Suosittuja jakeita Raamatun kirjasta 2 Taga-Corinto 4

Jaa

Ta dagiti banag a di makita ti kitaenmi, saan a dagiti makita. Apagbiit laeng ti banag a makita, ngem agpaut iti agnanayon ti banag a di makita.

Gapu iti daytoy, pulos a saankam a maupay. Uray no main-inut nga agrupsa ti nailasagan a bagimi, inaldaw met a mapabaro ti naespirituan a kinataomi. Ket daytoy nalag-an ken apagbiit a sagsagabaenmi, itedna kadakami ti dakkel ken agnanayon a dayag nga awan pakaipadaanna.

Masansan a maipasangokami iti riribuk, ngem saankami a maparukma. No dadduma, agduaduakami, ngem saankami a maupay. Adu ti kabusor, ngem adda latta gayyemmi. Uray no nakaro ti pannakakabilmi, saankami a matay.

Ngem dakami nga addaan iti daytoy naespirituan a gameng, mayarigkami kadagiti narukop a banga tapno maipakita a ti kangatoan a pannakabalin ket kukua ti Dios, saan a dakami.

Saanda a mamati, ta ti isipda kinullaapan ni Satanas a mangituray iti daytoy a lubong, ket dida makita ti silaw nga aggapu iti Naimbag a Damag maipapan iti dayag ni Cristo a ladawan ti Dios.

Ti Dios a nagkuna, “Agraniag ti silaw manipud iti kasipngetan!” ket isu met laeng ti Dios a nangted iti silawna kadagiti pusomi tapno maammoanmi ti dayag ti Dios iti rupa ni Cristo.