Suosittuja jakeita Raamatun kirjasta Éxodo 4

Jaa

Tsënö niptinmi TEYTA DIOS nirqan: <<Tsëqa ¿pitaq nunapa shiminta kamashqa? ¿Pitaq kaman upa kananpaq, mana wiyaq kananpaqpis, wisku kananpaq y rikaq kananpaqpis? ¿Manaku noqa këkä? Tsëpinqa Egiptuman ëwë. Parlanqëki höra qamwanmi këkäshaq. Imanö parlanëkipaqpis noqam käyitsishqëki>>.

Niptinnam Moisés nirqan: <<¡Ay, TEYTA DIOS! Noqaqa manam shumaq parlëtapis yachätsu. Tsënö kanqäqa manam kananllatsu, sinöqa unëpita patsanam. Tsëmi parlëta pishipä>>.

Tsënö niptinnam TEYTA DIOS piñarkur nirqan: <<Mana valoraptikiqa Leví trïbupita wawqiki Aarónmi yanapashunki. Allim nunakunata käyitsin. Pëmi taripäshunëkipaq shamunqa. Tinkuriyaptikim shonqunchö alläpa kushikunqa.