကြ။12သို့​ရာ​တွင် ကိုယ်​တော်​ကို​လက်​ခံ​သ​မျှ​သော​သူ​တည်း​ဟူ​သော ကိုယ်​တော်​၏​နာ​မ​တော်​ကို​ယုံ​ကြည်​သော​သူ​တို့​အား ဘု​ရား​သ​ခင်​၏​သား​သ​မီး​များ​ဖြစ်​ရ​သော​အ​ခွင့်​ကို ပေး​တော်​မူ​၏။#ရော ၈:၁၄၊ ဂ​လ ၃:၂၆။13ထို​သား​သ​မီး​တို့​သည် မျိုး​ရိုး​ဇာ​တိ​#တိုက်​ရိုက်​ပြန်​ဆို​လျှင် “သွေး”အား​ဖြင့်​သော်​လည်း​ကောင်း၊ ကိုယ်​ကာ​ယ​၏​အ​လို​ဆန္ဒ​အား​ဖြင့်​သော်​လည်း​ကောင်း၊ လူ​၏​အ​လို​ဆန္ဒ​အား​ဖြင့်​သော်​လည်း​ကောင်း မွေး​ဖွား​ကြ​သည်​မ​ဟုတ်။ ဘု​ရား​သ​ခင်​အား​ဖြင့်​သာ မွေး​ဖွား​ကြ​၏။
14နှုတ်​က​ပတ်​တော်​သည် လူ​သား​အ​ဖြစ်​ကို​ခံ​ယူ​၍ အ​ကျွန်ုပ်​တို့​တွင်​စံ​မြန်း​တော်​မူ​သ​ဖြင့် အ​ကျွန်ုပ်​တို့​သည် ကိုယ်​တော်​၏​ဘုန်း​တော်​ကို ဖူး​မြင်​ကြ​ရ​၏။ ထို​ဘုန်း​တော်​ကား ခ​မည်း​တော်​ထံ​ပါး​၌ တစ်​ပါး​တည်း​သော​သား​တော်​အ​ဖြစ်​ရှိ​သော​ဘုန်း​တော်​ဖြစ်​လျက် ကျေး​ဇူး​တော်​နှင့်​လည်း​ကောင်း၊ သမ္မာ​တ​ရား​နှင့်​လည်း​ကောင်း ပြည့်​စုံ​၏။
15ယော​ဟန်​သည် ထို​အ​ရှင်​၏​အ​ကြောင်း​ကို​သက်​သေ​ခံ​လျက် “ငါ့​နောက်​တွင် ကြွ​လာ​သော​အ​ရှင်​သည် ငါ့​ထက်​အ​လျင်​ဦး​စွာ​ရှိ​နှင့်​သည်​#တိုက်​ရိုက်​ပြန်​ဆို​လျှင် “ငါ့​ရှေ့​၌​ဖြစ်​သော​သူ”ဖြစ်​၍ ငါ့​ထက်​ကြီး​မြတ်​သည်​ဟု ငါ​ဆို​ခဲ့​သည်​မှာ ထို​အ​ရှင်​ပင်​ဖြစ်​သည်”​ဟု ကြွေး​ကြော်​လေ​၏။16အ​ကျွန်ုပ်​တို့​အား​လုံး​သည် ထို​အ​ရှင်​၏​ပြည့်​စုံ​တော်​မူ​ခြင်း​ထဲ​မှ ကျေး​ဇူး​တော်​အ​ပေါ်​၌ ထပ်​ဆင့်​၍ ကျေး​ဇူး​တော်​ကို​ခံ​စား​ရ​ကြ​ပြီ။17အ​ကြောင်း​မူ​ကား ပ​ညတ်​တ​ရား​ကို မော​ရှေ​အား​ဖြင့်​ပေး​တော်​မူ​၏။ ကျေး​ဇူး​တော်​နှင့်​သမ္မာ​တ​ရား​မူ​ကား ယေ​ရှု​ခ​ရစ်​တော်​အား​ဖြင့်​ဖြစ်​လာ​၏။18ဘု​ရား​သ​ခင်​ကို မည်​သူ​မျှ​မ​မြင်​ဖူး​သော်​လည်း #ယော ၅:၃၇၊ ၁တိ ၆:၁၆။ ထွ ၃၃:၂၀။ခ​မည်း​တော်​၏​ရင်​ခွင်​၌​ရှိ​သည့် တစ်​ပါး​တည်း​သော​သား​တော်​ဘု​ရား​#သို့​မ​ဟုတ် “တစ်​ပါး​တည်း​သော​ဘု​ရား”သည် ဘု​ရား​သ​ခင်​ကို ထင်​ရှား​စေ​တော်​မူ​ပြီ။
