Suosittuja jakeita Raamatun kirjasta MATEWU 24

Jaa

Kutani rirhandzu ra lavo tala ri ta tsana hikwalaho ka ku andza ka ku homboloka. Kambe la nga ta tiyisela ku fikela emakumu, hi yena la nga ta hlayiseka.

Kutani Evhangeli leyi ya ku fuma yi ta vuriwa emisaveni hinkwayo leswaku byi va vumbhoni eka matiko hinkwawo; hi kona ku nga ta humelela makumu.

Mi ta twa tinyimpi, ni mpfumawulo wa tinyimpi, kambe tivoneleni leswaku mi nga ti tshukisiwa; sweswo hinkwaswo swi fanele ku humelela, kambe ku ta va ku nga si va wona makumu.

Hikuva tiko rin'wana ri ta pfukela tiko rin'wana matimba, ni ku fuma kun'wana ku ta lwa ni ku fuma kun'wana; tindlala ti ta va kona ni ku tsekatseka ka misava hi matlhelo layo tala. Kambe sweswo hinkwaswo ku ta va ku sungula ntsena ka khombo.

Tilo ni misava swi ta hundza, kambe marito ya mina ma nga ka ma nga hundzi.

Hikuva lavo tala va ta ta hi vito ra mina, va ku: ‘Hi mina Kriste’; kutani va ta hambukisa lavo tala.

Enkarhini wolowo va ta mi nyiketa ku xanisiwa, ni ku dlawa; mi ta vengiwa hi matiko hinkwawo hikwalaho ka vito ra mina. Hikwalaho lavo tala va ta khunguvanyeka, kutani va ta hehlana ni ku vengana. Ku ta humelela vaprofeta lavo tala va mavunwa va ta hambukisa lavo tala.

Yesu a va hlamula, a ku: “Tilanguteleni, mi nga ti tshuka mi xisiwa hi munhu.

Na n'wina, tilunghiseni hakona, hikuva N'wana wa Munhu u ta ta hi nkarhi lowu mi nga wu anakanyiki.

Hitekani-ke, hikuva a mi tivi nkarhi lowu Hosi ya n'wina yi nga ta ta ha wona.

“Loko ri ri siku lero ni nkarhi, a ku na loyi a wu tivaka; swi tsandza ni tintsumi ta le matilweni, a ti wu tivi, hambi a ri N'wana; kambe ku tiva Tatana a le swakwe.

Hikuva ku ta humelela lava tivulaka Kriste hi vunwa, kambe vaprofeta va mavunwa va ta endla masingita lamakulu, ni mahlori lama nga ta hambukisa na vona vahlawuriwa, loko swi nga koteka.

Kambe kukotisa leswi nga humelela emikarhini va Nowa, swi ta va tano ni le ku teni ka N'wana wa Munhu; hikuva kukotisa emikarhini ya ndhambi ya mati, loko vanhu a va ri karhi va dya, va nwa, va teka, va hlomisana, ku ko ku fika siku leri Nowa a ngheneke engalaveni ha rona, a va anakanyanga nchumu ku ko ku fika ndhambi, kutani va dyiwa hinkwavo hi yona; swi ta endlisa sweswo eku teni ka N'wana wa Munhu.