Suosittuja jakeita Raamatun kirjasta TIPISALEMA 143

Jaa

Ndzi letele ku endla leswi rhandziwaka hi wena! Hikuva u Xikwembu xa mina. Moya wa wena lowa vunene a wu ndzi fambise endleleni ya ku lulama!

Ndzi nantswise rito ra tintswalo ta wena wa ha ri mixo! Hikuva ndzi tshembile wena. Ndzi kombise ndlela leyi ndzi fanelaka ku famba ha yona! Hikuva ndzi tlhandlukisela moya wa mina eka wena.

Yehovha, ndzi kutsule ka valala va mina! Ndzi chavela eka wena.

Yehovha, ndzi hanyise, hikwalaho ka vito ra wena! Hi ku lulama ka wena, humesa moya wa mina ekhombyeni.

Yehovha, yingisa xikhongelo xa mina; U rhiya ndleve, u yingisa ku khongela ka mina! Ndzi hlamule hikwalaho ka vutshembeki bya wena, ni ku lulama ka wena.

Yehovha, hatlisa u ndzi hlamula! Moya wa mina wa titivala. U nga tshuki u ndzi fihlela mombo wa wena, Leswaku ndzi nga fani ni vanhu lava xikelaka esirheni.

Ndzi ehleketa mikarhi ya khale, Ndzi anakanya hinkwaswo leswi u swi endleke, Ndzi tsundzuka hinkwaswo leswi mavoko ya wena ma swi endleke.