Suosittuja jakeita Raamatun kirjasta MARKA 12

Jaa

Yesu a n'wi hlamula, a ku: “Nawu lowo rhanga hi lowu nge: ‘Yingisa, Israele: Hosi, Xikwembu xa hina, i Hosi yi ri yoxe. Kutani: Rhandza Hosi, Xikwembu xa wena, hi mbilu ya wena hinkwayo, ni moya wa wena hinkwawo, ni ku anakanya ka wena hinkwako, ni matimba ya wena hinkwawo’; hi wona nawu lowo rhanga. Kutani wa vumbirhi lowu fanaka na wona, hi lowu nge: ‘Rhandza warikwenu, kukota loko u tirhandza’; a ku na nawu lowukulu eka yona yoleyo.”

Kuteloko a vitanile vadyondzisiwa va yena, a ku eka vona: “Kunene ndzi ri eka n'wina: Noni leyi ya xisiwana, yi humesile ku tlurisa hinkwavo lava nga humesa nhlengo. Hikuva hinkwavo va tekile eku taleriweni ka vona, kambe loyi u humesile evusiwaneni bya yena, hinkwaswo leswi ngi a ri na swona, hinkwaswo leswi a nga ta hanya ha swona.”

Yesu, kakuloko a tshamile kusuhi ni laha ku hlayisiwaka nhlengo, a languta hilaha vanhu va hoxaka mali enhlengweni; kambe vafuwi lavo tala va hoxa ngopfu. Ku ta ni noni ya xisiwana, yi hoxa swipambatana swimbirhi leswi ringanaka fadeni.

kutani ku xi rhandza hi mbilu hinkwayo, ni ku anakanya hinkwako, ni moya hinkwawo, ni matimba hinkwawo, ni ku rhandza warikwavo tanihi loko munhu a tirhandza, swi tlula magandzelo hinkwawo.”

Kavaloko Yesu a va hlamula, a ku: “Tlheriselani Khezari leswi nga swa Khezari, ni Xikwembu leswi nga swa Xikwembu.” Kutani va n'wi hlamala ngopfu.