Suosittuja jakeita Raamatun kirjasta Mateo 8

Jaa

As ech tal ve't u Jesús ile': —¿Kam q'i nexo'va, ex uva' b'iil kuxh u k'ujleb'al ek'u'le' ati?— ti'k Aak. As txakpu ve't u Jesús. As iyaa ve't Aak u kajiq'e' tuk' u mar. As yak kuxh ya' ve't u a'e' ti' ipilq'ut tib'.

As ech tal ve't viq'esal unq'a sol ile': —Ye'le, Pap, tan nim aalche'. As ye'l vijle'm ati uva' la oon axh tunkab'al. Pet al b'en kuxhtu' uva' la b'a'nx ve't vunk'ame'. As tuk b'a'nxoje'

As tul tab'i ve't u Jesús u yole' uva' tal viq'esal unq'a sole', as txuq'txun ve't Aak. As ech tal ve't Aak ile' xo'l unq'a tename': —Ile' jik chit tuk val sete, tan ye'l umaj naj vile'te xo'l unq'a tiaal Israel uva' ech u k'ujleb'al ik'u'le' eche' nib'an u naje'.

As ech tal ve't u Jesús ile' te viq'esal unq'a sole': —Kuxh ve'te', tan kam uva' kat anima as kat ib'anla',— ti'k u Jesús. As tul kuxh tal Aak u yole', as yak kuxh el u ch'o'me' ti' vik'am naje'.

As yak kuxh samun ve't unq'a ichusulib' Aake'. As ech tal ve't chajnaj ile' svatzaj: —¡Xo'veb'al u tijle'm Aake', tan ninimal Aak ta'n u kajiq' jab'ale' tuk' u mar!— ti'k chajnaj svatzaj.