Suosittuja jakeita Raamatun kirjasta 1 KORIINTO KAM 13

Jaa

Gux chu joiꞌgɨꞌn, dhiꞌ puiꞌm tɨɨtɨꞌ noꞌñ jix maat nañ jax jaꞌk nakgaꞌ noꞌx buam tuñ jim, gio nañ jix bhaiꞌ ja buadaꞌ gu jaiꞌ. Gio nañ cham tuꞌ bhaan tɨ jɨɨgam kaꞌ, gio nañ cham tuꞌ naiꞌ pɨx am ja nɨnɨiꞌñchuꞌndaꞌ gu jaiꞌ gu tuꞌ nañ xi biaꞌkaꞌ. Gio nañ cham tuꞌ kaꞌm gɇꞌkam jiñ chaat kaꞌ, gio nañ cham giilhim tu ñiokdaꞌ, gio nañ cham dɨɨlh xiñ joiꞌgɨꞌndaꞌ. Gio nañ cham bhaamdar kaꞌ, ni kuñ cham jiñ jur am biaꞌkaꞌ gu bhaamdaraꞌ.

Cham tuꞌ bhaan jañ jax jir jiñ aaꞌndam kaꞌ noꞌñ tuꞌ sɨlhkam jix chu joiꞌgɨꞌn, siañ jax jiñ chulhiiñ. Jir jix chu nakooꞌndaꞌ iñ, gam nañ tɨ jɨɨgiꞌñdhaꞌ tuꞌ na jax jum kaiꞌchdhaꞌ.

Gio nañ cham tuꞌ bhaiꞌñ chaat kaꞌ noꞌñ jix maat na cham jir am gu tuꞌ noꞌt miꞌ paiꞌ jax tum duu, noꞌ am gɨɨxim gu tuꞌ na baꞌx bhaiꞌñ chaat kaꞌ.

Baꞌ baik pɨx jum aaꞌ nach bhaan tu daaꞌñchuꞌndaꞌ gammɨjɨ: Nach tuꞌ sɨlhkam tɨ jɨɨꞌñdhat buiñor guch Xoiꞌkam miꞌ puiꞌ jiimdaꞌ na jax jix aaꞌ, gio nach tuꞌ sɨlhkam tɨ jɨɨgiꞌñdhaꞌ na puiꞌ tu duñiaꞌ gu Dios nat jax tɨi, gio baꞌ nach tuꞌ sɨlhkam jix chu joiꞌgɨꞌndaꞌ. Baꞌ dhi baik nañ ja aaꞌ, dhiꞌ pɨk jix ioꞌm jum aaꞌ nach tuꞌ sɨlhkam jix chu joiꞌgɨꞌndaꞌ.

Gammɨjɨ pux jaiꞌch kaꞌ dhiꞌ nax chu joiꞌgɨꞌn jum tɨɨtɨꞌ, cham paiꞌ dhuuk jugiaꞌ, na guꞌ pu cham tu juꞌngɨ. Dai gu jaroiꞌ na bhaankam ka tu aꞌgadaꞌ gu Dios na baꞌ jax chuꞌm tanoolh cham paiꞌ ka tu aꞌgadaꞌ, daipuꞌ na xi ja aaꞌñdhimɨi na jax jaꞌk jix aaꞌndaꞌ gu Dios. Ni ku cham paiꞌ jaroiꞌp ka tu daandaꞌ gu jumai ñiꞌook kɨꞌn, ni ku cham kam aaꞌndaꞌ sia ku jaroiꞌ bɨɨx aixim jix chu maat yaꞌ dhi oiꞌñgaꞌn.

Noꞌñ cham tu joiꞌgɨꞌn, pu cham tuꞌ mi tɨgiaꞌ iñ siañ chi muiꞌ ñiiñioꞌk kɨꞌn jix maatɨt tu daan, siañ chi moo tɨi ja ñiꞌook kɨꞌn gu noonbiꞌñ gu Dios jix maatɨt kɨꞌn tu daan. Jaꞌp pɨx kaiꞌchdhaꞌ iñ na jax gu baiñum piam tuꞌ jooxiaꞌ kɨlhdhaꞌ noꞌ jaroiꞌ kɨꞌn tɨ gɨb.

Piam sia ku tɨir jiñ aꞌmkam nañ bhaankam gu Dios ja aagiꞌñdhaꞌ gu jaiꞌch Xoiꞌkam jɨɨgiꞌñdham na jax jaꞌk jix aaꞌ, piam kuñ bɨɨx jix chu maat na jɨꞌk tuꞌx chu jaiꞌch yaꞌ dhi oiꞌñgaꞌn gio na jax jaꞌk tu tuꞌiiꞌ, piam sia kux bhaaiꞌ nañ ja joiñchudaꞌ gu oiꞌdhaꞌ nañ jix bhaiꞌ tɨ jɨɨgiꞌñ buiñor guch Xoiꞌkam, guꞌ pɨx ji noꞌñ guꞌ cham tu joiꞌgɨꞌn, pur cham tuꞌ kaꞌ iñ.

Piam sia ku ñich tɨi tu ja maa bɨɨx gu tuꞌ nañ biaꞌ guiꞌ nam cham tuꞌ biaꞌ ni jɨꞌx, sia ñich chi moo bhaankam tɨi xi muu gu jaroiꞌ nañ puiꞌ jiñ aagɨt nam gatuuk pɨx jix bhaiꞌñ aaꞌndaꞌ gu jaꞌtkam, guꞌ pɨx ji noꞌ ñich guꞌ cham tu joiꞌmdak muu, pur cham tuꞌ kaꞌ iñ sia pɨk nar jax kaꞌ gɨt.

Aañ janoꞌ nañ jir alhii kat, puiꞌñ jaꞌk tu jimdat na jax jaꞌk tu jimdaꞌ maaꞌn gu alhii, nañ jax jaꞌk jiñ aaꞌndaꞌ, gio nañ jax jaꞌk tu aꞌgadaꞌ, gio gu tuꞌ nañ jax jaꞌk jix maatɨt kɇɇkɇꞌ. Baꞌ xib nañ bar gɇꞌ maaꞌnkam, cham tuꞌ puiꞌ kiaꞌ.