ဗတ္တိ​ဇံ​ဆ​ရာ​ယော​ဟန်​၏​သက်​သေ​ခံ​ချက်
19ဂျူး​လူ​မျိုး​တို့​သည် ယော​ဟန်​ထံ​သို့ ယဇ်​ပု​ရော​ဟိတ်​များ​နှင့်​လေ​ဝိ​အ​နွယ်​ဝင်​တို့​ကို ဂျေ​ရု​ဆ​လင်​မြို့​မှ​စေ​လွှတ်​၍ “သင်​သည်​မည်​သူ​နည်း”​ဟု မေး​မြန်း​စေ​ကြ​သော​အ​ခါ ယော​ဟန်​၏​သက်​သေ​ခံ​ချက်​မှာ ဤ​သို့​ဖြစ်​၏။20ယော​ဟန်​သည် ထိမ်​ဝှက်​ခြင်း​မ​ရှိ​ဘဲ ဝန်​ခံ​၍ “ငါ​သည် ခ​ရစ်​တော်​မ​ဟုတ်”​ဟု အ​တိ​အ​လင်း​ပြော​လေ​၏။21ထို​အ​ခါ သူ​တို့​က “သို့​ဖြစ်​လျှင် သင်​သည်​မည်​သူ​နည်း။ ဧ​လိ​ယ​#မာ​လ ၄:၅။လော”​ဟု မေး​ကြ​သော် ယော​ဟန်​က “ငါ​သည် ဧ​လိ​ယ​မ​ဟုတ်”​ဟု ဆို​၏။ “ထို​ပ​ရော​ဖက်​#တ​ရား ၁၈:၁၅၊ ၁၈။လော”​ဟု မေး​ကြ​ပြန်​သော် “မ​ဟုတ်”​ဟု ဆို​ပြန်​၏။22ထို​သူ​တို့​က​လည်း “သင်​သည်​မည်​သူ​နည်း။ ငါ​တို့​ကို​စေ​လွှတ်​သော​သူ​တို့​အား ပြန်​၍​ဖြေ​ကြား​နိုင်​ရန် သင့်​အ​ကြောင်း​ကို သင်​မည်​သို့​ပြော​မည်​နည်း”​ဟု ဆို​ကြ​၏။23ယော​ဟန်​က “ငါ​သည် ပ​ရော​ဖက်​ဟေ​ရှာ​ယ​ဟော​ပြော​ခဲ့​သည့်​အ​တိုင်း ‘ထာ​ဝ​ရ​ဘု​ရား​၏​လမ်း​တော်​ကို ဖြောင့်​တန်း​စေ​ကြ​လော့’​ဟူ​၍ တော​ကန္တာ​ရ​၌​ဟစ်​ကြော်​သော​သူ​၏​အ​သံ​ဖြစ်​၏”​#မ ၃:၃၊ မာ ၁:၃၊ လု ၃:၄။ (ဟေ​ရှာ ၄၀:၃) ဟု ဆို​၏။
24ထို​သူ​တို့​သည် ဖာ​ရိ​ရှဲ​တို့​ထဲ​မှ​စေ​လွှတ်​ခြင်း​ခံ​ရ​သော​သူ​များ​ဖြစ်​ကြ​၏။25တစ်​ဖန် သူ​တို့​က “သင်​သည် ခ​ရစ်​တော်​မ​ဟုတ်၊ ဧ​လိ​ယ​လည်း​မ​ဟုတ်၊ ထို​ပ​ရော​ဖက်​လည်း​မ​ဟုတ်​လျှင် အ​ဘယ်​ကြောင့်​ဗတ္တိ​ဇံ​#“နှစ်​ခြင်း၊ လွှမ်း​ခြုံ​ခြင်း၊ ဆေး​ကြော​ခြင်း” ဟူ​သော​အ​ဓိပ္ပာယ်​များ​ရှိ​၏။ပေး​သ​နည်း”​ဟု မေး​မြန်း​ကြ​၏။26ယော​ဟန်​က​လည်း “ငါ​သည် ရေ​၌​ဗတ္တိ​ဇံ​ပေး​၏။ သင်​တို့​အ​လယ်​၌ သင်​တို့​မ​သိ​သော​အ​ရှင်​တစ်​ပါး​ရပ်​လျက်​ရှိ​၏။27ထို​အ​ရှင်​သည် ငါ့​နောက်​တွင်​ကြွ​လာ​သော​အ​ရှင်​ဖြစ်​၏။ #အ​ချို့​မူ​ရင်း​ကျမ်း​၌ “ထို​အ​ရှင်​သည် ငါ့​နောက်​၌​ကြွ​လာ​သော်​လည်း ငါ့​ထက်​ကြီး​မြတ်​၏။”ထို​အ​ရှင်​၏​ခြေ​နင်း​တော်​ကြိုး​ကို​ဖြေ​ပေး​ရန်​ပင် ငါ​သည် မ​ထိုက်​တန်”​#မ ၃:၁၁၊ မာ ၁:၇-၈၊ လု ၃:၁၆၊ တ ၁၃:၂၅။ဟု ပြန်​ပြော​၏။
28ဤ​အ​ခြင်း​အ​ရာ​တို့​သည် ယော​ဟန်​ဗတ္တိ​ဇံ​ပေး​နေ​သော ဂျော်​ဒန်​မြစ်​တစ်​ဖက်​ကမ်း၊ ဗေ​သ​နိ​#အ​ချို့​မူ​ရင်း​ကျမ်း​၌ “ဗေ​သ​ဘာ​ရ”ရွာ​တွင်​ဖြစ်​ပျက်​ခဲ့​၏။
ဘု​ရား​သ​ခင်​၏​သိုး​သ​ငယ်​တော်
29နောက်​တစ်​နေ့​၌ ယော​ဟန်​သည် မိ​မိ​ထံ​သို့ ယေ​ရှု​ကြွ​လာ​တော်​မူ​သည်​ကို​မြင်​လျှင် “ကြည့်​လော့။ ဤ​လော​က​၏​အ​ပြစ်​ကို​ယူ​ဆောင်​သွား​သော ဘု​ရား​သ​ခင်​၏​သိုး​သ​ငယ်​တော်​ပေ​တည်း။30‘ငါ့​ထက်​အ​လျင်​ဦး​စွာ​ရှိ​နှင့်​သည်​ဖြစ်​၍ ငါ့​ထက်​ကြီး​မြတ်​သော​အ​ရှင်​#တိုက်​ရိုက်​ပြန်​ဆို​လျှင် “ငါ့​ရှေ့​၌​ဖြစ်​သော​သူ”သည် ငါ့​နောက်​တွင်​ကြွ​လာ​မည်’​ဟု ငါ​ဆို​ခဲ့​သည်​မှာ ထို​အ​ရှင်​၏​အ​ကြောင်း​ပင်​ဖြစ်​သည်။31ငါ​သည်​လည်း အ​စ​က သူ့​ကို​မ​သိ။ သို့​ရာ​တွင် အစ္စ​ရေး​လူ​မျိုး​ရှေ့​၌ သူ့​ကို​ထင်​ရှား​စေ​ရန် ငါ​သည်​လာ​၍ ရေ​၌​ဗတ္တိ​ဇံ​ပေး​လျက်​နေ​သည်”​ဟု ဆို​၏။
32တစ်​ဖန် ယော​ဟန်​သည် သက်​သေ​ခံ​သည်​ကား “ဝိ​ညာဉ်​တော်​သည် ချိုး​ငှက်​ကဲ့​သို့ ကောင်း​ကင်​မှ​ဆင်း​သက်​၍ သူ့​အ​ပေါ်​၌​တည်​တော်​မူ​သည်​ကို ငါ​မြင်​ရ​ပြီ။#မ ၃:၁၆၊ မာ ၁:၁၀၊ လု ၃:၂၁-၂၂။33ငါ​သည်​လည်း အ​စ​က သူ့​ကို​မ​သိ။ သို့​ရာ​တွင် ရေ​၌​ဗတ္တိ​ဇံ​ပေး​ရန် ငါ့​ကို​စေ​လွှတ်​တော်​မူ​သော​အ​ရှင်​က ‘တစ်​စုံ​တစ်​ဦး​အ​ပေါ်​သို့ ဝိ​ညာဉ်​တော်​ဆင်း​သက်​၍ သူ့​အ​ပေါ်​၌​တည်​တော်​မူ​သည်​ကို သင်​မြင်​လျှင် ထို​သူ​သည် သန့်​ရှင်း​သော​ဝိ​ညာဉ်​တော်​၌ ဗတ္တိ​ဇံ​ပေး​သော​သူ​ဖြစ်​၏’​ဟု ငါ့​အား​မိန့်​တော်​မူ​ခဲ့​သည့်​အ​တိုင်း34ငါ​မြင်​ရ​သ​ဖြင့် ဤ​သူ​သည် ဘု​ရား​သ​ခင်​၏​သား​တော်​#အ​ချို့​မူ​ရင်း​ကျမ်း​၌ “ဘု​ရား​သ​ခင်​ရွေး​ကောက်​တော်​မူ​သော​သူ” ဖြစ်​ကြောင်း​ကို ငါ​သက်​သေ​ခံ​သည်”​ဟု ဆို​လေ​၏။
