Suosittuja jakeita Raamatun kirjasta NHLAVUTELO 12

Jaa

Va n'wi hlurile hi ngati ya Xinyimpfana, ni rito ra vumbhoni bya vona, kutani a va rhandzangi vutomi bya vona, ku yisa eku feni.

Kutani ndzi twa rito lerikulu etilweni, ri ku: “Sweswi, ku fikile ku hlayiseka, ni matimba, ni ku fuma ka Xikwembu xa hina; ni matimba ya Kriste wa xona; hikuva muhehli wa vamakwerhu, loyi a nga va hehla emahlweni ka Xikwembu xa hina vusiku ni nhlekanhi, u cukumetiwile.

Kutani dragona leyikulu, yi nga nyoka ya khale, leyi vuriwaka Diyavulosi na Satana, leyi xisaka misava hinkwayo, yi cukumetiwa emisaveni ni tintsumi ta yona ti cukumetiwa na yona.

Tsakani hakona, n'wina matilo, na n'wina lava akeke kona! Mi ni khombo n'wina lava akeke emisaveni ni le lwandle, hikuva Diyavulosi u xikele eka n'wina a karihile ngopfu hi ku tiva leswaku nkarhi wa yena a wa ha ri wungani.”

Kutani ku lwa ku va kona etilweni; Mikaele ni tintsumi ta yena va lwa ni dragona; yona dragona, yi lwa yi ri ni tintsumi ta yona.

Kutani dragona yi karihela wansati, yi suka yi ya lwa ni leswi seleke swa vana va yena, lava hlayisaka milawu ya Xikwembu, lava nga ni vumbhoni bya Yesu Kriste.

Kutani ku humelela singita lerikulu etilweni: I wansati la ambaleke dyambu, n'weti wu ri hansi ka milenge ya yena, kutani a rhwele enhlokweni harhi ya tinyeleti ta khume na timbirhi. A a tikile, kutani a huwelela, a ri karhi a twa ku vaviseka ni ku lumiwa eku velekeni ka yena.

Kutani a veleka n'wana wa wanuna, loyi a nga ta fuma matiko hinkwawo hi nhonga ya nsimbhi, kambe n'wana wa yena a tekeriwa eka Xikwembu ni le ka xiluvelo xa xona. Kutani wansati a balekela emananga, laha a lunghiseriweke vutshamo hi Xikwembu, leswaku a phameriwa kona hi masiku ya 1 260.

Kambe ku humelela singita rin'wana etilweni: I dragona leyikulu leyo tshwuka, yi nga ni tinhloko ta ntlhanu na timbirhi ni timhondzo ta khume; etinhlokweni ta yona a ku ri ni tihari ta ntlhanu na timbirhi. Ncila wa yona a wu koka ku avanyisa ka vunharhu ka tinyeleti ta le tilweni kutani yi ti hoxa emisaveni. Kavaloko dragona yi yima emahlweni ka wansati loyi a laveke ku veleka leswaku yi ta dya n'wana wa yena loko a velekile.

Kutani wansati a nyikiwa timpapa timbirhi ta gama lerikulu, leswaku a hahela emananga exivandleni xa yena, laha a phameriwaka kona hi nkarhi wun'we, ni mikarhi mimbirhi, ni hafu ya nkarhi, a ri ekule ni nyoka. Kutani nyoka yi humesa enon'wini wa yona mati kukotisa nambu endzhaku ka wansati, leswaku a tekiwa hi wona. Kambe misava yi pfuna wansati: misava yi ahlamisa nomu wa yona, yi mita nambu lowu dragona yi wu humeseke enon'wini wa yona.