Suosittuja jakeita Raamatun kirjasta VAGALATIYA 6

Jaa

Hi nga tshuki hi karhala ku endla leswinene, hikuva hi ta tshovela enkarhini wa kona, loko hi nga lolohi.

Hikwalaho, loko ha ha ri ni nkarhi, a hi endleleni hinkwavo leswinene, kambe ngopfungopfu va yindlu ya ku pfumela.

Rhwalelanani mirhwalo, mi ta hetisa sweswo nawu wa Kriste.

Mi nga tshuki mi tikanganyisa: Xikwembu a xi vungunyiwi; hikuva lexi munhu a xi byalaka, hi xona lexi a nga ta xi tshovela

la byalelaka nyama ya yena, u ta tshovela enyameni leswo bola; kambe la byalelaka Moya, u ta tshovela eMoyeni vutomi lebyi nga heriki.

Vamakwerhu, kungakuloko munhu a kumiwa enandzwini, n'wina va Moya, n'wi pfuxeni hi moya wa ku olova; kutani wena u tilangutela leswaku u nga ringiwi, na wena.

Hikuva loko munhu a tianakanya, a ku: Ndzi xilo, kasi a nga ri nchumu, wa tixisa a ri yena; kambe un'wana ni un'wana a a ringe ntirho lowu nga wa yena, kutani hi kona a nga ta va ni nkarhi wa ku tidzunisa emianakanyweni ya yena, ku nga ri ku tifanisa ni van'wana; hikuva un'wana ni un'wana u ta rhwala ndzhwalo wakwe.