Suosittuja jakeita Raamatun kirjasta Éxodo 10

Jaa

Tsëpitanam Moisésta TEYTA DIOS nirqan: <<Faraón kaqman ëwë. Alläpa mantsakëpaq castïgukunawan castiganäpaqmi pëpata y mandakur yanapaqninkunapa shonqunkunata chukruyätsirqü. Tsëmi poderyuq TEYTA DIOS kashqäta käyirnin Egiptuchö mantsakëpaq castïgukunawan jipatsinqäta wamrëkikunata y willkëkikunatapis willayanki>>.

Tsëpitanam Moisésta TEYTA DIOS nirqan: <<Ciëluman makikita pallarï jinantin Egiptuchö patsa pasëpa tutapänanpaq>>. Nishqannö Moisés makinta pallariptinmi kima junaqyaq Egiptuchö patsa pasëpa tutapakurkurqan. Tsëmi Egipto nunakunaqa kima junaq pitapis rikäyarqantsu ni mëpa ëwëtapis puëdiyarqantsu. Israel nunakuna täräyanqanchöqa atsikyarqam.

Tsënö niptinmi Egiptuman tukrunta Moisés toqurqan. Tsënam inti yarqamunan lädupita juk paqas y juk junaq TEYTA DIOS vientütsimurqan. Patsa warämunanpaqqa atska pintiq kurukuna këkänaq. Tsënöpam llapan Egiptuman pintiq kurukuna juntayarqan. Tsënöqa manam imëpis kashqatsu ni imëpis kanqatsu.