Suosittuja jakeita Raamatun kirjasta VARHOMA 14

Jaa

Hikuva ku fuma ka Xikwembu a hi ku dya ni ku nwa; kambe i ku lulama, ni ku rhula, ni ku tsaka hi Moya lowo Kwetsima. Hikuva la tirhelaka Kriste eswilweni sweswo, u tsakisa Xikwembu, kambe u yimeriwa hi vanhu.

Hikuva hambi hi hanya, hi hanyela Hosi; hambi hi fa, hi fela Hosi; hikwalaho, hambi hi hanya, hambi hi fa, hi va Hosi.

A hi laveni hikwalaho timhaka leti humesaka ku rhula, ni leti hi nga akisanaka kun'we ha tona.

Loko swi ri tano, a hi tshikeni ku avanyisana, kambe avanyisani leswaku mi nga vekeri vamakwenu xikhunguvanyiso ni ribye leri wisaka.

Hikuva ku tsariwile leswaku: “Hi wena la hanyaka; ku vula Hosi; matsolo hinkwawo ma ta khinsama emahlweni ka wena, ni tindzimi hinkwato ti ta dzunisa Xikwembu.” Hi mukhuva wolowo, un'wana ni un'wana wa hina u ta tihlamulela swa yena eka Xikwembu.

Loko a ri la tsaneke eku pfumeleni, mi n'wi amukela, mi nga tengisani na yena etimhakeni.

Xana u mani, wena la avanyisaka nandza wa un'wana? Hambi a yima, hambi a khunguvanyeka, swi tiviwa hi n'wini wa yena; kambe u ta yima, hikuva Hosi yi ni matimba ku n'wi yimisa.