35နောက်​တစ်​နေ့​၌ ယော​ဟန်​သည် တစ်​ဖန် မိ​မိ​၏​တ​ပည့်​နှစ်​ဦး​တို့​နှင့်​အ​တူ ရပ်​နေ​စဉ်36ယေ​ရှု​ကြွ​တော်​မူ​သည်​ကို​မြင်​၍ “ကြည့်​လော့။ ဘု​ရား​သ​ခင်​၏​သိုး​သ​ငယ်​တော်​ပေ​တည်း”​ဟု ဆို​၏။37ထို​သို့ ယော​ဟန်​ပြော​ဆို​သည်​ကို တ​ပည့်​နှစ်​ဦး​တို့​သည်​ကြား​လျှင် ယေ​ရှု​နောက်​တော်​သို့​လိုက်​သွား​ကြ​၏။38ယေ​ရှု​သည်​လှည့်​၍ ထို​သူ​တို့​လိုက်​လာ​ကြ​သည်​ကို​မြင်​လျှင် မည်​သည့်အ​ရာကိုအ​လို​ရှိကြသ​နည်း​ဟု မေး​တော်​မူ​၏။ ထို​သူ​တို့​က​လည်း “ရဗ္ဗိ၊ ကိုယ်​တော်​အ​ဘယ်​မှာ​နေ​တော်​မူ​သ​နည်း”​ဟု မေး​လျှောက်​ကြ​၏။ (ရဗ္ဗိ​၏​အ​ဓိပ္ပာယ်​မှာ ဆ​ရာ​ဟူ​၍​ဖြစ်​၏။)39ယေ​ရှု​က လာကြလော့ သင်တို့သိ​မြင်လိမ့်​မည်​ဟု မိန့်​တော်​မူ​သည့်​အ​တိုင်း သူ​တို့​သည်​လိုက်​သွား​၍ နေ​တော်​မူ​ရာ​အ​ရပ်​ကို​တွေ့​မြင်​ကြ​ပြီး ထို​နေ့​၌ ကိုယ်​တော်​နှင့်​အ​တူ​နေ​ခဲ့​ကြ​၏။ ထို​အ​ချိန်​ကား ည​နေ​လေး​နာ​ရီ​#တိုက်​ရိုက်​ပြန်​ဆို​လျှင် “ဒ​သ​မ​နာ​ရီ”ခန့်​ဖြစ်​၏။
40ယော​ဟန်​၏​စ​ကား​ကို​ကြား​၍ နောက်​တော်​သို့​လိုက်​သွား​သော​သူ​နှစ်​ဦး​ထဲ​မှ​တစ်​ဦး​သည် ရှိ​မုန်​ပေ​တ​ရု​၏​ညီ​အန္ဒြေ​ဖြစ်​၏။41အန္ဒြေ​သည် မိ​မိ​အစ်​ကို​ရှိ​မုန်​ကို ဦး​စွာ​တွေ့​၍ “ငါ​တို့​သည် မေ​ရှိ​ယ​ကို​တွေ့​ကြ​ပြီ”​ဟု ဆို​လျက်42သူ့​ကို ယေ​ရှု​ထံ​သို့​ခေါ်​ဆောင်​လာ​၏။ (မေ​ရှိ​ယ​၏​အ​ဓိပ္ပာယ်​မှာ ဘိ​သိက်​ခံ​ရ​သူ​#ဂ​ရိ​ဘာ​သာ​အား​ဖြင့် “ခ​ရစ်​တော်”ဟူ​၍​ဖြစ်​၏။) ယေ​ရှု​သည် ရှိ​မုန်​ကို​စူး​စိုက်​ကြည့်​၍ သင်သည် ယော​ဟန်သား#အ​ချို့​မူ​ရင်း​ကျမ်း​၌ “ယော​န​၏​သား” ရှိ​မုန်ဖြစ် သင်သည် ကေ​ဖဟုခေါ်​ဝေါ်ခြင်းခံ​ရလိမ့်​မည်​ဟု မိန့်​တော်​မူ​၏။ (ကေ​ဖ​၏​အ​ဓိပ္ပာယ်​မှာ ကျောက်​#ဂ​ရိ​ဘာ​သာ​အား​ဖြင့် “ပေ​တ​ရု”ဟူ​၍​ဖြစ်​၏။)
