Suosittuja jakeita Raamatun kirjasta 2 Taga-Corinto 9

Jaa

Kabaelan nga ited ti Dios ti ad-adu pay ngem ti kasapulanyo ket aglaplapunosankayto a kanayon tapno agsobsobraankayto a maipaay iti panagaramidyo iti naimbag.

Ngarud, mangted koma ti tunggal maysa kas agubbog iti pusona. Saan koma a nasakit ti nakemna wenno mapilpilit, ta ayaten ti Dios ti mangted a siraragsak.

Laglagipenyo a ti tao a bassit ti imulana, bassitto met ti apitenna. Ti tao nga adu ti imulana, adunto met ti apitenna.

Ket ti Dios a mangted iti bukel iti agmulmula ken iti tinapay a taraon, ikkannakayto met iti amin a bukel a masapulyo ket paaduennanto tapno adunto ti apitenyo gapu iti kinamanagparaburyo. Pabaknangennakayto met a kanayon tapno mabalinyo ti agparabur iti amin a tiempo, ket adunto ti agyaman iti Dios gapu kadagiti tulongyo nga inawatda kadakami.

Agyamantayo iti Dios gapu iti saan a magatadan a sagutna!