Suosittuja jakeita Raamatun kirjasta VAHEVERU 8

Jaa

Hikuva ndzi ta va twela vusiwana eku hombolokeni ka vona, kutani ndzi nga ka ndzi nga ha tshami ndzi tsundzuka ku dyoha ka vona, ni milandzu ya vona.”

Hikuva ntwanano lowu ndzi nga ta wu vekela yindlu ya Israele, endzhaku ka masiku lawa, hi lowu, ku vula Hosi: Ndzi ta veka milawu ya mina eku anakanyeni ka vona, ndzi yi tsala etimbilwini ta vona, ndzi ta va Xikwembu xa vona, vona va va tiko ra mina.

Kutani a va nga ha tshami va dyondzisana, un'wana ni un'wana a dyondzisa warikwavo, kumbe makwavo, a ku: ‘Tiva Hosi!’ Hikuva va ta ndzi tiva hinkwavo ku sungula hi lontsongo, ku ya fika eka lonkulu.

Hikuva xi vulavule na vona hi ku tshinya, xi ku: “Masiku ma ta, ku vula Hosi, lawa ndzi nga ta endla ha wona ntwanano lowuntshwa ni yindlu ya Israele, ni yindlu ya Yuda

Kutani nhloko ya timhaka leti vuriweke hileswaku, hi ni muprista lonkulu lowo tano, la tshamaka evokweni ra xinene ra xiluvelo xa vuhosi le matilweni