ဖိ​လိပ္ပု​နှင့်​နာ​သ​နေ​လ
43နောက်​တစ်​နေ့​တွင် ယေ​ရှု​သည် ဂါ​လိ​လဲ​နယ်​သို့​ထွက်​ခွာ​ရန် အ​လို​တော်​ရှိ​၏။ ထို​အ​ခါ ဖိ​လိပ္ပု​ကို​တွေ့​လျှင် ငါ့နောက်သို့လိုက်လော့​ဟု မိန့်​တော်​မူ​၏။44ဖိ​လိပ္ပု​သည် အန္ဒြေ​နှင့်​ပေ​တ​ရု​တို့​၏​ဇာ​တိ​မြို့​ဖြစ်​သော ဗက်​ဇဲ​ဒ​မြို့​မှ​လာ​သော​သူ​ဖြစ်​၏။45ဖိ​လိပ္ပု​သည် နာ​သ​နေ​လ​ကို​တွေ့​လျှင် “မော​ရှေ​သည် ပ​ညတ်​တ​ရား​ကျမ်း​၌​လည်း​ကောင်း၊ ပ​ရော​ဖက်​တို့​သည်​လည်း သူ​တို့​ကျမ်း​၌​လည်း​ကောင်း ရေး​သား​ဖော်​ပြ​ထား​သော​သူ၊ ယော​သပ်​၏​သား၊ နာ​ဇ​ရက်​မြို့​မှ​ယေ​ရှု​ကို ငါ​တို့​တွေ့​ကြ​ပြီ”​ဟု ဆို​၏။46နာ​သ​နေ​လ​က​လည်း “နာ​ဇ​ရက်​မြို့​ထဲ​မှ ကောင်း​သော​အ​ရာ​တစ်​စုံ​တစ်​ခု​ထွက်​နိုင်​သ​လော”​ဟု ဆို​သော် ဖိ​လိပ္ပု​က “လာ​၍​ကြည့်​ပါ”​ဟု ဆို​လေ​၏။
47ယေ​ရှု​သည် မိ​မိ​ထံ​သို့ နာ​သ​နေ​လ​လာ​နေ​သည်​ကို​မြင်​လျှင် ကြည့်လော့ စစ်​မှန်သောအစ္စ​ရေးအ​မျိုး​သားပေ​တည်း သူစဉ်း​လဲခြင်းရှိ​ဟု သူ့​ကို​ရည်​ညွှန်း​၍ မိန့်​တော်​မူ​၏။48နာ​သ​နေ​လ​က​လည်း “ကိုယ်​တော်​သည် အ​ကျွန်ုပ်​ကို မည်​သို့​သိ​ပါ​သ​နည်း”​ဟု မေး​လျှောက်​သော် ယေ​ရှု​က ဖိ​လိပ္ပုသည် သင့်ကိုခေါ်မီ သင်သည် သ​ဖန်း​ပင်အောက်​၌ရှိနေသည်ကို ငါမြင်​ဟု ပြန်​၍​မိန့်​တော်​မူ​၏။49နာ​သ​နေ​လ​က “ရဗ္ဗိ၊ ကိုယ်​တော်​သည် ဘု​ရား​သ​ခင်​၏​သား​တော်​ဖြစ်​ပါ​သည်။ အစ္စ​ရေး​ဘု​ရင်​လည်း​ဖြစ်​ပါ​သည်”​ဟု လျှောက်​လေ​၏။50ယေ​ရှု​က​လည်း သ​ဖန်း​ပင်အောက်​၌ သင့်ကို ငါမြင်သည်ဟုဆိုသော​ကြောင့် သင်ယုံ​ကြည်သ​လော ထက်ကြီး​မြတ်သောအ​ရာများကို သင်မြင်လိမ့်​မည်​ဟု ပြန်​၍​မိန့်​တော်​မူ​ပြီး​လျှင်51သင်တို့အား ငါအ​မှန်​အ​ကန်ဆိုမည် ကောင်း​ကင်သည်ပွင့်လျက် ဘု​ရား​သ​ခင်ကောင်း​ကင်တ​မန်တို့သည် လူ့​သားအ​ပေါ်​တွင် တက်လျက်ဆင်းလျက်နေကြသည်ကို သင်တို့မြင်ကြလိမ့်​မည်#က ၂၈:၁၂။ဟု မိန့်​တော်​မူ​၏။