Suosittuja jakeita Raamatun kirjasta 2 TIMOTIYA 3

Jaa

Matsalwa hinkwawo lama huhutiweke hi Xikwembu, ma pfuna ku dyondzisa, ni ku khorwisa, ni ku ololoxa, ni ku kurisa eku lulameni; leswaku munhu wa Xikwembu a ta hetiseka, a ta lunghiseriwa ntirho wun'wana ni wun'wana lowunene.

U nga tiva mhaka leyi, leswaku emasikwini ya makumu, ku ta humelela mikarhi yo nonon'hwa. Hikuva vanhu va ta va lava tirhandzelaka, lava rhandzaka mali, lava tibombisaka, lava tikurisaka, lava hlevaka, lava nga yingisiki vatswari va vona, va nga tivi ku khensa, vasandzi, lava pfumalaka rirhandzu, lava nga tshembekiki, valumbeti; lava nga tiviki ku tikhoma, lava nga tiviki musa, lava vengaka lavanene, vaxengi, vakarihi, lava tikurisaka, lava rhandzaka ku tsaka, xi nga ri Xikwembu, va ni nghohe ya vukhongeri, kambe va arile matimba ya byona. Na vona, u va fularhela.