Suosittuja jakeita Raamatun kirjasta GENESA 17

Jaa

Kuteloko Abrama a hanyile malembe ya 99, Yehovha a tikombisa eka Abrama, a ku eka yena: “Hi mina Xikwembu xa matimba hinkwawo.

A va nga ha ku vuli hi vito ra Abrama, kambe vito ra wena u ta va Abrahama, hikuva ndzi ku endle tata wa matiko lamanyingi.

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

“Loko ndzi ri mina, waswivo, ntwanano wa mina na wena, hi wolowo: U ta va tata wa matiko lamanyingi.

Kutani Xikwembu xi ku: “E-e, kambe Sara, nsati wa wena, u ta ku velekela n'wana wa wanuna, u ta n'wi thya vito ra Isaka; ndzi ta tiyisa ntwanano wa mina na yena, wu va ntwanano lowu nga ka wu nga heleli vatukulu va yena.

Ndzi ta ku nyika, na vona vatukulu va wena endzhaku ka wena, tiko leri u nga ka rona u ri muluveri, ri nga tiko ra Kanana hinkwaro, va ri fuma hilaha ku nga heriki, kutani ndzi va Xikwembu xa vona.”

Kutani Abrahama a wa hi mombo, a hleka, a ku embilwini ya yena: “Xana munhu wa dzana ra malembe a nga velekeriwa n'wana-ke? Na yena Sara a nga tiva ku veleka a ri wansati wa makume ya ntlhanu na mune wa malembe?”

Kutani Xikwembu xi ku eka Abrahama: “Loko a ri Sarayi, nsati wa wena, a wu nga ha tshami u n'wi vula hi vito ra Sarayi, kambe vito ra yena u ta va Sara.

Mi ta yimbisa nyama ya n'wina, wu va mfungho wa ntwanano exikarhi ka mina na n'wina.

Kambe ndzi ta tiyisa ntwanano wa mina na Isaka, loyi Sara a nga ta ku velekela enkarhini lowu, haxawu.”

Wanuna un'wana ni un'wana wa masiku ya ntlhanu na manharhu u ta yimbisiwa exikarhi ka n'wina etinxakeni ta n'wina, hambi a ri loyi a tswariweke endlwini, hambi a ri la xaviweke hi mali eka valuveri lava nga riki va rixaka ra wena. A a yimbisiwe hambi a ri loyi a tswariweke endlwini, hambi a ri loyi a xaviweke hi mali ya wena, kutani ntwanano wa mina wu ta va enyameni ya n'wina wu ri ntwanano lowu nga heriki.